Pilipi 4:1 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹ Mewaliꞌ, halalu-halalu to kupokaꞌahiꞌ hai kukabilai: kupembiáꞌ bona nipakaróhó pepoináláimi i Pueꞌ. Kómu miꞌi to kupomahile hai kupokagóeꞌ ntepuꞌu.

Pilipi 4:1 Iomraidhean Croise

Matiu 10:22

Ánti peuláꞌmi i Kódóꞌ, ina rakáhihiꞌkou handaꞌ tauna. Agáiáná tauna to mepoinálái oaꞌ i Kódóꞌ duuꞌna i kahópóꞌána, ina molámbiꞌheꞌ katueꞌ to maroꞌa to tiꞌara mokahópóꞌá.

Iohane 8:31

Hangko ionoꞌ, Iesu molaluita i tauna to mepoinálái i Hia, Nauliꞌ, “Ane nipeuláꞌi oaꞌ paturoꞌKuꞌ, ina mewaliꞌ mpuꞌukou topeuláꞌKuꞌ,

Surona Pueꞌ Iesu 11:23

Baranaba iti, hadua tauna to maroꞌa laluna. Ia nakuasaꞌi Inao to Magasaꞌ hai maróhó pepoináláina. Kahaweꞌna Baranaba i Antiokia, góeꞌ ntepuꞌu laluna láwiꞌ tongawaꞌ ntepuꞌu pewátiꞌna Pueꞌ Ala i hira to mepoinálái i Iesu. Mewaliꞌ Baranaba mopalindó laluraꞌ, hai mopaturoꞌheꞌ bona meuláꞌheꞌ oaꞌ i Pueꞌ Iesu hangko i laluraꞌ ntepuꞌu. Onoꞌ miꞌi haneꞌi handaꞌ woꞌo toAntiokia mepoinálái i Pueꞌ Iesu.

Surona Pueꞌ Iesu 14:22

I upu-upu kótá to rapoliui, Paulu hai Baranaba mopakaróhó laluraꞌ tauna to mepoinálái i Iesu hai mopaturoꞌheꞌ bona maróhó oaꞌ pepoináláiraꞌ. Rahángáꞌáheꞌ, “Kitaꞌ hangaa-ngaa molámbiꞌkeꞌ handaꞌ pákáꞌna kapári hangko tiꞌara manikeꞌ mesuaꞌ i popárentána Pueꞌ Ala.”

Surona Pueꞌ Iesu 2:42

Roo onoꞌ, handaꞌ tauna to hangko mepoinálái i Iesu mampehádingiheꞌ oaꞌ paturoꞌraꞌ surona Pueꞌ Iesu, hai moromu-romuheꞌ oaꞌ. Mandeꞌheꞌ hingkakani, mandeꞌheꞌ rótiꞌ ánti pambuhinaoraꞌ Pueꞌ Iesu, hai mekakaeheꞌ.

Roma 2:7

Ara tauna to mobábehiheꞌ oaꞌ apa to maroꞌa, láwiꞌ hira mampeliꞌheꞌ petóiá hai pebiláꞌ hangko i Pueꞌ Ala, hai mampeliꞌheꞌ woꞌo katueꞌ to maroꞌa to tiꞌara ara kahópóꞌána. I tauna to noꞌonoꞌ, Pueꞌ Ala ina mampoweꞌiheꞌ katueꞌ to tiꞌara mokahópóꞌá.

1 Korintu 15:58

Mewaliꞌ halalu-halalu to kupokaꞌahiꞌ, ineeꞌ bata-bata lalumi. Hangaa-ngaa nipakaróhó pepoináláimi hai nipopolumao oaꞌ bágóꞌna Pueꞌ, láwiꞌ niꞌisá apa to nipobágóꞌ i Pueꞌ tiꞌara ina mbero-mbero.

1 Korintu 16:13

Maingáꞌ-ingáꞌkou. Nipakaróhó pepoináláimi! Nipakaróhó lalumi! Nitibaaꞌ oaꞌ pepoináláimi!

Galatia 5:1

Kerisitu mokábáhámokeꞌ hangko i áturá-áturá toIahudiꞌ, bona tekábáhá ntepuꞌukeꞌ. Onoꞌ miꞌi haneꞌi hangaa-ngaa nipatetidaꞌ lalumi, bona ineeꞌkou rapohawiꞌ huleꞌ.

Pilipi 1:27

Mewaliꞌ halalu-halalu, to hangaa-ngaa nipaioru ia miꞌi, bábehiámi hangaa-ngaa hintotoꞌ hai bábehiána tauna to mepoinálái i Ngkóráꞌ Marasa kana i Kerisitu. Hangaa-ngaa nibábehi noꞌonoꞌ, bona ane mohidupaꞌ manikeꞌ ba tiꞌara, bateꞌna ina kuisá pohintuwuꞌmi i lalu pobágóꞌmi mopahaweꞌ Ngkóráꞌ Marasa to mopaꞌara pepoinálái to maróhó.

Pilipi 1:8

Pueꞌ Ala moisá katoꞌuna laluitangkuꞌ deꞌe: rumihi ntepuꞌu kakukabilaimi, hai pekabilaingkuꞌ deꞌe nodo kamaꞌahiꞌna Kerisitu Iesu i kómu.

Pilipi 2:16

tangaꞌmi mopahaweꞌ i hira Ngkóráꞌ Marasa to mopaꞌara katueꞌ to tiꞌara mokahópóꞌá. Mewaliꞌ halalu-halalu, ane noꞌonoꞌi oaꞌ bábehiámi, i alo kahaweꞌána huleꞌ Kerisitu, ina góeꞌ lalungkuꞌ láwiꞌ bábehiámi iti to mopatongawaꞌ katiꞌárána mbero-mbero bágóꞌkuꞌ i oloꞌmi, hai upu-upu to kupaturoꞌákou mobunduꞌ i katueꞌmi.

Pilipi 2:26

Rángina kuhuoꞌ mesuleꞌ deꞌe-deꞌe, láwiꞌ ia mabila ntepuꞌu miꞌi i kómu upu-upu, hai masusa laluna láwiꞌ nihádi miꞌi kamaduꞌana.

Kolose 4:12

Tabeá woꞌo hangko i Epara, huoꞌána Kerisitu Iesu, hadua to hangko i jemaꞌami. Napekakaeákou hangko i laluna ntepuꞌu, bona maróhó pepoináláimi hai bona niꞌisá ntepuꞌu apa peundeꞌána Pueꞌ Ala.

1 Tesalonika 3:13

Pueꞌ, kipembiáꞌ bona Nupakaróhó laluraꞌ, bona magasaꞌ tueꞌraꞌ hai tiꞌara ara kamasalaꞌraꞌ i lindoꞌMu i kahaweꞌna huleꞌ Pueꞌ Iesu hingkakani hai upu-upu taunáNa to magasaꞌ. Ami.”

2 Tesalonika 2:15

Mewaliꞌ halalu-halalu, hangaa-ngaa nipakaróhó oaꞌ pepoináláimi. Nipailalu upu-upuna to kipaturoꞌákou, maroꞌa to kipahaweꞌámokou, maroꞌa to kiukiꞌákou i lalu surangkiꞌ.

2 Timotiu 2:1

Mewaliꞌ, Timotiu to kupoánáꞌ! Hangaa-ngaa nupakaróhó ntepuꞌu lalumu ánti kamaꞌahiꞌna Kerisitu Iesu i hio.

Iberani 10:23

Hangaa-ngaa mehárungákeꞌ oaꞌ i Iesu, hai ineeꞌkeꞌ malááꞌ mopangákuꞌ pehárungántaꞌ i Hia, láwiꞌ Pueꞌ Ala tetidaꞌ hai ina mobukeki dándiNa i kitaꞌ.

Iberani 3:14

Mobágóꞌkeꞌ hingkakani hai Kerisitu, asalaꞌ apa to tapoinálái hangko i rungu-runguna, tatibaaꞌ ntepuꞌu duuꞌna i kahópóꞌána.

Iberani 4:14

Ara miꞌi hadua Tadulakontaꞌ Menómbá Mahile to melumbuꞌ ntepuꞌu kamahilena tueꞌNa: Ia miꞌi Iesu Ánáꞌna Pueꞌ Ala. Ia mengkaoreꞌ miꞌi mesuaꞌ i lalu surugáꞌ hai lao i lindoꞌna Pueꞌ Ala. Onoꞌ miꞌi haneꞌi hangaa-ngaa tapakaróhó pepoináláintaꞌ hai tapangákuꞌ oaꞌ kaꞌIesuna Pueꞌtaꞌ.

2 Peturuꞌ 3:17

Agáiáná kómu halalungkuꞌ to kupokaꞌahiꞌ, niꞌisá miꞌi upu-upu iti. Onoꞌ miꞌi haneꞌi hangaa-ngaa maingáꞌ-ingáꞌkou i tauna to tiꞌara mengkoruꞌ i áturá, bona tiꞌarakou maꞌala mouláꞌ paturoꞌraꞌ hai bábehiáraꞌ to salaꞌ, duuꞌna bata-bata lalumi mokana i apa to toꞌu to nipoinálái miꞌi.