Pilipi 4:9 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁹ Apa to nipegurui hangko i kódóꞌ, maroꞌa paturoꞌkuꞌ to nihádi hai nitarima, maroꞌa bábehiángkuꞌ to niꞌita, iti miꞌi to hangaa-ngaa nibábehi. Ane nibábehi to noꞌonoꞌ, Pueꞌ Ala ina mamporángákou hai mopatinda lalumi.

Pilipi 4:9 Iomraidhean Croise

Matiu 1:23

“Hadua ánáꞌntawine ina káláꞌeá hai moánáka hadua ánángkóiꞌ tobaleilo. Ánángkóiꞌ iti ina rahangaꞌ Imanueꞌ.” (Iesaia 7:14) Lempóna, “Pueꞌ Ala mamporángákeꞌ.”

Matiu 28:20

Nipaturoꞌmoheꞌ bona mampeuláꞌiheꞌ upu-upu to Kuhawaꞌámokou. Hai hangaa-ngaa nibuhinao: ina Kuporángákou oaꞌ duuꞌna haweꞌ i kahópóꞌána duniáꞌ.”

Matiu 7:21

Handaꞌ tauna to mokióꞌAꞌ ‘Pueꞌ’, agáiáná tiꞌara upu-upuraꞌ to ina mesuaꞌ i lalu popárentána UmáNgkuꞌ to ara i surugáꞌ, bateꞌna peá tauna to mampeuláꞌi peundeꞌána Pueꞌ Ala to i surugáꞌ.

Lukasi 6:46

Iesu mopaliliu wopiꞌi laluitaNa, Nauliꞌ node: “Moapa riꞌi haneꞌi nikióꞌAꞌ Pueꞌ, mole riꞌi hawaꞌKuꞌ tiꞌaranto nipeuláꞌi?

Lukasi 8:21

Agáiáná nauliꞌ Iesu, “Heáná peá to mampehádingi hai mampeuláꞌi ngkóráꞌna Pueꞌ Ala, hira miꞌi ináNgkuꞌ hai halaluNgkuꞌ.”

Iohane 13:17

Ánti kaniꞌisána paturoꞌ deꞌe, ina morasiꞌkou ane nipeuláꞌi.

Iohane 15:14

RángáNgkuꞌ mpuꞌukou ane nibábehi apa to Kuhawaꞌákou.

Iohane 2:5

Agáiáná inána Iesu mohángáꞌáheꞌ topobágóꞌ i posusaꞌá iti, nauliꞌ, “Apa peá to ina Nahuoꞌákou, hangaa-ngaa nipeuláꞌi!”

Surona Pueꞌ Iesu 9:6

Mearómokoꞌ hai laomokoꞌ i kótá. Ionoꞌ ina rapahaweꞌákoꞌ apa to hangaa-ngaa nubábehi.”

Roma 15:33

Kupembiáꞌ i Pueꞌ Ala to mampoweꞌikeꞌ roꞌa ngkatueꞌ bona mamporángákou upu-upu. Ami!

Roma 16:20

Pueꞌ Ala to mampoweꞌikeꞌ katinda lalu, Ia to ina moropuꞌ kuasaꞌna Datu Tokadake, hai Ia mampoweꞌikeꞌ kuasaꞌ monangi Datu Tokadake iti. Mekakaeaꞌ i Pueꞌ Ala bona nawátiꞌkou oaꞌ Pueꞌtaꞌ Iesu Kerisitu. Ami!

1 Korintu 10:31

Agáiáná kuꞌuliꞌ: ane mandeꞌkeꞌ ba mainukeꞌ, ba apa peá to tabábehi, hangaa-ngaa tabábehi bona Pueꞌ Ala rapomahile.

1 Korintu 14:33

Rárá penómbá hangaa-ngaa rapopolumao mpakaroꞌa, hintotoꞌ hai peundeꞌána Pueꞌ Ala. Tiꞌara naundeꞌ Pueꞌ ane araheꞌ tauna to mohewo-hewo. Nodo to mewaliꞌ i lalu jemaꞌa-jemaꞌa iumbá-umbá peá,

1 Korintu 4:16

Onoꞌ miꞌi haneꞌi kupembiáꞌ ntepuꞌu halalu-halalu, bona nipeuláꞌi bábehiángkuꞌ.

2 Korintu 13:11

Kahópóꞌána halalu-halalu, hangaa-ngaa góeꞌkou. Nipakaroꞌa-roꞌa bábehiámi, hai nipailalu paturoꞌkuꞌ. Hangaa-ngaa hampepekirikou hai hangaa-ngaa mohintuwuꞌkou. Pueꞌ Ala ina mamporángákou oaꞌ, mopatongawaꞌ kamaꞌahiꞌNa i kómu, hai mampoweꞌikou roꞌa ngkatueꞌ.

Pilipi 3:17

Halalu-halalu, tangaꞌkiꞌ mani hingkakani hai kómu, kipopaitaꞌámokou bábehiá to maroꞌa. Mewaliꞌ kupembiáꞌ bona upu-upukou mampeuláꞌi bábehiángkuꞌ, láwiꞌ iti to mewaliꞌ pándiriꞌ i kómu. Hai hangaa-ngaa nipailalu tauna to mampeuláꞌi bábehiángkiꞌ, hai nipeuláꞌi woꞌo pándiriꞌ katueꞌraꞌ.

Pilipi 4:7

Ane nipaisarenga katueꞌmi bukeꞌ-bukeꞌ i Pueꞌ Ala, Ia ina mampoweꞌikou katinda lalu ánti pohintuwuꞌmi hai Kerisitu Iesu, hai katinda lalu iti melumbuꞌ hangko i apa to nipekiri, hai mentóáꞌ hangko i Pueꞌ Ala to mokámpái lalumi hai pekirimi.

1 Tesalonika 1:6

Hai kómu halalu-halalu, i kanihádina Ngkóráꞌ Marasa iti, nipeuláꞌi bábehiángkiꞌ hai bábehiána Pueꞌ Iesu, láwiꞌ kehapiꞌ rumihi karapopeahiahiꞌmi, góeꞌkou oaꞌ motarima Ngkóráꞌ Marasa. Kagóeꞌmi iti mentóáꞌ hangko i Inao to Magasaꞌ.

1 Tesalonika 2:14

Kiꞌisá iti, halalu-halalu, láwiꞌ apa to mewaliꞌ i toSarani i tampoꞌ Iudá, mewaliꞌ miꞌi woꞌo i kómu. Nodo halalu hampepepoináláintaꞌ i tampoꞌ Iudá rapopeahiahiꞌheꞌ hangka toIahudiꞌraꞌ, kómu woꞌo rapopeahiahiꞌkou hangka toTesalonikami.

1 Tesalonika 5:23

Mekakaeangkaiꞌ i Pueꞌ Ala to mampoweꞌikeꞌ roꞌa ngkatueꞌ. Kiuliꞌ node: “Pueꞌ Ala! Kipembiáꞌ bona Nupakanótó bábehiáraꞌ toTesalonika, duuꞌna magasaꞌ tueꞌraꞌ. Nukámpái katueꞌraꞌ, maroꞌa laluraꞌ ba inaoraꞌ ba wátáraꞌ, bona tiꞌara ara kamasalaꞌraꞌ i kahaweꞌna huleꞌ Pueꞌkiꞌ Iesu Kerisitu.” Noꞌonoꞌ miꞌi pekakaengkiꞌ.

2 Tesalonika 3:4

Mewaliꞌ, ánti katetidaꞌna Pueꞌ i kómu, onoꞌ miꞌi haneꞌi kiꞌisá ntepuꞌu kanipeuláꞌina apa to kipaturoꞌákou, hai kiꞌisá woꞌo paturoꞌ iti ina nipeuláꞌi oaꞌ.

2 Timotiu 4:22

Timotiu, Pueꞌ Ala mamporángákoꞌ. Hai kupembiáꞌ bona Pueꞌ mowátiꞌkou upu-upu. Hangko i kódóꞌ, PAULU

Iakobu 1:22

Mewaliꞌ, ngkóráꞌna Pueꞌ iti hangaa-ngaa nipeuláꞌi ntepuꞌu. Ineeꞌ peá nipehádingi mbero, láwiꞌ ane noꞌonoꞌi, mopakanawoꞌ pekou wátámi haduduámi.

2 Peturuꞌ 1:10

Mewaliꞌ halalu-halalu, láwiꞌ napileꞌimokou Pueꞌ Ala hai Nakióꞌmokou mewaliꞌ taunáNa, onoꞌ miꞌi haneꞌi hangaa-ngaa nipári-pári ntepuꞌu mouláꞌ Pueꞌ Ala, bona tongawaꞌ kaNapileꞌimi hai kaNakióꞌmi. Láwiꞌ ane nitámbái pepoináláimi hai bábehiá to kuꞌuliꞌ ininá, bateꞌna tiꞌarakou ina mosuliꞌ hangko i pepoináláimi,

1 Iohane 3:22

hai apa to tapembiáꞌ i Hia, bateꞌna Naweꞌikeꞌ, láwiꞌ mampeuláꞌikeꞌ hawaꞌNa, hai mobábehikeꞌ apa to mopagóeꞌ laluNa.