Pilipi 4:12 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹² Kuhádiá miꞌi tueꞌ i tempóngkuꞌ makuraꞌ, hai kuhádiá miꞌi woꞌo tueꞌ i tempóngkuꞌ nakaꞌarai. Kehapiꞌ apa miꞌi to morampeaꞌ, maroꞌa i tempóna ara pandeꞌkuꞌ, maroꞌa i tempóna tiꞌara ara pandeꞌkuꞌ, handaꞌ ba hantóiꞌ, nakaꞌarai ba tiꞌara nakaꞌarai, góeꞌ oaꞌ lalungkuꞌ.

Pilipi 4:12 Iomraidhean Croise

Matiu 11:29

Mohintuwuꞌmokou hai Kódóꞌ. Mempaisaremokou i Kódóꞌ, hai megurukou hangko i Kódóꞌ apa peundeꞌána Pueꞌ Ala. Ane nibábehi noꞌonoꞌ, ina tinda lalumi, láwiꞌ pambiáráNgkuꞌ maꞌálusuꞌ hai mengkaiwóiꞌAꞌ.

Matiu 13:52

Hangko ionoꞌ, Nahángáꞌá wopaheꞌ, “Ane noꞌonoꞌi, maroꞌa. Mewaliꞌ, ina niꞌisá woꞌo lempóna ngkóráꞌ pándiriꞌ deꞌe: kómu hai upu-upu guru-guru agama to mengkoruꞌ i párentána Pueꞌ Ala, peisákou rapándiriꞌ nodo tauna to pebuku to ara párewána to sae hai ara woꞌo párewána to woꞌu, láwiꞌ niꞌisá Paturoꞌna Musa to marue miꞌi, hai niꞌisá miꞌi woꞌo paturoꞌKuꞌ to woꞌu.”

2 Korintu 10:1

Halalu-halalu, kódóꞌ deꞌe Paulu, ara to ina kupahaweꞌ i kómu. Araheꞌ tauna i oloꞌmi to manguliꞌ, “Ane Paulu karaoꞌ hangko i kaiꞌ, laluitana mahárá i lalu surana, agáiáná ane mombelindoꞌkeꞌ, maꞌálusuꞌ ntepuꞌu.” Mewaliꞌ, hangko i lalungkuꞌ to mengkaiwóiꞌ hai maꞌálusuꞌ, nodo laluna Kerisitu,

2 Korintu 10:10

Kuꞌuliꞌ noꞌonoꞌ, láwiꞌ araheꞌ tauna i oloꞌmi to mosasalaꞌiaꞌ, rauliꞌ, “Ane tabásá surana, makuasaꞌ hai kaladu pepaturoꞌna, agáiáná ane arai ieneꞌ hingkakani hai kitaꞌ, ia nodo tauna to maledeꞌ hai laluitana tiꞌara mobunduꞌ!”

2 Korintu 11:27

I lalu pampopolumaongkuꞌ bágóꞌna Pueꞌ, mobágóꞌaꞌ i sukáꞌna pebukuángkuꞌ. Handaꞌ kánina tiꞌaraꞌaꞌ peisá letaꞌ, marimiaꞌ hai mangkadoꞌuaꞌ. Handaꞌ kánina tiꞌara ara pandeꞌkuꞌ, melengiꞌ kuhádi, hai hangkani-hangkani tiꞌara gáná waruꞌkuꞌ.

2 Korintu 11:7

I tempóngkuꞌ mopahaweꞌ Ngkóráꞌ Marasa i kómu iaꞌo, tiꞌaraꞌaꞌ membiáꞌ sarongkuꞌ i kómu kehapiꞌ hantóiꞌ peá. Mengkaiwóiꞌaꞌ hai mobágóꞌaꞌ hai taengkuꞌ bona kupahaweꞌ bámbári to moánti pewátiꞌ i kómu. Ba masalaꞌaꞌ halalu-halalu, láwiꞌ tiꞌaraꞌaꞌ membiáꞌ sarongkuꞌ i kómu?

2 Korintu 11:9

I tempó iti, ara woꞌo kamakuraꞌkuꞌ, agáiáná tiꞌarakou kupamapári, láwiꞌ araheꞌ halaluntaꞌ to haweꞌ hangko i tampoꞌ Makedonia moánti dóiꞌ to mopagánái apa to kuparaluu. Kupeliꞌ oaꞌ rárá, bona tiꞌarakou kupamapári, hai iti to ina kubábehi oaꞌ.