Pilipi 4:3 - Sura Magasaꞌ: Bahangapa sura Pototowiá to Sae hai Pototowiá to Woꞌu

³ Hai Susugo hampopobágóꞌkuꞌ to tetidaꞌ lalumu, kupembiáꞌ bona nutulungi wohiraꞌá towawine to rodua iti, bona ineeꞌmoheꞌ paka mosisalaꞌ. Tangaꞌkuꞌ mani hingkakani hai kómu, madotaheꞌ mamporángáꞌaꞌ mopahaweꞌ Ngkóráꞌ Marasa hingkakani hai Keleme hai hampopobágóꞌkuꞌ to ntániꞌna. Hangaꞌraꞌ upu-upu teukiꞌ miꞌi i lalu Sura Ngkatueꞌ, {láwiꞌ molámbiꞌmoheꞌ katueꞌ to tiꞌara mokahópóꞌá}.

Pilipi 4:3 Iomraidhean Croise

Danieli 12:1

Malaꞌeka to mewaruꞌ to bulá iti, mopaliliu laluitana, nauliꞌ, “I tempó onoꞌ, ina haweꞌ Mikaeli, malaꞌeka to mokámpái tampoꞌ Sáráeliꞌ. Hangko ionoꞌ, ina ara kapári to rumihi to tiꞌara mani hangkani mewaliꞌ, mantepuꞌu i tempóna tauna mopakeꞌ básá to montaniꞌ-ntaniꞌ. Agáiáná i tempó iti, upu-upu hangka toSáráeliꞌmu to teukiꞌ hangaꞌraꞌ i Surana Pueꞌ, ia miꞌi Sura Ngkatueꞌ, ina rapelaeheꞌ.

Lukasi 10:20

Agáiáná kehapiꞌ noꞌonoꞌ, ineeꞌ nipokagóeꞌ pengkoruꞌraꞌ setáꞌ i kómu. Rángina riꞌi nipokagóeꞌ kateukiꞌna miꞌi hangaꞌmi i lalu surugáꞌ.”

Roma 12:1

Mewaliꞌ halalu-halalu, ánti kamahilena ahiꞌna Pueꞌ Ala i kitaꞌ, onoꞌ miꞌi haneꞌi kupembiáꞌ bona nihuhuꞌ katueꞌmi i Pueꞌ Ala mewaliꞌ popenómbá to tueꞌ. Ane iti to nibábehi, lempóna magasaꞌ katueꞌmi i peitána Pueꞌ Ala, láwiꞌ iti to mopagóeꞌ laluNa, hai iti miꞌi popenómbámi to hintotoꞌ ntepuꞌu i Hia.

Roma 16:12

Tabeá i Tiripena hai Tiriposa. Towawine to roduaheꞌ iti, mampopolumaoheꞌ ntepuꞌuheꞌ bágóꞌna Pueꞌ. Tabeá woꞌo i Perisi to kupokaꞌahiꞌ. Ia mobágóꞌ matimi mampopolumao bágóꞌna Pueꞌ.

Roma 16:9

Tabeá i Ubanu, rángángkiꞌ mampopolumao bágóꞌna Kerisitu. Tabeá woꞌo i Sataki to kupokaꞌahiꞌ.

Pilipi 1:12

Mewaliꞌ halalu-halalu, kuꞌundeꞌ bona niꞌisá, kehapiꞌaꞌ ratarungku, góeꞌaꞌ, láwiꞌ ánti kamapáringkuꞌ deꞌe, katetátámbáiá tauna to mohádi hai mampoinálái Ngkóráꞌ Marasa.

Pilipi 1:27

Mewaliꞌ halalu-halalu, to hangaa-ngaa nipaioru ia miꞌi, bábehiámi hangaa-ngaa hintotoꞌ hai bábehiána tauna to mepoinálái i Ngkóráꞌ Marasa kana i Kerisitu. Hangaa-ngaa nibábehi noꞌonoꞌ, bona ane mohidupaꞌ manikeꞌ ba tiꞌara, bateꞌna ina kuisá pohintuwuꞌmi i lalu pobágóꞌmi mopahaweꞌ Ngkóráꞌ Marasa to mopaꞌara pepoinálái to maróhó.

Pilipi 1:5

láwiꞌ hangko i rungu-runguna i kamohádimi Ngkóráꞌ Marasa duuꞌna deꞌe-deꞌe, nitulungiaꞌ i lalu pobágóꞌkuꞌ mopahaweꞌ Ngkóráꞌ Marasa to hangko i Pueꞌ Ala.

Pilipi 1:7

Kubuhinaokou oaꞌ, hai hintotoꞌ ntepuꞌu noꞌonoꞌ, láwiꞌ nitulungiaꞌ oaꞌ i lalu pobágóꞌkuꞌ to naweꞌiaꞌ Pueꞌ Ala ánti kabulána laluNa, maroꞌa deꞌe-deꞌe tangaꞌkuꞌ ratarungku, maroꞌa i kamohánikingkuꞌ tauna to mosápuáka Ngkóráꞌ Marasa, hai tempóngkuꞌ mopakanótó katoꞌuna Ngkóráꞌ Marasa iti.

Pilipi 4:2

Halalungkuꞌ Euodia hai Sintike! Kupembiáꞌ bona mohintuwuꞌmokou huleꞌ nodo to hintotoꞌ i tauna to mepoinálái i Pueꞌ.

Kolose 1:7

Ngkóráꞌ Marasa iti nihádi hangko i Epara, rángángkiꞌ mobágóꞌ to kipokaꞌahiꞌ. Epara iti, ia miꞌi huoꞌána Kerisitu, hai ia tetidaꞌ mobágóꞌ motulungikou.

Pampetudeꞌá 13:8

Handaꞌheꞌ tauna to toroꞌ i duniáꞌ ina menómbá i hia. To tiꞌara menómbá i hia, bateꞌna peá tauna to teukiꞌ miꞌi hangaꞌraꞌ i lalu Sura Ngkatueꞌ hangko tiꞌara mani duniáꞌ rapopewaliꞌ. Sura Ngkatueꞌ iti ia miꞌi surana Iesu to rapándiriꞌ nodo Ánáꞌ Dimbá to rasambale.

Pampetudeꞌá 17:8

hangkoia tueꞌ, deꞌe-deꞌe tiꞌara piꞌi ara, agáiáná hangkani tempó ina tueꞌ huleꞌ hai mesuwuꞌ mai hangko i pingke pehukuá to tiꞌara tehukáꞌ kakaladuna. Hai roo onoꞌ, ina nahuku Pueꞌ Ala haweꞌ i rue-ruena. Tauna to toroꞌ i duniáꞌ to tiꞌara teukiꞌ hangaꞌraꞌ i lalu Sura Ngkatueꞌ hangko tiꞌara mani duniáꞌ rapopewaliꞌ, ina tingkáráꞌheꞌ moita binataꞌ iti, láwiꞌ hangkoia tueꞌ, deꞌe-deꞌe tiꞌara piꞌi ara, agáiáná hangkani tempó ina haweꞌ huleꞌ.

Pampetudeꞌá 20:12

Hai kuitaheꞌ tauna to mate to rapatueꞌ huleꞌ, mantepuꞌu to i wóiꞌ tueꞌraꞌ, haweꞌ-haweꞌ i to mokahangaꞌiá tueꞌraꞌ, meángkáꞌheꞌ i lindoꞌna Pueꞌ Ala to mehoda i pehodaꞌá iti. Tauna to mate i tahiꞌ, hai upu-upu tauna to i katoroꞌá tomate, rapatueꞌ huleꞌ, haneꞌiheꞌ meángkáꞌ upu-upu i lindoꞌna Pueꞌ Ala. Roo onoꞌ, sura-sura rabungkáhi. I lalu sura-sura iti, teukiꞌ bábehiáraꞌ upu-upu tauna. Mewaliꞌ, upu-upu tomate ina rahukuheꞌ hintotoꞌ hai apa to teukiꞌ i lalu sura-sura iti. Karahukuraꞌ iti hintotoꞌ hai bábehiáraꞌ haduduáraꞌ. Hai rabungkáhi miꞌi woꞌo sura to ntániꞌna, hangaꞌna Sura Ngkatueꞌ. {Ionoꞌ teukiꞌ hangaꞌ-hangaꞌ tauna to ina molámbiꞌ katueꞌ to maroꞌa to tiꞌara mokahópóꞌá.}

Pampetudeꞌá 20:15

Hai heáná peá to tiꞌara teukiꞌ hangaꞌna i lalu Sura Ngkatueꞌ, ina ratibe woꞌo i lalu tahiꞌ api iti.

Pampetudeꞌá 21:27

Agáiáná apa to metitidiꞌi tiꞌara mpuꞌu peisá mesuaꞌ i lalu kótá iti. Tauna to mobábehi to kadake ba to modongkoꞌ, tiꞌaraheꞌ peisá mesuaꞌ. To peisá mesuaꞌ, bateꞌna peá tauna to teukiꞌ hangaꞌraꞌ i lalu Sura Ngkatueꞌ, ia miꞌi surana Iesu to rapándiriꞌ nodo Ánáꞌ Dimbá. Sura iti sura poukiꞌá hangaꞌraꞌ tauna to molámbiꞌ katueꞌ to maroꞌa to tiꞌara mokahópóꞌá.

Pampetudeꞌá 3:5

Heáná to menangi, ina rabaduiheꞌ woꞌo waruꞌ to bulá, hai hangaꞌraꞌ tiꞌara ina Kuwoe hangko i Sura Ngkatueꞌ. Ina Kupangákuꞌ ntepuꞌu i lindoꞌna UmáNgkuꞌ hai malaꞌekaNa, kahirana miꞌi taunáNgkuꞌ.