Pilipi 4:11 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹¹ Tunggáiángkuꞌ manguliꞌ noꞌonoꞌ, tiꞌara ánti kaꞌárána to kuparaluu. Apa peá to ara i kódóꞌ, kupogáná miꞌi hai kupokagóeꞌ.

Pilipi 4:11 Iomraidhean Croise

Pewaliꞌána 28:20

Roo onoꞌ, modándi miꞌi Iako i Pueꞌ Ala, nauliꞌ, “Ane Nuporángáꞌaꞌ hai Nukámpáiaꞌ i polumaongkuꞌ deꞌe, hai Nuweꞌiaꞌ pandeꞌ hai waruꞌ,

Lukasi 3:14

Araheꞌ woꞌo surudadoꞌ to lao mekuneꞌ i Iohane, rauliꞌ, “Noumbá miꞌi hai kaiꞌ? Apa to hintotoꞌ kibábehi bona tongawaꞌ kamenosoꞌkiꞌ miꞌi.” Nahángáꞌáheꞌ, “Ineeꞌkou mampopalááꞌ tauna bona niperampaꞌi apa to ara i hira. Saromi hangaa-ngaa nipogáná.”

2 Korintu 11:27

I lalu pampopolumaongkuꞌ bágóꞌna Pueꞌ, mobágóꞌaꞌ i sukáꞌna pebukuángkuꞌ. Handaꞌ kánina tiꞌaraꞌaꞌ peisá letaꞌ, marimiaꞌ hai mangkadoꞌuaꞌ. Handaꞌ kánina tiꞌara ara pandeꞌkuꞌ, melengiꞌ kuhádi, hai hangkani-hangkani tiꞌara gáná waruꞌkuꞌ.

2 Korintu 6:10

Narampeangkaiꞌ handaꞌ kapári, agáiáná góeꞌ lalungkiꞌ. Meahiahiꞌ tueꞌkiꞌ, agáiáná kaiꞌ to moántiangkaiꞌ pewátiꞌ hangko i Pueꞌ Ala i tauna to handaꞌ. I peitána tauna, handaꞌ kamakuraꞌkiꞌ, agáiáná katoꞌuána upu-upuna ara i kaiꞌ.

2 Korintu 8:9

Tiꞌarakou kupárentá morámpu dóiꞌ petulungi, láwiꞌ niꞌisá woꞌo pándiriꞌ hangko i kamahilena ahiꞌna Pueꞌtaꞌ Iesu Kerisitu i kitaꞌ. Upu-upu to ara i surugáꞌ, Ia pueꞌna, agáiáná ánti kamahilena ahiꞌNa i kitaꞌ, Ia mewaliꞌ nodo hadua tauna to meahiahiꞌ tueꞌna, bona kitaꞌ peisá molámbiꞌ katueꞌ to maroꞌa to tiꞌara mokahópóꞌá.

2 Korintu 9:8

Hai Pueꞌ Ala ina mampoweꞌikou handaꞌ pewátiꞌ duuꞌna tiꞌara piꞌi ara kamakuraꞌmi, bona nibuku mampopolumao upu-upu bágóꞌ to maroꞌa, motulungi hángká rángámi.

Pilipi 3:8

Hai pelumbuꞌna hangko ionoꞌ, deꞌe-deꞌe kuisá miꞌi: hinángkáꞌna tiꞌara mobunduꞌ i kódóꞌ, láwiꞌ ara to melumbuꞌ kamaroꞌana, ia miꞌi pohintuwuꞌkuꞌ hai Pueꞌkuꞌ Kerisitu Iesu. Onoꞌ haneꞌi kukábáhá miꞌi upu-upu to kuꞌundeꞌ hangkoia, kurekeꞌ peá nodo rumpuꞌ to paraluu ratibe, bona peisá peaꞌ mohintuwuꞌ hai Kerisitu

Iberani 10:34

Maꞌahiꞌ lalumi i tauna to ratarungku ánti peuláꞌraꞌ i Pueꞌ Iesu. Ane párewámi raperampaꞌi, tiꞌara nikahiaꞌ. Góeꞌ ntepuꞌukou, láwiꞌ niꞌisá kaꞌárána to rapatimamaꞌákou i surugáꞌ to melumbuꞌ kamaroꞌana hai tiꞌara piꞌi mokahópóꞌá.