Pilipi 4:6 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁶ Ineeꞌ karaoꞌ inaomi. Ineeꞌkou mampokalááꞌ ba apa peá. I pákáꞌ-pákáꞌna mekakaekou, membiáꞌkou tulungi i Pueꞌ Ala, hai niuliꞌ handaꞌ kamaroꞌana i Hia.

Pilipi 4:6 Iomraidhean Croise

Danieli 3:16

Mehániꞌheꞌ Sadara, Mesaꞌ hai Abeꞌnego i datu, rauliꞌ, “Tiꞌara ara bunduꞌna kihániki apa to nukuneꞌangkaiꞌ deꞌe.

Danieli 6:10

Mewaliꞌ Datu Dáriu motandaꞌ tae mpuꞌu miꞌi sura iti.

Matiu 10:19

Mewaliꞌ ane rahakaꞌkou hai raꞌánti i lindoꞌraꞌ topopárentá, ineeꞌkou malááꞌ ba noumbá pehániꞌmi, láwiꞌ tempó iti, kuasaꞌna Pueꞌ Ala ina mokale i lalumi mopakanótó apa to hangaa-ngaa nihuwárá.

Matiu 13:22

Araheꞌ tauna to peisá rapándiriꞌ nodo tampoꞌ to kedui, lempóna tauna iti mampehádingi ngkóráꞌna Pueꞌ Ala, agáiáná hantangaꞌ-ntangaꞌ peá laluraꞌ. Mampekiri peheꞌ oaꞌ katueꞌraꞌ i duniáꞌ deꞌe, hai mampoinaoheꞌ peheꞌ morámpu párewá ngkáduniáꞌ. Upu-upu iti mopaꞌara peá katiꞌárána maróhó pepoináláiraꞌ, hai ngkóráꞌna Pueꞌ Ala tiꞌara piꞌi mobunduꞌ i lalu katueꞌraꞌ.

Matiu 6:34

Mewaliꞌ, ineeꞌ nipokaraoꞌ inao mampekiri apa to ina mewaliꞌ i alo-alo to ina haweꞌ. Alo deꞌe gáná miꞌi kamapárina, ineeꞌ wopiꞌi nitámbái mampekiri apa to ina mewaliꞌ kahalo.”

Matiu 6:8

Ineeꞌkou mampeuláꞌi bábehiáraꞌ, láwiꞌ Umámi to i surugáꞌ moisá miꞌi ami apa to niparaluu hangko tiꞌara mani nipembiáꞌ.

Lukasi 10:41

Nauliꞌ Pueꞌ Iesu, “Marita! Masisiáká ntepuꞌukoꞌ, hai mampopengaa to nupekiri.

Lukasi 12:22

Roo onoꞌ, Iesu molaluita i topeguruNaheꞌ, Nauliꞌ, “Onoꞌ miꞌi haneꞌi Kuhángáꞌákou: ineeꞌ nipokaraoꞌ inao kana i katueꞌmi ba niuliꞌ, ‘Apa miꞌi to taꞌandeꞌ?’ ba ‘Apa miꞌi to tapowaruꞌ?’

Lukasi 12:29

Ineeꞌ karaoꞌ inaomi ba niuliꞌ, ‘Apa miꞌi to taꞌandeꞌ hai tainu, hai apa miꞌi woꞌo to tapowaruꞌ?’

Lukasi 18:1

Roo onoꞌ, Iesu mopahaweꞌ hampákáꞌ ngkóráꞌ pándiriꞌ i topeguruNa bona mekakaeheꞌ oaꞌ hai ineeꞌ luleꞌ.

Lukasi 18:7

Noꞌonoꞌ woꞌo, Pueꞌ Ala ina motulungikou to Napileꞌi mewaliꞌ taunáNa, ane meraruaꞌkou oaꞌ i Hia membiáꞌ tulungi, maroꞌa káindi ba mabaa. Timama miꞌi oaꞌ Pueꞌ Ala motulungikou.

1 Korintu 7:21

Ane rápáꞌna hawiꞌ tueꞌmi hai nakióꞌkou Pueꞌ Ala bona mepoinálái i Pueꞌ Iesu, ineeꞌ masusa lalumi mampekiri kahawiꞌmi. Agáiáná ane arai tempómi bona tekábáhákou, rángina miꞌi nipopobunduꞌ tempó iti mampeliꞌ rárá bona tekábáhákou hangko i karapohawiꞌmi.

1 Korintu 7:32

Peundeꞌángkuꞌ halalu-halalu, bona ineeꞌkou mampekiri oaꞌ katueꞌmi i duniáꞌ deꞌe. Tobaleilo to tiꞌara mani motoina, peisáheꞌ mampopolumao oaꞌ bágóꞌna Pueꞌ, hai peisáheꞌ mampekiri oaꞌ apa peundeꞌána Pueꞌ.

2 Korintu 1:11

Hai kómu woꞌo, hangaa-ngaa nipekakaeáꞌangkaiꞌ, láwiꞌ ánti pekakaena handaꞌ tauna, Pueꞌ Ala ina motulungiangkaiꞌ, álána handaꞌ tauna ina manguliꞌ handaꞌ kamaroꞌana i Hia.

Epesu 5:20

hai ina niuliꞌ oaꞌ handaꞌ kamaroꞌana i Pueꞌ Ala Umántaꞌ i lalu hangaꞌna Iesu Kerisitu Pueꞌtaꞌ, láwiꞌ Naweꞌikeꞌ hinángkáꞌna.

Epesu 6:18

Hangaa-ngaa mekakaekou oaꞌ membiáꞌ róhó hangko i Pueꞌ Ala. I pákáꞌ-pákáꞌna, mekakaekou mouláꞌ peteteꞌna Inao to Magasaꞌ. Ineeꞌkou luleꞌ mekakae. Hangaa-ngaa nipekakaeá oaꞌ upu-upu tauna to mepoinálái i Pueꞌ Iesu.

Kolose 3:15

Nakióꞌmokou Pueꞌ Ala, hai Napopewaliꞌkou nodo hambuaꞌ peá wátá ánti pohintuwuꞌmi hai Kerisitu. Mewaliꞌ, hangaa-ngaa nipakaróhó pohintuwuꞌmi iti hai katinda lalu to hangko i Kerisitu, hai hangaa-ngaa niuliꞌ handaꞌ kamaroꞌana i Pueꞌ Ala.

Kolose 3:17

Apa peá to nibábehi ba to nipolaluita, hangaa-ngaa nibábehi hiolaꞌ hai pepoináláimi i Pueꞌ Iesu. Láwiꞌ ánti kaꞌIesuna haneꞌikeꞌ peisá manguliꞌ handaꞌ kamaroꞌana i Pueꞌ Ala Umántaꞌ.

Kolose 4:2

Mekakaekou oaꞌ, hai ane mekakaekou, hangaa-ngaa hangko i lalumi ntepuꞌu, hai hangaa-ngaa niuliꞌ handaꞌ kamaroꞌana i Pueꞌ Ala.

1 Timotiu 2:1

Rungu-runguna, kupembiáꞌ ntepuꞌu bona upu-upu tauna to mepoinálái i Pueꞌ Iesu mekakae i Pueꞌ Ala, membiáꞌ ahiꞌ hai manguliꞌ woꞌo handaꞌ kamaroꞌana. Hangaa-ngaa tapekakaeáheꞌ woꞌo upu-upu tauna,

1 Timotiu 5:5

Ane arai tobembaꞌ to mosadudua, lempóna tiꞌara ara to mokádipurá. Ia mehárungá peá i Pueꞌ Ala. I alo-alona ia mekakae membiáꞌ tulungi.

1 Peturuꞌ 4:7

Halalu-halalu, kahópóꞌána duniáꞌ deꞌe hungkuꞌ miꞌi, hai upu-upu óntóꞌna ina matántá. Onoꞌ miꞌi haneꞌi hangaa-ngaa manótó pekirimi hai nipakaróhó lalumi, bona peisákou mekakae.

1 Peturuꞌ 5:7

Nipaisarenga upu-upu kamapárina katueꞌmi i Hia, láwiꞌ Ia to mokádipurákou.