Pilipi 3:8 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁸ Hai pelumbuꞌna hangko ionoꞌ, deꞌe-deꞌe kuisá miꞌi: hinángkáꞌna tiꞌara mobunduꞌ i kódóꞌ, láwiꞌ ara to melumbuꞌ kamaroꞌana, ia miꞌi pohintuwuꞌkuꞌ hai Pueꞌkuꞌ Kerisitu Iesu. Onoꞌ haneꞌi kukábáhá miꞌi upu-upu to kuꞌundeꞌ hangkoia, kurekeꞌ peá nodo rumpuꞌ to paraluu ratibe, bona peisá peaꞌ mohintuwuꞌ hai Kerisitu

Pilipi 3:8 Iomraidhean Croise

Lukasi 1:43

Heánáꞌaꞌ paꞌi kódóꞌ deꞌe haneꞌi io, inána Pueꞌ to kupenómbái, maiaꞌ nupombelámbiꞌá?

Lukasi 11:20

Lempóna: mampopelóhóꞌAꞌ setáꞌ hangko i kuasaꞌna Pueꞌ Ala. Hai iti miꞌi to mopatongawaꞌ Pueꞌ Ala mepárentá miꞌi i oloꞌmi.

Iohane 14:20

Ane haweꞌ tempó iti, ina niꞌisá Kódóꞌ mohintuwuꞌ hai UmáNgkuꞌ, kómu ina mohintuwuꞌ hai Kódóꞌ, hai Kódóꞌ ina mohintuwuꞌ hai kómu.

Iohane 14:7

Ane niꞌisáꞌAꞌ, niꞌisá woꞌo UmáNgkuꞌ. Mantepuꞌu deꞌe-deꞌe, niꞌisá miꞌi hai nodomokou woꞌo moita Pueꞌ Ala.”

Iohane 16:3

Upu-upu iti ina rabábehi i kómu láwiꞌ tiꞌaraheꞌ moisá UmáNgkuꞌ, tiꞌaraheꞌ woꞌo moisá kaheánáNgkuꞌ.

Iohane 17:3

To Kutunggái hai laluita ‘katueꞌ to maroꞌa to tiꞌara mokahópóꞌá’ ia miꞌi: raisá kaꞌIona peá Pueꞌ Ala to toꞌu, hai raisá woꞌo kaKódóꞌna Iesu Kerisitu to Nuhuoꞌ mai.

Iohane 17:8

Kupahaweꞌámoheꞌ upu-upu laluita to NupahaweꞌáꞌAꞌ. Laluita iti ratarima miꞌi, hai deꞌe-deꞌe raisá miꞌi kaKódóꞌna to hangko i Hio Umaꞌ. Rapoinálái miꞌi kaꞌIona to mohuoꞌAꞌ mai.

Iohane 20:13

Mekuneꞌheꞌ malaꞌeka iti i Maria, rauliꞌ, “Inaꞌ, apa riꞌi to nuteriahi?” Nahániki Maria, “Wátámandoꞌna Pueꞌkuꞌ raꞌala miꞌi hangko ieneꞌ, hai tiꞌara kuisá kaꞌiumbáꞌána rawoli.”

Iohane 20:28

Nauliꞌ Tómá, “Io miꞌi Pueꞌkuꞌ hai Pueꞌ Alangkuꞌ!”

Surona Pueꞌ Iesu 20:24

Kehapiꞌ noꞌonoꞌ, tiꞌara mpuꞌu kukahiaꞌ wátángkuꞌ, asalaꞌ peisáꞌaꞌ moparoo bágóꞌ to napoináláiáꞌaꞌ Pueꞌ Iesu. Bágóꞌkuꞌ deꞌe, mopahaweꞌ Ngkóráꞌ Marasa to mopatongawaꞌ kabulána laluna Pueꞌ Ala i kitaꞌ.

Roma 8:18

Kuisá ntepuꞌu, upu-upu kapári to talámbiꞌ i duniáꞌ deꞌe-deꞌe, hantóiꞌ mpiiꞌ peá ane tapekiri kana i peawaꞌna katueꞌtaꞌ to ina talámbiꞌ i alo to ina haweꞌ.

1 Korintu 2:2

Kupolaluita noꞌonoꞌ, láwiꞌ kupakanótó miꞌi i lalungkuꞌ, tiꞌaraꞌaꞌ ina mampolaluita to ntániꞌna, bateꞌna peá Iesu miꞌi Datu Topehómpóꞌ to rapakuꞌ i kau mombehape duuꞌna mate.

1 Korintu 9:10

ba kitaꞌ woꞌo to Natunggái? Manótó apa to teukiꞌ hangkoia iti kana woꞌo i kitaꞌ. Lempóna, tauna to mobágóꞌ hangaa-ngaa molámbiꞌheꞌ gáláꞌraꞌ hangko i pobágóꞌraꞌ. Tauna to mohawuꞌ ba to mepare, mobágóꞌheꞌ láwiꞌ mohárungáheꞌ kaꞌina molámbiꞌraꞌ gáláꞌraꞌ hangko i wuaꞌ pobágóꞌraꞌ.

2 Korintu 4:4

Tiꞌaraheꞌ mepoinálái, láwiꞌ napawuliheꞌ Datu Tokadake to mokuasaꞌi duniáꞌ deꞌe, álána tiꞌaraheꞌ moisá lempóna Ngkóráꞌ Marasa mokana i peawaꞌna tueꞌna Kerisitu, hai Kerisitu iti hibali hai Pueꞌ Ala.

2 Korintu 4:6

Pueꞌ Ala to manguliꞌ, “Hangko i kamakáindi, mewaliꞌ miꞌi mabaa!” Ia miꞌi to mopamabaa laluntaꞌ, bona taisá peawaꞌNa moliu Kerisitu.

Epesu 4:13

duuꞌna hangkani tempó ina mohintuwuꞌkeꞌ upu-upu i lalu pepoináláintaꞌ, hai ina taisá ntepuꞌu Ánáꞌna Pueꞌ Ala. Ina maróhó pepoináláintaꞌ, hai ina mewaliꞌkeꞌ nodo Kerisitu to tiꞌara ara kamakuraꞌNa.

Pilipi 1:1

Tabeá hangko i kaiꞌ Paulu hai Timotiu, huoꞌána Kerisitu Iesu. Kupakatu sura deꞌe i kómu to mepoinálái i Kerisitu Iesu to ara i kótá Pilipi, hai i tauna to mampopolumao bágóꞌna Pueꞌ i oloꞌmi, maroꞌa tadulako jemaꞌa, maroꞌa topobágóꞌna Pueꞌ. Mekakaeangkaiꞌ i Pueꞌ Ala Umántaꞌ hai Pueꞌ Iesu Kerisitu bona mowátiꞌkou hai mampoweꞌikou roꞌa ngkatueꞌ.

Pilipi 3:10

To mewaliꞌ tunggáiána katueꞌkuꞌ, bona moisá ntepuꞌuaꞌ Kerisitu. Kuꞌundeꞌ mohádiá kuasaꞌNa i lalu katueꞌkuꞌ, to nodo kuasaꞌna Pueꞌ Ala i kamampopearóNa Kerisitu hangko i kapate. Kupoinao molámbiꞌ kapári hai kapate nodo to nalámbiꞌ Iesu.

Pilipi 3:12

Halalu-halalu, tiꞌara kuꞌuliꞌ kulámbiꞌ miꞌi tunggáiángkuꞌ {duuꞌna magasaꞌmoꞌ hai tiꞌara piꞌi ara dósángkuꞌ}. Tiꞌaraꞌaꞌ wongkódóꞌá noꞌonoꞌ. Agáiáná kupári-pári bona mewaliꞌaꞌ hibali hai Kerisitu Iesu, láwiꞌ onoꞌ miꞌi tunggáiáNa mokióꞌaꞌ mewaliꞌ taunáNa.

Pilipi 3:7

Hangkoia upu-upu iti kurekeꞌ kuporasiꞌi, hai iti to kuhárungá. Agáiáná deꞌe-deꞌe kuisá miꞌi upu-upu iti tiꞌara mobunduꞌ. Bateꞌna Kerisitu to kuhárungá.

2 Timotiu 4:6

Kuisá, tiꞌara piꞌi marue katueꞌkuꞌ i duniáꞌ deꞌe; ina haweꞌ miꞌi tempóngkuꞌ. Kehapiꞌaꞌ rapapate, kupaisarenga katueꞌkuꞌ deꞌe i Pueꞌ Ala. Iti miꞌi to ina mewaliꞌ popenómbángkuꞌ i Hia.

Iberani 3:14

Mobágóꞌkeꞌ hingkakani hai Kerisitu, asalaꞌ apa to tapoinálái hangko i rungu-runguna, tatibaaꞌ ntepuꞌu duuꞌna i kahópóꞌána.

1 Peturuꞌ 2:7

I kómu to mepoinálái, watu iti mahile ntepuꞌu pobunduꞌána. Agáiáná i tauna to tiꞌara mepoinálái: “Watu to ratibe topoaró támbi, mole watu onoꞌ riꞌi to mewaliꞌ pehodaꞌá támbi.” (Sura Petóiá 118:22) Hai: “Watu iti mewaliꞌ woꞌo watu katehubeáraꞌ láwiꞌ mopakanawoꞌheꞌ.” (Iesaia 8:14-15)

2 Peturuꞌ 1:2

Tabeá! Kupembiáꞌ i Pueꞌ Ala bona tetámbái pewátiꞌ hai roꞌa ngkatueꞌ to Naweꞌikou, ánti kaniꞌisána miꞌi Pueꞌ Ala hai Iesu Pueꞌtaꞌ.

2 Peturuꞌ 1:3

Moliu kuasaꞌNa, Pueꞌ Ala mampoweꞌimokeꞌ upu-upu to taparaluu bona molámbiꞌkeꞌ katueꞌ to woꞌu hai maróhó peuláꞌtaꞌ i Hia. Naweꞌimokeꞌ upu-upu iti láwiꞌ moisá ntepuꞌumokeꞌ Pueꞌ Ala, hai Ia to mokióꞌkeꞌ mewaliꞌ ánáꞌNa ánti peawaꞌNa hai kamaroꞌana laluNa.

2 Peturuꞌ 1:8

Ane noꞌonoꞌ pambiárámi hai nitámbái oaꞌ kamaroꞌana pambiárámi, ina mobunduꞌ ntepuꞌu katueꞌmi, láwiꞌ ina niꞌisá mpiiꞌ Pueꞌtaꞌ Iesu Kerisitu.

2 Peturuꞌ 3:18

Kupembiáꞌ bona nitámbái kamaróhóna peuláꞌmi i Pueꞌtaꞌ Iesu Kerisitu, bona nihádiá ntepuꞌu kamahilena ahiꞌNa i kómu, hai nitámbái woꞌo apa to niꞌisá mokana i Topohómpóꞌ Salaꞌtaꞌ iti. Tapomahile hangaꞌNa mantepuꞌu deꞌe-deꞌe duuꞌna i rue-ruena. Ami. Hangko i kódóꞌ, PETURUꞌ

1 Iohane 1:3

Apa to kiꞌita hai kihádi miꞌi, iti to kipahaweꞌákou, bona kómu woꞌo mepoinálái hai peisákou mohintuwuꞌ hai kaiꞌ i lalu pohintuwuꞌkiꞌ hai Pueꞌ Ala Umántaꞌ hai Iesu Kerisitu ÁnáꞌNa.

1 Iohane 2:19

Rungu-runguna, ewálinaheꞌ Kerisitu iti ara i oloꞌna jemaꞌa, agáiáná katoꞌuána tiꞌaraheꞌ rángántaꞌ. Onoꞌ miꞌi haneꞌi rapálehimokeꞌ. Ane rápáꞌna hira iti toꞌu-toꞌu rángántaꞌ, kehingkakaniheꞌ oaꞌ hai kitaꞌ. Agáiáná megáákimoheꞌ hangko i kitaꞌ, mewaliꞌ tongawaꞌ ntepuꞌu katiꞌáráraꞌ tándáꞌ i kitaꞌ.

1 Iohane 5:20

Taisá woꞌo, haweꞌ miꞌi Ánáꞌna Pueꞌ Ala i duniáꞌ, hai Ia to mampoweꞌikeꞌ kanótó lalu bona moisákeꞌ Pueꞌ Ala to toꞌu. Mohintuwuꞌmokeꞌ hai Pueꞌ Ala to toꞌu ánti pohintuwuꞌtaꞌ hai Iesu Kerisitu ÁnáꞌNa. Ia miꞌi Pueꞌ Ala to toꞌu. Hangko i Hia talámbiꞌ miꞌi katueꞌ to maroꞌa to tiꞌara mokahópóꞌá.