Pilipi 4:10 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁰ Halalu-halalu, góeꞌ ntepuꞌu lalungkuꞌ, hai motóiáꞌaꞌ Pueꞌ Iesu, láwiꞌ kehapiꞌ maruemokeꞌ tiꞌara mohidupaꞌ, hangkani mani nipakatuáꞌaꞌ petulungimi. Tiꞌara kuꞌuliꞌ katiꞌárángkuꞌ piꞌi nibuhinao hangkoia, ngkáliꞌna riꞌi nibuhinaoaꞌ oaꞌ; agáiáná bahangapa kamaruena, tiꞌarakou nampakaꞌ motulungiaꞌ.

Pilipi 4:10 Iomraidhean Croise

2 Korintu 11:9

I tempó iti, ara woꞌo kamakuraꞌkuꞌ, agáiáná tiꞌarakou kupamapári, láwiꞌ araheꞌ halaluntaꞌ to haweꞌ hangko i tampoꞌ Makedonia moánti dóiꞌ to mopagánái apa to kuparaluu. Kupeliꞌ oaꞌ rárá, bona tiꞌarakou kupamapári, hai iti to ina kubábehi oaꞌ.

2 Korintu 6:7

kipahaweꞌ apa to toꞌu, hai kipopolumao bágóꞌkiꞌ hangko i kuasaꞌ to kilámbiꞌ hangko i Pueꞌ Ala. Nodoangkaiꞌ tauna to timama lao mombeala moánti pihoꞌ hai lábá, {láwiꞌ timamaꞌangkaiꞌ mopahaweꞌ ngkóráꞌna Pueꞌ i katoꞌu-toꞌuána, hai mohániki tauna to mosalaꞌiangkaiꞌ}.

Galatia 6:10

Mewaliꞌ, tangaꞌna mani ara tempó, hangaa-ngaa mobábehikeꞌ oaꞌ apa to maroꞌa i upu-upu tauna, pelumbuꞌna miꞌi i halalu hampepepoináláintaꞌ.

Galatia 6:6

Tauna to motarima paturoꞌ mokana i ngkóráꞌna Pueꞌ Ala, hangaa-ngaa mampogáláꞌá woꞌo to mepaturoꞌ iti hangko i porasiꞌána.

Pilipi 1:1

Tabeá hangko i kaiꞌ Paulu hai Timotiu, huoꞌána Kerisitu Iesu. Kupakatu sura deꞌe i kómu to mepoinálái i Kerisitu Iesu to ara i kótá Pilipi, hai i tauna to mampopolumao bágóꞌna Pueꞌ i oloꞌmi, maroꞌa tadulako jemaꞌa, maroꞌa topobágóꞌna Pueꞌ. Mekakaeangkaiꞌ i Pueꞌ Ala Umántaꞌ hai Pueꞌ Iesu Kerisitu bona mowátiꞌkou hai mampoweꞌikou roꞌa ngkatueꞌ.

Pilipi 1:3

Halalu-halalu, i káni-kánina ane kubuhinaokou, kuꞌuliꞌ handaꞌ kamaroꞌana i Pueꞌ Ala Pueꞌkuꞌ ánti kakómuna.