Pilipi 4:7 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁷ Ane nipaisarenga katueꞌmi bukeꞌ-bukeꞌ i Pueꞌ Ala, Ia ina mampoweꞌikou katinda lalu ánti pohintuwuꞌmi hai Kerisitu Iesu, hai katinda lalu iti melumbuꞌ hangko i apa to nipekiri, hai mentóáꞌ hangko i Pueꞌ Ala to mokámpái lalumi hai pekirimi.

Pilipi 4:7 Iomraidhean Croise

Lukasi 1:79

to mohimbaꞌi duniáꞌ to makáindi deꞌe, noꞌonoꞌ woꞌo Pueꞌ ina mowangkaꞌi tauna to tueꞌ i lalu kamakáindi hai mampoáweá kapate. Ina Nateteꞌkeꞌ bona molámbiꞌkeꞌ roꞌa ngkatueꞌ.” {Eneꞌ miꞌi laluita to nauliꞌ Sakaria.}

Lukasi 2:14

“Tatóiá miꞌi Pueꞌ Ala to i surugáꞌ! Tauna i duniáꞌ to mampokagóeꞌ Pueꞌ Ala ina molámbiꞌheꞌ roꞌa ngkatueꞌ.”

Iohane 14:27

Katinda lalu Kuwoliákou. Katinda lalu hangko i Kódóꞌ, iti miꞌi to Kuweꞌikou. To Kuweꞌikou deꞌe, tiꞌara nodo to nilámbiꞌ hangko i duniáꞌ. Ineeꞌ karaoꞌ inaomi, hai ineeꞌkou malááꞌ.

Iohane 16:33

Upu-upu deꞌe Kuhángáꞌámokou bona molámbiꞌkou katinda lalu hangko i pohintuwuꞌmi hai Kódóꞌ. Tangaꞌmi mani i duniáꞌ deꞌe, bateꞌna rapopeahiahiꞌkou. Agáiáná nipakaróhó lalumi, láwiꞌ Kunangi miꞌi kuasaꞌ to kadake to ara i lalu duniáꞌ deꞌe.”

Roma 1:7

Onoꞌ miꞌi haneꞌi kupakatu sura deꞌe i upu-upu toSarani to ara i Roma. Pueꞌ Ala mampokaꞌahiꞌkou hai mokióꞌkou mewaliꞌ taunáNa to magasaꞌ. Mekakaeaꞌ i Pueꞌ Ala Umántaꞌ hai i Pueꞌ Iesu Kerisitu bona Nawátiꞌkou hangko i kabulána laluNa hai mampoweꞌikou roꞌa ngkatueꞌ.

Roma 14:17

Láwiꞌ popárentána Pueꞌ Ala i lalumi, tiꞌara mokana ádá pandeꞌ ba painu. To hangaa-ngaa nipaioru i lalu katueꞌmi ia miꞌi: mouláꞌkou peundeꞌána Pueꞌ Ala, mohintuwuꞌkou, hai tueꞌkou i lalu kagóeꞌ-góeꞌ. Upu-upu iti mentóáꞌ hangko i Inao to Magasaꞌ.

Roma 15:13

Kupembiáꞌ bona Pueꞌ Ala, ntóáꞌna pehárungáꞌántaꞌ, mampoweꞌikou kagóeꞌ lalu hai roꞌa ngkatueꞌ ánti pepoináláimi i Pueꞌ Iesu. Kupembiáꞌ noꞌonoꞌ, bona moliu kuasaꞌna Inao to Magasaꞌ ina tetámbái kamaróhóna pehárungámi i Hia.

Roma 5:1

Mewaliꞌ deꞌe-deꞌe, manótómokeꞌ i peitána Pueꞌ Ala ánti pepoináláintaꞌ. Onoꞌ haneꞌi maroꞌa miꞌi pohintuwuꞌtaꞌ hai Pueꞌ Ala ánti kanatangaꞌ-tangaꞌintaꞌ Pueꞌtaꞌ Iesu Kerisitu.

Roma 8:6

Heáná peá tauna to mopaioru peundeꞌána laluna haduduána, manótó miꞌi kamolámbiꞌna kapate to mogááki hangko i Pueꞌ Ala. Agáiáná heáná peá to mopaioru peundeꞌána Inao to Magasaꞌ, ia miꞌi to mohintuwuꞌ hai Pueꞌ Ala hai molámbiꞌ katueꞌ to maroꞌa.

2 Korintu 10:5

kinangiheꞌ tauna to moewaꞌ paturoꞌ to toꞌu, to mampepemahile hai to mosalempori ráráraꞌ tauna to mampoinao moisá Pueꞌ Ala. Ánti kuasaꞌ to kilámbiꞌ hangko i Pueꞌ Ala, kibáliki pekiriraꞌ tauna iti, bona mengkoruꞌheꞌ i Kerisitu.

2 Korintu 13:11

Kahópóꞌána halalu-halalu, hangaa-ngaa góeꞌkou. Nipakaroꞌa-roꞌa bábehiámi, hai nipailalu paturoꞌkuꞌ. Hangaa-ngaa hampepekirikou hai hangaa-ngaa mohintuwuꞌkou. Pueꞌ Ala ina mamporángákou oaꞌ, mopatongawaꞌ kamaꞌahiꞌNa i kómu, hai mampoweꞌikou roꞌa ngkatueꞌ.

Galatia 5:22

Agáiáná ane nateteꞌkeꞌ Inao to Magasaꞌ, bábehiántaꞌ node: mombepokaꞌahiꞌkeꞌ, góeꞌkeꞌ, tinda laluntaꞌ, sabaraꞌkeꞌ, maroꞌa laluntaꞌ, maroꞌa bábehiántaꞌ; tetidaꞌkeꞌ,

Pilipi 1:1

Tabeá hangko i kaiꞌ Paulu hai Timotiu, huoꞌána Kerisitu Iesu. Kupakatu sura deꞌe i kómu to mepoinálái i Kerisitu Iesu to ara i kótá Pilipi, hai i tauna to mampopolumao bágóꞌna Pueꞌ i oloꞌmi, maroꞌa tadulako jemaꞌa, maroꞌa topobágóꞌna Pueꞌ. Mekakaeangkaiꞌ i Pueꞌ Ala Umántaꞌ hai Pueꞌ Iesu Kerisitu bona mowátiꞌkou hai mampoweꞌikou roꞌa ngkatueꞌ.

Pilipi 4:19

Hai Pueꞌ Ala to kupenómbái, Ia miꞌi to ina mopaꞌara hinángkáꞌna to niparaluu, mouláꞌ kapebukuNa to tiꞌara ara kamakuraꞌna, láwiꞌ mohintuwuꞌmokou hai Kerisitu Iesu.

Pilipi 4:21

Kupembiáꞌ bona nipahaweꞌ tabeángkuꞌ i upu-upu tauna to ara i hinti i Pilipi, to mepoinálái i Kerisitu Iesu. Halalu hampepepoináláimi to araheꞌ ieneꞌ hingkakani hai kódóꞌ mopahaweꞌheꞌ woꞌo tabeáraꞌ i kómu.

Pilipi 4:9

Apa to nipegurui hangko i kódóꞌ, maroꞌa paturoꞌkuꞌ to nihádi hai nitarima, maroꞌa bábehiángkuꞌ to niꞌita, iti miꞌi to hangaa-ngaa nibábehi. Ane nibábehi to noꞌonoꞌ, Pueꞌ Ala ina mamporángákou hai mopatinda lalumi.

Kolose 3:15

Nakióꞌmokou Pueꞌ Ala, hai Napopewaliꞌkou nodo hambuaꞌ peá wátá ánti pohintuwuꞌmi hai Kerisitu. Mewaliꞌ, hangaa-ngaa nipakaróhó pohintuwuꞌmi iti hai katinda lalu to hangko i Kerisitu, hai hangaa-ngaa niuliꞌ handaꞌ kamaroꞌana i Pueꞌ Ala.

2 Tesalonika 3:16

Bateꞌna Pueꞌ to peisá mampoweꞌikeꞌ roꞌa ngkatueꞌ. Onoꞌ miꞌi haneꞌi mekakaeangkaiꞌ i Pueꞌ bona alo-alona Naweꞌikou roꞌa ngkatueꞌ i pákáꞌ-pákáꞌna. Pueꞌ mamporángákou upu-upu.

Iberani 13:20

Moliu waheꞌna Iesu Pueꞌtaꞌ to rapapate, Pueꞌ Ala mopakanótó dándiNa to mopahintuwuꞌkeꞌ hai Ia duuꞌna i rue-ruena. Hai Pueꞌ Ala mopatueꞌ huleꞌ Iesu hangko i kapate, haneꞌi Naꞌángkáꞌ mewaliꞌ Topoewu to melumbuꞌ kamaroꞌana, hai kitaꞌ deꞌe dimbáNa. Onoꞌ miꞌi haneꞌi mekakaeaꞌ i Pueꞌ Ala, láwiꞌ Ia pentóáꞌána roꞌa ngkatueꞌ.

Iudasiꞌ 1:1

Molámbiꞌ toSarani i kaꞌaraꞌámi Sura deꞌe hangko i kódóꞌ Iudasiꞌ ádina Iakobu hai huoꞌána Iesu Kerisitu. Kupakatu sura deꞌe i kómu halalu hampepepoinálái to napileꞌi Pueꞌ Ala Umántaꞌ mewaliꞌ taunáNa. Pueꞌ Ala mampokaꞌahiꞌkou, hai Iesu Kerisitu ina mokámpáikou oaꞌ duuꞌna kaꞌina haweꞌNa huleꞌ.

Pampetudeꞌá 1:4

Sura deꞌe to hangko i kódóꞌ Iohane, kupakatuáheꞌ toSarani to toroꞌ i pitu wuaꞌna kótá to ara i poropensi Asia. Kupembiáꞌ bona Pueꞌ Ala mowátiꞌkou hangko i kabulána laluNa hai moweꞌikou roꞌa ngkatueꞌ. Kupembiáꞌ bona nilámbiꞌ pewátiꞌ deꞌe hangko i Pueꞌ Ala to ara miꞌi ami hangko i rungu-runguna, to ara deꞌe-deꞌe, hai to ina ara duuꞌna i rue-ruena. Pewátiꞌ deꞌe nilámbiꞌ woꞌo hangko i Inaona Pueꞌ Ala to mampopolumao pitu pákáꞌna bágóꞌ, to ara i lindoꞌna pehodaꞌá kadatuána Pueꞌ Ala,

Pampetudeꞌá 2:17

Hangaa-ngaa nipailalu apa to nauliꞌ Inao to Magasaꞌ i jemaꞌa-jemaꞌa. Heáná to menangi, ina Kuweꞌiheꞌ rótiꞌ manna to tewuni miꞌi. Ina Kuweꞌiheꞌ woꞌo hambuaꞌ watu to bulá. I watu iti teukiꞌ hangaꞌ to woꞌu, to tiꞌara raisá tauna ntániꞌna. To moisá, bateꞌna peá to morangaꞌ watu iti.”