Pilipi 3:9 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁹ hai mewaliꞌ taunáNa. Pueꞌ Ala morekeꞌaꞌ manótó i peitáNa, tiꞌara ánti pampeuláꞌingkuꞌ Paturoꞌna Musa, agáiáná ánti pepoináláingkuꞌ i Kerisitu. Mewaliꞌaꞌ manótó i peitána Pueꞌ Ala ánti kabulána laluNa, láwiꞌ mepoináláiaꞌ i Kerisitu.

Pilipi 3:9 Iomraidhean Croise

Danieli 9:24

Pitu puloꞌna kánina pitu parena {ia miꞌi iba átuna hai hahioꞌ puloꞌna parena} to napakanótó Pueꞌ Ala, Ia ina mampelae hangka toSáráeliꞌmu hai kótámu to magasaꞌ iti hangko i dósá hai bábehiá to kadake. Hinángkáꞌ dósá ina raꞌámpungi, hai Pueꞌ Ala ina mepárentá i kanótó-nótóána haweꞌ i rue-ruena. Iti ina mewaliꞌ bona tongawaꞌ pampetudeꞌá iti, hai laluitana nabiꞌ-nabiꞌ ina tebukeki. Hai támbina Pueꞌ Ala ina rapamagasaꞌ huleꞌ.

Matiu 9:13

Mewaliꞌ, hangaa-ngaa nipekiri maroꞌa apa lempóna ngkóráꞌna Pueꞌ Ala to teukiꞌ node: ‘Tiꞌara binataꞌ to Kuꞌundeꞌ nipopenómbá i Kódóꞌ, agáiáná to Kuꞌundeꞌ ia miꞌi bona maꞌahiꞌkou i hángká rángámi.’ ” (Hosea 6:6) Lempóna: tiꞌaraꞌAꞌ mai mokióꞌ tauna to mampekiri manótó bábehiáraꞌ, agáiáná maiAꞌ mokióꞌ tauna to moisá kamadósáraꞌ hai menosoꞌheꞌ.

Roma 1:17

Hangko i Ngkóráꞌ Marasa iti, taisá noumbá rárána bona mohintuwuꞌkeꞌ huleꞌ hai Pueꞌ Ala. Node rárána: mewaliꞌkeꞌ manótó i peitáNa ánti pepoináláintaꞌ i Hia. Tiꞌara ara rárá ntániꞌna, láwiꞌ i lalu Sura Magasaꞌ teukiꞌ miꞌi node: “Tauna to manótó i peitána Pueꞌ Ala, hira miꞌi to molámbiꞌ katehómpóꞌ ánti pepoináláiraꞌ.”

Roma 10:10

Ánti pepoináláintaꞌ i Iesu to hangko i laluntaꞌ ntepuꞌu, onoꞌ miꞌi haneꞌi narekeꞌmokeꞌ Pueꞌ Ala manótó i peitáNa. Hai ánti katapangákuꞌna miꞌi Iesu, onoꞌ miꞌi haneꞌi tehómpókimokeꞌ hangko i huku dósántaꞌ.

Roma 16:7

Nipahaweꞌ woꞌo tabeángkuꞌ i Andoroniku hai Iunia. Hira iti, hangka toIahudiꞌkuꞌheꞌ to ratarungku hingkakani hai kódóꞌ. Hai hira iti rabiláꞌ ntepuꞌu upu-upu surona Kerisitu. Maruemoheꞌ mepoinálái i Kerisitu. Hangko tiꞌara maniaꞌ mepoinálái i Kerisitu, ambiꞌraꞌ miꞌi mepoinálái.

Roma 5:21

Hangkoia, dósá miꞌi to makuasaꞌ i lalu katueꞌna tauna, álána upu-upu tauna hangaa-ngaa rahuku mate hai tegááki hangko i Pueꞌ Ala. Agáiáná deꞌe-deꞌe, ánti kabulána laluNa, Pueꞌ Ala miꞌi to makuasaꞌ i lalu katueꞌtaꞌ. Ia mampoweꞌikeꞌ rárá bona peisákeꞌ mewaliꞌ manótó i peitáNa, hai Ia mampoweꞌikeꞌ woꞌo katueꞌ to maroꞌa to tiꞌara mokahópóꞌá ánti kanatangaꞌ-tangaꞌintaꞌ Iesu Kerisitu Pueꞌtaꞌ.

Roma 8:1

Deꞌe-deꞌe, tiꞌara piꞌi ara pehuku i heáná peá tauna to mohintuwuꞌ hai Kerisitu Iesu,

Roma 8:3

Kitaꞌ tiꞌarakeꞌ peisá tekábáhá hangko i kuasaꞌ dósá ánti peuláꞌtaꞌ i Paturoꞌna Musa, láwiꞌ tiꞌara tabuku mampeuláꞌi upu-upu Hawaꞌ iti hangko i róhóntaꞌ haduduántaꞌ. Agáiáná ara to nabábehi Pueꞌ Ala to melumbuꞌ hangko i kuasaꞌna Paturoꞌna Musa. Ia mohuoꞌ ÁnáꞌNa mai i duniáꞌ mewaliꞌ tauna. WátáNa hibali hai wátána tauna to madósá. Hai Pueꞌ Ala mohuku kuasaꞌ dósá moliu kamatena Iesu bona dósá tauna peisá rawehángi.

1 Korintu 1:30

Ngkáliꞌna riꞌi, peisákeꞌ mohintuwuꞌ hai Kerisitu Iesu ánti bábehiána Pueꞌ Ala, láwiꞌ Ia peá to mampobungkáhiákeꞌ rárá katehómpóꞌ. Ánti pohintuwuꞌtaꞌ hai Kerisitu Iesu, taisá kamapándena Pueꞌ Ala: Kerisitu to mopakanótókeꞌ i peitána Pueꞌ Ala, mopamagasaꞌkeꞌ, hai mampehuhuꞌá wátáNa mohómpókikeꞌ hangko i huku dósántaꞌ.

2 Korintu 5:17

Mewaliꞌ, ane tauna mohintuwuꞌ hai Kerisitu, ia mewaliꞌ tauna to woꞌu. Katueꞌna to hangkoia liu miꞌi, hai ia molámbiꞌ miꞌi katueꞌ to woꞌu.

2 Korintu 5:21

Kerisitu iti tiꞌara madósá, agáiáná Pueꞌ Ala mohuoꞌ mai mosulewátáikeꞌ bona Ia to mokili upu-upu dósá tauna. Tunggáiána Pueꞌ Ala, bona kitaꞌ to mohintuwuꞌ hai Kerisitu, peisákeꞌ mewaliꞌ manótó i peitána Pueꞌ Ala.

Galatia 2:16

Agáiáná kehapiꞌangkaiꞌ toIahudiꞌ, kiꞌisá tiꞌaraꞌangkaiꞌ rapakanótó i peitána Pueꞌ Ala ánti pampeuláꞌingkiꞌ áturá-áturá to teukiꞌ i Paturoꞌna Musa. Ane taundeꞌ mewaliꞌ manótó i peitána Pueꞌ Ala, hangaa-ngaa mepoinálái ntepuꞌukeꞌ i Iesu Kerisitu. Onoꞌ miꞌi haneꞌi mepoináláimongkaiꞌ i Kerisitu bona mewaliꞌangkaiꞌ manótó i peitána Pueꞌ Ala. Tiꞌara piꞌi kihárungá pampeuláꞌingkiꞌ Paturoꞌna Musa, láwiꞌ tiꞌara ara haweꞌ hadua tauna to mewaliꞌ manótó i peitána Pueꞌ Ala ánti pampeuláꞌina párentá-párentá i lalu Paturoꞌna Musa.

Pilipi 3:6

I tempó iti, rumihi peundeꞌángkuꞌ mampeuláꞌi peundeꞌána Pueꞌ Ala, onoꞌ miꞌi haneꞌi kupopeahiahiꞌ tauna to mepoinálái i Iesu. Madota ntepuꞌuaꞌ mampeuláꞌi upu-upu párentá to teukiꞌ i lalu Paturoꞌna Musa. Tiꞌara ara haweꞌ hadua tauna to peisá mosalaꞌiaꞌ.

2 Timotiu 1:9

Ia mokióꞌkeꞌ mewaliꞌ taunáNa to magasaꞌ hai mohómpókikeꞌ hangko i huku dósántaꞌ. Tiꞌarakeꞌ Nakióꞌ hai Nahómpóki Pueꞌ Ala ánti bábehiántaꞌ to maroꞌa. Iti Nabábehi ánti kabulána laluNa hiolaꞌ hai tunggáiáNa. Láwiꞌ hangko tiꞌara mani duniáꞌ deꞌe rapopewaliꞌ, ara miꞌi tunggáiána Pueꞌ Ala mohintuwuꞌkeꞌ moliu Kerisitu Iesu.

Titu 3:5

Apa ntóáꞌna haneꞌi Nahómpókikeꞌ hangko i huku dósántaꞌ? Ba Nahómpókikeꞌ ánti kamaroꞌana bábehiántaꞌ? Tiꞌara. Nahómpókikeꞌ ánti kabulána laluNa i kitaꞌ. Onoꞌ miꞌi haneꞌi Napoweꞌikeꞌ Inao to Magasaꞌ moliu Kerisitu Topohómpóꞌ Salaꞌ, hai ánti kuasaꞌna Inao to Magasaꞌ iti, Nabahoꞌimokeꞌ hangko i dósántaꞌ, hai Napowoꞌu katueꞌtaꞌ.

Iberani 6:18

Pueꞌ Ala tiꞌara modongkoꞌ ane mopahaweꞌ dándiNa hai totowiNa, rompákáꞌ iti tiꞌara peisá tebáliki. Onoꞌ miꞌi haneꞌi kitaꞌ to mempaisare i Pueꞌ Ala, maróhó laluntaꞌ mampegiá apa to tahárungá hangko i Hia.

Iakobu 3:2

Pakakeꞌ mobábehi salaꞌ. Heáná tauna to tiꞌara mobábehi salaꞌ i polaluitana, ia to manginao miꞌi hai peisá mokuasaꞌi pekirina hai bábehiána i upu-upuna.

2 Peturuꞌ 1:1

Sura deꞌe hangko i kódóꞌ Simoꞌ Peturuꞌ huoꞌána hai surona Iesu Kerisitu. Kupakatu sura deꞌe i kómu halalu-halalu to mepoinálái i Iesu Kerisitu. Iesu Kerisitu Ia miꞌi Pueꞌ Ala to mohómpókikeꞌ hangko i huku dósántaꞌ. Ánti bábehiáNa to manótó iti, Napopewaliꞌmokou taunáNa to mepoinálái i Hia, hibali hai kaiꞌ suroNa.

1 Iohane 3:4

Upu-upu tauna to mobábehi dósá moliungiheꞌ hawaꞌna Pueꞌ Ala. Iti miꞌi to rauliꞌ dósá.