Pilipi 4:5 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁵ Kuhárungá upu-upu tauna ina moisá kamaroꞌana lalumi. Ineeꞌ nikáláliꞌá, tiꞌara piꞌi marue ina haweꞌ Pueꞌ.

Pilipi 4:5 Iomraidhean Croise

Matiu 6:25

“Mewaliꞌ Kuhángáꞌáꞌákou: ineeꞌ nipokaraoꞌ inao kana i katueꞌmi, apa to ina niandeꞌ hai niꞌinu. Ineeꞌ woꞌo nipokaraoꞌ inao kana i pewaruꞌmi. Tiꞌara paꞌi katueꞌmi melumbuꞌ hangko i pandeꞌ hai pewaruꞌ?

Matiu 6:34

Mewaliꞌ, ineeꞌ nipokaraoꞌ inao mampekiri apa to ina mewaliꞌ i alo-alo to ina haweꞌ. Alo deꞌe gáná miꞌi kamapárina, ineeꞌ wopiꞌi nitámbái mampekiri apa to ina mewaliꞌ kahalo.”

Lukasi 21:34

“Maingáꞌ-ingáꞌkou, bona tiꞌarakou mosusa-susa hai malangu-langu oaꞌ. Maingáꞌ-ingáꞌkou, bona tiꞌarakou mampepekiri oaꞌ katueꞌmi i duniáꞌ deꞌe, álána mampomaleꞌakou.

1 Korintu 16:22

Tauna to tiꞌara mampokaꞌahiꞌ Pueꞌ Iesu, háráráheꞌ i Pueꞌ Ala. Maranata! MaimoKoꞌ, Pueꞌ!

1 Korintu 6:7

Ineeꞌkou lao mobuáꞌ posisalaꞌmi i tauna to tiꞌara mepoinálái, láwiꞌ ane ara posisalaꞌ i oloꞌmi, mepakahiliá. Iti mopatongawaꞌ katiꞌárámi mobábehi apa to maroꞌa i peitána Pueꞌ Iesu. Katoꞌuána, ane ara to mopakanawoꞌkou ba mopakarugiꞌkou, rángimi miꞌi marugiꞌ haneꞌi nipahaweꞌ iti i lindoꞌna topobutusi to tiꞌara mepoinálái.

1 Korintu 8:13

Onoꞌ miꞌi haneꞌi kuhángáꞌáꞌákou: ane rápáꞌna ina mopakanawoꞌaꞌ halalu hampepepoinálái i kakuandeꞌna bauꞌ ba pandeꞌ, pandeꞌ iti tiꞌara kuandeꞌ, bona tiꞌara ara halalungkuꞌ to manawoꞌ ánti bábehiángkuꞌ. Mewaliꞌ hangaa-ngaa noꞌonoꞌkou woꞌo.

1 Korintu 9:25

Tauna to momberipoꞌ iti, hangaa-ngaa molati ntepuꞌuheꞌ hai hangaa-ngaa mantahaheꞌ i apa peá, bona molámbiꞌheꞌ parasee. Parasee iti, ia miꞌi tatali taweꞌngkau to ina malau peá. Agáiáná kitaꞌ, háwángina to talámbiꞌ hangko i Pueꞌ Ala tiꞌara ina mokahópóꞌá.

2 Korintu 10:1

Halalu-halalu, kódóꞌ deꞌe Paulu, ara to ina kupahaweꞌ i kómu. Araheꞌ tauna i oloꞌmi to manguliꞌ, “Ane Paulu karaoꞌ hangko i kaiꞌ, laluitana mahárá i lalu surana, agáiáná ane mombelindoꞌkeꞌ, maꞌálusuꞌ ntepuꞌu.” Mewaliꞌ, hangko i lalungkuꞌ to mengkaiwóiꞌ hai maꞌálusuꞌ, nodo laluna Kerisitu,

Titu 3:2

Ineeꞌheꞌ mopakadake hangaꞌ tauna, ineeꞌheꞌ mosisalaꞌ. Rángina miꞌi rapamaꞌálusuꞌ bábehiáraꞌ, hai maꞌálusuꞌheꞌ i upu-upu tauna.

Iberani 10:25

Araheꞌ halaluntaꞌ to tiꞌara piꞌi hirámpu menómbá. Kitaꞌ ineeꞌkeꞌ noꞌonoꞌ. Hangaa-ngaa hirámpukeꞌ menómbá hai mombepakaróhókeꞌ mpolalu, pelumbuꞌna mani deꞌe-deꞌe láwiꞌ taisá tiꞌara piꞌi marue Pueꞌ ina haweꞌ.

Iberani 10:37

Tiꞌara piꞌi marue, ina tepabukeꞌi ngkóráꞌna Pueꞌ Ala to manguliꞌ: “Ia to ina haweꞌ bateꞌna ina haweꞌ, KahaweꞌNa tiꞌara ina moali-ali.

1 Peturuꞌ 1:11

Ánti peteteꞌna Inaona Kerisitu to ara i laluraꞌ, Pueꞌ Ala mampopaisáꞌáheꞌ noumbá karumihina kapári to hangaa-ngaa morampe wátána Kerisitu, hai Napahaweꞌáheꞌ woꞌo noumbá peawaꞌNa ane hópóꞌ miꞌi kapári iti. Agáiáná nabiꞌ-nabiꞌ iti, tiꞌaraheꞌ moisá noumbá upu-upuna iti ina mewaliꞌ. Onoꞌ miꞌi haneꞌi rapáresáꞌ ntepuꞌu apa to teukiꞌ, láwiꞌ rapoinao raisá heáná to ratunggái hai impirá kaꞌina mewaliꞌna.

1 Peturuꞌ 4:7

Halalu-halalu, kahópóꞌána duniáꞌ deꞌe hungkuꞌ miꞌi, hai upu-upu óntóꞌna ina matántá. Onoꞌ miꞌi haneꞌi hangaa-ngaa manótó pekirimi hai nipakaróhó lalumi, bona peisákou mekakae.

Pampetudeꞌá 22:20

Iesu haduduáNa to mosabiki upu-upu to kuꞌukiꞌ deꞌe, hai Nauliꞌ, “Toꞌu ntepuꞌu. Tiꞌara piꞌi marue, ina haweꞌAꞌ.” Ami! Maranata! MaimoKoꞌ, Pueꞌ Iesu!

Pampetudeꞌá 22:7

Nauliꞌ Pueꞌ Iesu, “Tiꞌara piꞌi marue ina haweꞌAꞌ! Morasiꞌheꞌ tauna to mampeuláꞌi upu-upu laluita to teukiꞌ i lalu sura deꞌe.”