Pilipi 4:8 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁸ Kahópóꞌána halalu-halalu, kupembiáꞌ bona nipailalu oaꞌ upu-upu to maroꞌa hai to hintotoꞌ ratóiá. Apa to toꞌu, apa to hintotoꞌ rabiláꞌ, apa to naundeꞌ Pueꞌ Ala, apa to magasaꞌ, apa to meraeꞌ, hai apa to teádái, iti miꞌi to hangaa-ngaa nipailalu.

Pilipi 4:8 Iomraidhean Croise

Pewaliꞌána 18:19

Ia miꞌi to Kupileꞌi ina mopaturoꞌheꞌ ánáꞌna hai pemuleꞌána bona mobábehiheꞌ apa to maroꞌa hai hintotoꞌ mouláꞌ peundeꞌáNgkuꞌ. Ane rapeuláꞌi upu-upuna iti, dándiNgkuꞌ i Burahima ina Kubukeki.”

Matiu 22:16

Onoꞌ miꞌi haneꞌi rapohawaꞌámoheꞌ bahangapa topegururaꞌ hai bahangapa taunána Datu Herode bona laoheꞌ mekuneꞌ i Iesu kana pobaiari ásele. Kahaweꞌraꞌ i Iesu, rahángáꞌá, “Guru, kiꞌisá miꞌi kaꞌIona tauna to manótó. MepaturoꞌKoꞌ i katoꞌu-toꞌuána apa peundeꞌána Pueꞌ Ala. Tiꞌara Nupeuláꞌi pampekiriraꞌ ba heáná peá, láwiꞌ tiꞌaraKoꞌ mampopontaniꞌ tauna,

Marakusi 6:20

láwiꞌ Herode mohuoꞌheꞌ surudadoꞌna mokámpái Iohane i lalu tarungku. Herode tiꞌara pebáiꞌ mopapate láwiꞌ naisá kaꞌiana tauna to manótó laluna hai magasaꞌ tueꞌna. Ane mampehádingi laluitana Iohane, wuli ntepuꞌu pekirina, agáiáná naundeꞌ woꞌo mampehádingi apa to nauliꞌ Iohane.

Lukasi 16:15

Agáiáná nahángáꞌáheꞌ Iesu, “Mampe to maroꞌa pekou i lindoꞌraꞌ tauna, bona rauliꞌ kómu tauna to manótó! Agáiáná naisá miꞌi Pueꞌ Ala noumbá lalumi. Hangaa-ngaa nibuhinao: handaꞌ to naundeꞌ tauna, tiꞌara naundeꞌ Pueꞌ Ala.

Lukasi 2:25

I Ierusale, ara hadua tauna to rahangaꞌ Simeoꞌ. Ia hadua to manótó hai mengkoruꞌ i Pueꞌ Ala, hai napoinálái kaꞌina haweꞌna tempóna Pueꞌ Ala {ina mohuoꞌ Datu Topehómpóꞌ bona} mampelae toSáráeliꞌ. Hai ia naporángá Inao to Magasaꞌ to mampopaisáꞌá katiꞌárána ina mate ane tiꞌara maniꞌi moita Datu Topehómpóꞌ to nadándi Pueꞌ Ala.

Lukasi 23:50

I tempó iti, ara hadua tobaleilo to rahangaꞌ Iusupu to hangko i wánuá Arimatea i tampoꞌ Iudá. Iusupu iti, ia miꞌi tauna to maroꞌa laluna hai manótó bábehiána. Marue miꞌi mampegiá tempóna Pueꞌ Ala ina mopárentá upu-upu tauna. Ia woꞌo hadua hangko i Topepáresáꞌ Mahile Agama Iahudiꞌ, agáiáná tiꞌara napokana pobutusiraꞌ tadulako iti to manguliꞌ Iesu hangaa-ngaa rahuku mate.

Iohane 7:18

Heáná peá to molaluita i lalu kuasaꞌna haduduána, ia mampeliꞌ peá bona ratóiá. Agáiáná Kódóꞌ, kupoinao bona Umángkuꞌ to mohuoꞌAꞌ mai rapomahile, láwiꞌ Kódóꞌ to manótó, tiꞌaraꞌAꞌ topodongkoꞌ.

Surona Pueꞌ Iesu 10:22

Rahániki, “Tuá Koroneliu to mohuoꞌangkaiꞌ mai ieneꞌ. Ia hadua tadulako surudadoꞌ toRoma. Ia woꞌo tauna to manótó laluna hai mengkoruꞌ i Pueꞌ Ala, hai rabiláꞌ upu-upu toIahudiꞌ. Ia nahuoꞌ hadua malaꞌekana Pueꞌ bona mokióꞌkoꞌ lao i támbina, bona ia peisá mampehádingi apa to ina nupahaweꞌ.”

Surona Pueꞌ Iesu 22:12

I kótá iti, ara hadua tobaleilo to rahangaꞌ Anania. Ia tauna to mengkoruꞌ i Pueꞌ Ala, hai maróhó pampeuláꞌina Paturoꞌna Musa. Ia rabiláꞌ upu-upu toIahudiꞌ to toroꞌ i Damasiꞌ.

Surona Pueꞌ Iesu 6:3

Mewaliꞌ halalu-halalu, rángina miꞌi nipileꞌi hangko i oloꞌmi pitu tauna to rabiláꞌ, to nakuasaꞌi Inao to Magasaꞌ hai to bukeꞌ pekiri. Hira to ina kiweꞌi bágóꞌ mokádipurá pogáláꞌ-gáláꞌ pandeꞌ iti.

Roma 13:13

Hangaa-ngaa nibábehi apa to hintotoꞌ, nodo to rabábehi i tempó mabaa. Ineeꞌkou mosusa haneꞌi malangu hai mobábehi salaꞌ. Noꞌonoꞌ woꞌo tobaleilo hai towawine, ineeꞌkou mobábehi bábehiá to metitidiꞌi hai mouláꞌ peundeꞌámi to kadake. Ineeꞌkou mosisalaꞌ ba mahiniꞌ.

Roma 13:3

Ane maroꞌa bábehiámi, tiꞌarakou paraluu malááꞌ i topopárentá. Agáiáná tauna to kadake bábehiána, bateꞌna malááꞌ i topopárentá. Mewaliꞌ, ane niundeꞌ bona tiꞌarakou malááꞌ i topopárentá, hangaa-ngaa mobábehikou oaꞌ to maroꞌa, hai ina ratóiákou topopárentá.

Roma 14:18

Ane noꞌonoꞌi peuláꞌmi i Kerisitu, ina napokagóeꞌkou Pueꞌ Ala hai rabiláꞌkou rángámi.

Roma 2:29

Agáiáná tauna to mewaliꞌ taunána Pueꞌ Ala, ia miꞌi tauna to mampeuláꞌi peundeꞌána Pueꞌ Ala hangko i laluna ntepuꞌu, hai peisá rapándiriꞌ nodo to ratileꞌ i laluna. Lempóna: rawehángi hangko i katueꞌna upu-upu to tiꞌara hintotoꞌ hai peundeꞌána Pueꞌ Ala. Ia natarima Pueꞌ Ala ánti kaꞌárána Inao to Magasaꞌ i laluna, tiꞌara ánti pampeuláꞌina áturá-áturá to teukiꞌ. Kehapiꞌ tiꞌara ratóiá tauna, agáiáná Pueꞌ Ala bateꞌna motóiá.

1 Korintu 4:5

Onoꞌ miꞌi haneꞌi kuꞌuliꞌ, ineeꞌkou mosalaꞌi pobágóꞌraꞌ hángká rángámi ane tiꞌara mani tempóna. Nipegiá sieruꞌ kahaweꞌna huleꞌ Pueꞌ. Ia miꞌi to ina mobungkáhi upu-upu to tewuniángi mani i lalu kamakáindiána. Ia to ina mopatongawaꞌ upu-upu tunggáiána laluraꞌ tauna. I tempó iti, hadua-hadua tauna ina molámbiꞌ petóiá hangko i Pueꞌ Ala to hintotoꞌ natarima.

2 Korintu 13:7

Mekakaeangkaiꞌ i Pueꞌ Ala bona tiꞌarakou mobábehi salaꞌ. Tiꞌarakou kipekakaeá bona tongawaꞌ kamaroꞌangkiꞌ, agáiáná mekakaeangkaiꞌ bona mobábehikou apa to maroꞌa. Kehapiꞌ ara maniheꞌ tauna to mosápuáka oaꞌ kuasaꞌkiꞌ, tiꞌaranto moapa, asalaꞌ mobábehikou oaꞌ apa to maroꞌa.

2 Korintu 6:8

Kipopolumao oaꞌ bágóꞌna Pueꞌ Ala, maroꞌa rabiláꞌangkaiꞌ ba rapakóiꞌangkaiꞌ; ratóiáꞌangkaiꞌ ba rasalaꞌiangkaiꞌ. Kehapiꞌ kiuliꞌ apa to toꞌu, agáiáná ara to manguliꞌ topodongkoꞌangkaiꞌ.

2 Korintu 8:18

Hai kihuoꞌ woꞌo hadua halaluntaꞌ lao i kómu hingkakani hai Titu. Ia rabiláꞌ upu-upu jemaꞌa ánti pobágóꞌna mopahaweꞌ Ngkóráꞌ Marasa.

2 Korintu 8:21

Onoꞌ haneꞌi kipileꞌi miꞌi ami heáná to ina meuláꞌ i polumaongkiꞌ deꞌe, bona tongawaꞌ kamanótóna bábehiángkiꞌ, tiꞌara peá i peitána Pueꞌ, agáiáná i peitána woꞌo tauna.

Galatia 5:22

Agáiáná ane nateteꞌkeꞌ Inao to Magasaꞌ, bábehiántaꞌ node: mombepokaꞌahiꞌkeꞌ, góeꞌkeꞌ, tinda laluntaꞌ, sabaraꞌkeꞌ, maroꞌa laluntaꞌ, maroꞌa bábehiántaꞌ; tetidaꞌkeꞌ,

Epesu 4:25

Mewaliꞌ halalu-halalu, hangaa-ngaa nikábáhá bábehiámi to hangkoia. Ineeꞌkou modongkoꞌ. Hangaa-ngaa niuliꞌ apa to toꞌu, láwiꞌ kitaꞌ upu-upu hawátá-wátákeꞌ i lalu Kerisitu.

Epesu 5:9

Hangko i lalumi to mabaa, mesupaꞌ upu-upu bábehiá to maroꞌa, to toꞌu, hai to hintotoꞌ.

Epesu 6:14

Mewaliꞌ, hangaa-ngaa nipatimama párewá pombeala to hangko i Pueꞌ Ala. Hangaa-ngaa nipakaróhó peuláꞌmi i paturoꞌ to toꞌu mokana i Pueꞌ, nodo pampou i hopeꞌmi. Hangaa-ngaa manótókou i lalumi hai bábehiámi, nodo badu besiꞌ mokámpái wátámi hangko i ewálimi.

Pilipi 3:1

Mewaliꞌ halalu-halalu, hangaa-ngaa góeꞌkou ánti pohintuwuꞌmi hai Pueꞌ. Tiꞌara kupomapári deꞌe-deꞌe moukiꞌ huleꞌ apa to kupaturoꞌámokou, láwiꞌ ane nipeuláꞌi paturoꞌkuꞌ iti, ina maróhó pepoináláimi.

Kolose 4:5

Ane arakou hingkakani hai tauna to tiꞌara mepoinálái, hangaa-ngaa katueꞌmi nipakaroꞌa-roꞌa, hai tempómi nipopobunduꞌ ntepuꞌu mopahaweꞌáheꞌ rárá katehómpóꞌ.

1 Tesalonika 4:12

Ane nibábehiꞌi noꞌonoꞌ, tiꞌarakou ina mehárungá i tauna ntániꞌna, hai ina rabiláꞌkou tauna to tiꞌaraheꞌ mepoinálái i Pueꞌ Iesu.

1 Timotiu 2:2

tepasuaꞌ upu-upu datu hai topopárentá. Hangaa-ngaa tapekakaeáheꞌ, bona maroꞌa pobágóꞌraꞌ. Ane noꞌonoꞌi, ina maroꞌa woꞌo katueꞌtaꞌ hai tiꞌara ara tauna to mampopeahiahiꞌkeꞌ, bona peisákeꞌ menómbá i Pueꞌ Ala hai mobábehikeꞌ oaꞌ bábehiá to hintotoꞌ rabiláꞌ hángká rángántaꞌ.

1 Timotiu 3:11

Noꞌonoꞌ woꞌo toináraꞌ. Hangaa-ngaa manótó bábehiáraꞌ bona hintotoꞌheꞌ rabiláꞌ. Tiꞌaraheꞌ hintotoꞌ ane moánti-ántiheꞌ laluita. Hangaa-ngaa raisá momeeꞌ peundeꞌána laluraꞌ, hai hangaa-ngaa tauna to peisá rapoinálái i pákáꞌ-pákáꞌna.

1 Timotiu 3:4

Hangaa-ngaa naisá motadulakoi tauna to toroꞌ i támbina, hai naisá mopaturoꞌ ánáꞌna bona raisá mebiláꞌ hai mengkoruꞌ i tosaeraꞌ.

1 Timotiu 4:12

Kehapiꞌ maleheꞌ manikoꞌ, agáiáná hintotoꞌkoꞌ rabiláꞌ tauna. Onoꞌ miꞌi haneꞌi hangaa-ngaa nupoweꞌiheꞌ pándiriꞌ moliu: polaluitamu, bábehiámu, kamaꞌahiꞌmu i hángká rángámu, pepoináláimu i Pueꞌ, hai katueꞌmu to magasaꞌ.

1 Timotiu 5:10

Hangaa-ngaa nipáresáꞌheꞌ sieruꞌ: Ba manótó bábehiána? Ba ia mokádipurá maroꞌa ánáꞌna? Ba ia bulá laluna motarima torare i támbina? Ba ia motulungi halalu hampepepoináláina? Ba ia mokádipurá tauna to i lalu kapári? Ba ia timama oaꞌ mobábehi upu-upu to maroꞌa?

1 Timotiu 5:2

Ane towawine to matinuwuꞌ hangko i hio, nurekeꞌheꞌ nodo inámu, hai towawine to maleheꞌ mani hangko i hio, hangaa-ngaa nurekeꞌheꞌ nodo ádimu hangko i lalumu to magasaꞌ.

Titu 1:8

Ngkáliꞌna riꞌi, tauna to nupileꞌi mewaliꞌ pinátuá, hangaa-ngaa: moisá motarima torare, moundeꞌ oaꞌ mobábehi to maroꞌa, manótó laluna, bukeꞌ pekiri, magasaꞌ tueꞌraꞌ, hai to mobuku momeeꞌ peundeꞌána laluraꞌ haduduáraꞌ.

Titu 2:14

Iesu iti to mampehuhuꞌá wátáNa rapapate mosulewátáikeꞌ, bona Nakábáhákeꞌ hangko i upu-upu bábehiántaꞌ to kadake, hai Napopewaliꞌkeꞌ taunáNa to magasaꞌ to moundeꞌ mobábehi apa to maroꞌa.

Titu 2:2

Ane tobaleilo to matoama miꞌi, hangaa-ngaa nupaturoꞌheꞌ bona raisá momeeꞌ peundeꞌána laluraꞌ haduduáraꞌ, bona bábehiáraꞌ hintotoꞌ rabiláꞌ, hai bona manótó laluraꞌ. Pepoináláiraꞌ i Pueꞌ Iesu hangaa-ngaa maróhó ntepuꞌu. Hangaa-ngaa maꞌahiꞌheꞌ i hángká rángáraꞌ, hai mantahaheꞌ i lalu kapári.

Titu 2:7

Hai io Titu, bábehiámu hangaa-ngaa mewaliꞌ pándiriꞌ to maroꞌa. Ane mepaturoꞌkoꞌ, hangaa-ngaa hangko i lalumu ntepuꞌu, hai hangaa-ngaa manótó bábehiámu.

Titu 3:14

Kupembiáꞌ woꞌo bona halalu hampepepoináláintaꞌ madotaheꞌ mampopolumao bágóꞌ to maroꞌa, bona molámbiꞌheꞌ apa to raparaluu alo-alona, hai bona katueꞌraꞌ tiꞌara ina mbero-mbero.

Iberani 11:2

Ánti pepoináláiraꞌ tauna hangkoia, napokagóeꞌheꞌ Pueꞌ Ala.

Iberani 13:18

Kupembiáꞌ bona nipekakaeáꞌangkaiꞌ oaꞌ. Kiꞌisá kabulána lalungkiꞌ, láwiꞌ i pákáꞌ-pákáꞌna kipoinao mobábehi oaꞌ to maroꞌa.

Iakobu 1:27

Ngkáliꞌna riꞌi, poagama to tiꞌara ara kamakuraꞌna ba kamasalaꞌna i peitána Pueꞌ Ala Umántaꞌ node: hangaa-ngaa motulungikeꞌ ánángkóiꞌ to ilu hai tobembaꞌ to meahiahiꞌ tueꞌraꞌ, hai hangaa-ngaa mokámpáikeꞌ katueꞌtaꞌ, bona tiꞌarakeꞌ rapakedái tauna to kadake i duniáꞌ to moewaꞌ Pueꞌ Ala.

Iakobu 3:17

Agáiáná pekiri to hangko i Pueꞌ Ala i surugáꞌ magasaꞌ, moánti pohintuwuꞌ, maꞌálusuꞌ, mengkoruꞌ, bukeꞌ kabulá lalu, hai mopaꞌara hinángkáꞌna bábehiá to maroꞌa. Pekiri to hangko i Pueꞌ Ala tiꞌara mampopontaniꞌ tauna hai tiꞌara mampe to maroꞌa.

1 Peturuꞌ 1:22

Deꞌe-deꞌe, láwiꞌ magasaꞌkou ánti pepoináláimi i paturoꞌ to toꞌu {ia miꞌi Ngkóráꞌ Marasa}, niꞌisá miꞌi mampokaꞌahiꞌ halalu hampepepoináláimi i katoꞌu-toꞌuána. Onoꞌ miꞌi haneꞌi kuweꞌikou laluita bona mombepokaꞌahiꞌkou hadua hai hadua hangko i lalumi ntepuꞌu.

1 Peturuꞌ 2:12

Toroꞌkou i oloꞌraꞌ tauna to tiꞌara moisá Pueꞌ Ala, onoꞌ miꞌi haneꞌi hangaa-ngaa nipakaroꞌa-roꞌa bábehiámi, bona ane rápáꞌna hira mopakóiꞌ ba mosalaꞌikou nodo tauna to tiꞌara maroꞌa, marue-rue ina tongawaꞌ i hira kamaroꞌana bábehiámi, álána ina motóiáheꞌ Pueꞌ Ala i alo kahaweꞌáNa.

1 Peturuꞌ 4:8

To melumbuꞌ hangko i upu-upuna iti, hangaa-ngaa mombepokaꞌahiꞌkou hadua hai hadua hangko i lalumi ntepuꞌu, láwiꞌ ane nibábehi noꞌonoꞌ, ina nibuku woꞌo moámpungi dósáraꞌ hángká rángámi.

2 Peturuꞌ 3:1

Halalungkuꞌ to kupokaꞌahiꞌ! Deꞌe miꞌi surangkuꞌ to karongkánina i kómu. I lalu surangkuꞌ to rungu-runguna hai to karongkánina deꞌe, kuruaꞌ lalumi hai kupopaingáꞌákou bona nibuhinao huleꞌ paturoꞌ to toꞌu, bona manótó pekirimi.

1 Iohane 3:18

Ánáꞌkuꞌ, ineeꞌkeꞌ maꞌahiꞌ i polaluitantaꞌ peá. Kamaꞌahiꞌtaꞌ iti hangaa-ngaa tongawaꞌ moliu bábehiántaꞌ, láwiꞌ iti miꞌi ahiꞌ i katoꞌu-toꞌuána.

1 Iohane 3:3

Hai upu-upu tauna to mehárungá i Kerisitu ina mopakaraoꞌheꞌ upu-upu dósá hangko i wátáraꞌ bona magasaꞌ katueꞌraꞌ nodo kamagasaꞌna Kerisitu.

1 Iohane 4:1

Halalu-halalu to kupokaꞌahiꞌ! Ineeꞌ mpuꞌuheꞌ nipoinálái upu-upu tauna to manguliꞌ kaꞌárána Inaona Pueꞌ Ala i hira. Nipáresáꞌheꞌ sieruꞌ, ba toꞌu-toꞌu mpuꞌuheꞌ hangko i Pueꞌ Ala ba tiꞌara, láwiꞌ iumbá-umbá peá, araheꞌ nabiꞌ to mepakanawoꞌ.

Ruti 3:11

Mewaliꞌ ineeꞌ karaoꞌ inaomu, Ruti. Upu-upu to nupembiáꞌ ina kubukeki, láwiꞌ i wánuá deꞌe, raisá miꞌi kaꞌiona towawine to maroꞌa ntepuꞌu.