୧ ତିମତି 3:6 - ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

⁶ ସେ ନଃଉଆଁ ବିସ୍ୱାସି ଅୟ୍‌ନଃରେଅ, ଜଃଡେବଃଳ୍‌ ବଃଡ୍‌ହାଣ୍ୟା ଅୟ୍‌ ସୟ୍‌ତାନ୍ ହର୍‌ ଡଃଣ୍ଡ୍‌ ହାୟ୍‌ଦ୍‌ ।

ବ୍‌ଡ଼୍ ହ୍‌ର୍‌ଜା ବାଇବଲ

⁶ ସେ ଗଟେକ୍ ନ୍ଉଁଆ ବିଶ୍‍ବାସି ଅଇନ୍‌ରେତା ଦର୍‍କାର୍, ସେ ବିଶ୍‍ବାସେ ଡାଟ୍ ଅଇରେତା ଦ୍‌ର୍‌କାର୍, ନଇଲେକ୍ ଇଶ୍ଵର୍ ଶଇତାନ୍‌କେ ତାର୍ ଗ୍‌ର୍‌ବ୍ ଗିନେ ଦ୍‌ଣ୍ତ୍‌ଦିଲାହର୍ ତାକେ ହେଁ ଡ୍‌ଣ୍ତ୍ ଦ୍‌ଇଦ୍।

୧ ତିମତି 3:6 Iomraidhean Croise

ଲୁକ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌ 10:18

ମଃତର୍‌ ଜିସୁ ସେମଃନ୍‌କେ କୟ୍‌ଲା, “ବିଜ୍‌ଲି ହର୍‌ ସଃର୍ଗେ ହୁଣି ସୟ୍‌ତାନ୍‌କେ ଅଦୁର୍ତାର୍‌ ମୁଁୟ୍‌ ଦଃକ୍‌ଲେ ।

୧ କରନ୍ତି 3:1

ଏ ବାୟ୍‌ବେଣିମଃନ୍‌, ମୁଁୟ୍‌ ଆତ୍ମାର୍‌ ମଃନାର୍‌ ଲକ୍‌ମଃନ୍‌କେ କୟ୍‌ଲା ହର୍‌ ତୁମିମଃନ୍‌କେ କଃଉ ନଃହାର୍‌ଲେ, ମଃତର୍‌ ଗଃଗାଳାର୍‌ ଲକ୍‌ମଃନ୍‌କେ ଆର୍‌ କ୍ରିସ୍ଟର୍‌ ତଃୟ୍‌, ବିସ୍ୱାସାର୍‌ ହିଲାମଃନ୍‌କେ କୟ୍‌ଲା ହର୍‌ ତୁମିମଃନ୍‌କେ କୟ୍‌ଲେ ।

୧ କରନ୍ତି 8:1

ଦେବ୍‌ତାକେ ବଗ୍ ଦେତାର୍‌ ମର୍‌ ଉତୁର୍‌ ଇରି, “ଅଃମାର୍‌ ସଃବୁଲକାର୍‌ ଗିଆନ୍ ଆଚେ” ବଃଲି ତୁମିମଃନ୍ ଜୁୟ୍‌ରି କଃଉଁଲାସ୍‌, ସେରି ଅଃମିମଃନ୍‌ ଜାଣୁ । ଗିଆନ୍ ଗଃର୍ବ୍‌ ଜାତ୍‌ କଃରେଦ୍‌ । ମଃତର୍‌ ଲାଡେ ଉହ୍‌କାର୍‌ ଅୟ୍‌ଦ୍‌ ।

୨ କରନ୍ତି 12:7

ମୁୟ୍‌ଁ ଜଃନ୍‌କଃରି ଅଃଦିକ୍‌ ଗଃର୍ବି ନଃୟ୍‌, ଇତାର୍‌ ଗିନେ ମର୍‌ ଗଃଗାଳେ ଗଟେକ୍‌ କାଟା ଦିଆଗଃଲି, ମକ୍‌ ମାରୁକେ ସୟ୍‌ତାନ୍‌ ଦୁତ୍‌କେ ହଃଟାୟ୍‌ଲି, ହେଁ, ଜଃନ୍‌କଃରି ମୁୟ୍‌ଁ ଅଃଦିକ୍‌ ଗଃର୍ବି ନାୟ୍‌ ।

୧ ତିମତି 3:7

ସେ ଅଃବିସ୍ୱାସି ଲକ୍‌ମଃନାର୍‌ ତଃୟ୍‌ ହେଁ ଡାକ୍‌ହୁଟା ଅୟ୍‌ରେବାର୍‌ ଆଚେ, ଅଃଉଁହାରେ ସେ ଲିନ୍ଦା ହାୟ୍‌ ସୟ୍‌ତାନାର୍‌ ହାନ୍ଦାୟ୍‌ ହଃଳେଦ୍‌ ।

୧ ତିମତି 6:4

ତଃବେ ସେ ଚୁଚାୟ୍‌ ଗଃର୍ବ୍‌ ଆର୍‌ ବୁଦି ନଃୟ୍‌ଲାର୍‌ ଆର୍‌ କଃତା ଦଃରାଦଃରି ଆର୍‌ କଃତା କାଟାକାଟି ତଃୟ୍‌ ଲାଗିରେତି, ଅଃକାର୍‌, ମାଡ୍‌ଗଳ୍‌, ଲିନ୍ଦା, କଃରାବ୍‌ ଆହ୍ରାତ୍‌,

୨ ତିମତି 3:4

ବିସ୍ୱାସେ ବିସ୍‌ ଦେତି, କଃରାବ୍‌ କାମ୍‌ କଃରୁକେ ବଃଡେସାସି, ବଃଡ୍‌ହାଣ୍ୟା ଅଃଉତି ଆର୍‌ ଲାଡ୍‌କାରି ଇସ୍ୱର୍‌କେ ଲାଡ୍‌ ନଃକେରି ସଃର୍ଦାକଃରୁକ୍‌ ବଃଲ୍‌ହାଉତି ।

1 ପିତର୍ 2:2

ସଃବୁ ରଃକମ୍‌ ଦୁସ୍ଟ୍‌, ଚଃଲାକି, କୁଟ୍‌ ଚାଡି କଃଉଁଣା ହିଲା ହର୍‌ ନିର୍ମୁଳ୍‌ ଅଃଉଆ । ସଃବୁବଃଳ୍‌ ଆତ୍ମିକ୍‌ ଦୁଦ୍‌ କାଉଁକେ ମଃନ୍‌କଃରା । ତଃବେ ତୁମିମଃନ୍ ମୁକ୍ତି ହାଉତା ଜିବନେ ବାଡୁ ହାରାସ୍‌ ।

1 ପିତର୍ 5:5

ସେରଃକମ୍‌ ଏ ଦଃଙ୍ଗ୍‌ଳାମଃନ୍‌, ତୁମିମଃନ୍ ପାରାଚିନ୍ ମଃନାର୍‌ ତଃଳେ ରିଆ । ସଃବୁଲକ୍‌ ଅଃହ୍‌ଣା ଅଃହ୍‌ଣାକ୍‌ ଦିର୍‌ ହର୍‌ ବଃସ୍ତର୍‌ ହିନ୍ଦା, କାୟ୍‌ତାକ୍‌ ବଃଲେକ୍‌ ସାସ୍ତର୍‌ କଃଉଁଲି, “ଇସ୍ୱର୍‌ ଆକାରିମଃନ୍‌କେ ସାନ୍ କଃରି ଦିର୍‌ସୁସ୍ତାର୍‌ ଲକ୍‌ମଃନ୍‌କେ ଦଃୟା କଃରେଦ୍‌ ।”

2 ପିତର୍ 2:4

ବଃଲେକ୍‌ ଇସ୍ୱର୍‌ ହାହ୍‌ କଃଲା ଦୁତ୍‌ମଃନ୍‌କେ ନଃଚାଡି ନଃର୍କେ ହଃକାୟ୍‌ ବିଚାର୍‌ କଃରୁକେ ଅଃନ୍ଦାର୍‌ କାଲେ ସଃଙ୍ଗାୟ୍‌ ଆଚେ;

ଯିହୁଦି 1:6

ଆରେକ୍‌ ସଃର୍ଗାର୍‌ ଜୁୟ୍‌ ଦୁତ୍‌ମଃନ୍ ଅଃହ୍‌ଣା ଅଃହ୍‌ଣାର୍‌ ବଃଡ୍‌ ହଃଦେ ନଃରେୟ୍‌ ନିଜାର୍‌ ନିଜାର୍‌ ବାସାକ୍‌ର୍ତା ଟାଣ୍ ଚାଡ୍‌ଲାୟ୍‌ ସେମଃନ୍‌କେ ମାପ୍ରୁ ବଃଡ୍‌ ବିଚାର୍‌ ଦିନ୍ ହଃତେକ୍‌ ସଃବୁ ଦିନାର୍‌ ବାନ୍ଦୁଣେ ବାନ୍ଦିକଃରି ଅଃନ୍ଦାର୍‌ ଟାଣେ ସଃଙ୍ଗାୟ୍‌ ଆଚେ ।