Pilipi 3:5 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁵ I kaꞌuwaluna alona tinuwuꞌkuꞌ, ratileꞌmoꞌ mouláꞌ Paturoꞌna Musa. Kódóꞌ toIberaniaꞌ, hai toiorungkuꞌ upu-upu toIberani. Pemuleꞌánaꞌaꞌ toSáráeliꞌ hangko i toBenami. Hangko tiꞌara maniaꞌ mepoinálái i Pueꞌ Iesu, kupeuláꞌi ntepuꞌu Paturoꞌna Musa láwiꞌ kódóꞌ toParisi.

Pilipi 3:5 Iomraidhean Croise

Pewaliꞌána 14:13

Ara hadua tauna to melangka hangko i pombealaꞌá iti lao mobuáꞌ i Abura apa to pewaliꞌ. I tempó onoꞌ, Abura toIberani iti, toroꞌ hungkuꞌ i bahangapa kau to marumbu. Pueꞌna kau to marumbu iti ia miꞌi hadua toAmori to rahangaꞌ Mamere. Mamere hai halalunaheꞌ, to rahangaꞌ Esekoloꞌ hai Ane, hampohintuwuꞌna Abura.

Pewaliꞌána 17:12

Mewaliꞌ, mantepuꞌu deꞌe-deꞌe, io hai upu-upu pemuleꞌámu hangaa-ngaa motileꞌkou ánáꞌmi tobaleilo to tinuwuꞌna uwalu alona, tepasuaꞌ upu-upu tauna to raꞌánáka i katoroꞌámi, maroꞌa ánáꞌmi, maroꞌa ánáꞌna hawiꞌmi. Mogalo riꞌi hawiꞌmi to rahóló hangko i tauna ntániꞌna, hangaa-ngaa nitileꞌheꞌ woꞌo.

Pewaliꞌána 40:15

Láwiꞌ katoꞌuána, kódóꞌ hangkoia rapongkoꞌaꞌ wongkódóꞌá mai hangko i tampoꞌraꞌ toIberani, hai hungkaꞌkuꞌ ieneꞌ i tampoꞌ Másiriꞌ, tiꞌaraꞌaꞌ haweꞌ hangkani mobábehi to kadake to hintotoꞌ ratarungkuáꞌaꞌ.”

Pewaliꞌána 41:12

Ionoꞌ ara hadua ánáꞌntomoane toIberani, to ratarungku woꞌo hingkakani hai kaiꞌ. Ia hawiꞌna tadulako topokámpái támbina datu. Kituntu paturungkiꞌ i hia, hai nalempóꞌáꞌangkaiꞌ paturungkiꞌ iti.

Iunu 1:9

Nahániki Iunu, “Kódóꞌ toIberaniaꞌ. Menómbáꞌaꞌ i PUEꞌ Ala to ara i surugáꞌ, to mopaꞌara tahiꞌ hai kámárá.”

Lukasi 1:59

Gáná miꞌi haminggu tinuwuꞌna ánángkóiꞌ iti, haweꞌmoheꞌ upu-upu rángáraꞌ hai halaluraꞌ ina mobábehiheꞌ ádá petileꞌ mouláꞌ ádáraꞌ toIahudiꞌ, hai ina mohangaꞌheꞌ ánángkóiꞌ iti Sakaria, mouláꞌ hangaꞌna umána,

Lukasi 2:21

Gáná miꞌi haminggu tinuwuꞌNa, Ánángkóiꞌ iti ratileꞌ mouláꞌ ádáraꞌ toIahudiꞌ, hai rahangaꞌ Iesu mouláꞌ popahaweꞌna malaꞌeka hangko tiꞌara mani nakákáleáꞌánga ináNa.

Lukasi 5:38

Mewaliꞌ, anggoroꞌ to woꞌu hangaa-ngaa rakándó woꞌo i pemboliá to woꞌu.

Surona Pueꞌ Iesu 22:3

“Kódóꞌ deꞌe toIahudiꞌaꞌ. Wánuá karapoánákaꞌángkuꞌ, kótá Tarusu i poropensi Kilikia, agáiáná rapamahileaꞌ ieneꞌ i kótá Ierusale. Meguruaꞌ Paturoꞌna Musa hangko i Gamalie, guru mahile to rabiláꞌ ntepuꞌu. Ia mopaturoꞌaꞌ upu-upu áturá to naweꞌi Musa i toioruntaꞌ hangkoia. Maróhó ntepuꞌu pampeuláꞌingkuꞌ upu-upu áturána Pueꞌ Ala iti, hibali hai kómu deꞌe-deꞌe.

Surona Pueꞌ Iesu 23:6

Naisá miꞌi Paulu, i oloꞌraꞌ tadulako iti, araheꞌ to mouláꞌ paturoꞌraꞌ toSaduki, araheꞌ woꞌo to mouláꞌ paturoꞌraꞌ toParisi. Onoꞌ miꞌi haneꞌi ia molaluita i upu-upu Topepáresáꞌ Mahile, napasimbuku nauliꞌ, “Halalu-halalu! Kódóꞌ deꞌe toParisiaꞌ, hai pemuleꞌánaꞌaꞌ woꞌo toParisi. Onoꞌ miꞌi haneꞌi rapáresáꞌ kárá-kárángkuꞌ ieneꞌ, láwiꞌ kupoinálái, tauna to mate bateꞌna ina tueꞌ huleꞌ!”

Surona Pueꞌ Iesu 6:1

Kamarue-rueá katetátámbáiá oaꞌ tauna to meuláꞌ i Iesu. I tempó iti, upu-upu tauna to mepoinálái i Iesu, toIahudiꞌ peá, agáiáná hantángáꞌheꞌ to mobásá Iberani ba básá Árá, hai hantángáꞌheꞌ woꞌo to mobásá Iunani. To mobásá Iunani, mohume-humeheꞌ mosalaꞌi rángáraꞌ to mobásá Iberani, láwiꞌ tobembaꞌ towawine to mobásá Iunani, tiꞌaraheꞌ molámbiꞌ gáláꞌraꞌ alo-alona.

Roma 11:1

Mewaliꞌ, kupekuneꞌ: {ánti pesápuákaraꞌ toSáráeliꞌ i Pueꞌ Ala} ba Pueꞌ Ala mosápuákaꞌangkaiꞌ woꞌo upu-upu toSáráeliꞌ? Tiꞌara! {Tongawaꞌ hangko i katueꞌkuꞌ haduduángkuꞌ.} Kódóꞌ deꞌe toSáráeliꞌaꞌ, pemuleꞌánaꞌaꞌ Burahima hangko i toBenami, {ánáꞌna Iako, hai kódóꞌ deꞌe napileꞌi Pueꞌ Ala mewaliꞌ huoꞌáNa}.

2 Korintu 11:22

Ane rauliꞌi guru iti toIberaniheꞌ, kódóꞌ woꞌo toIberaniaꞌ! Ba rauliꞌ hira iti toSáráeliꞌ, kódóꞌ woꞌo toSáráeliꞌaꞌ. Noꞌonoꞌ woꞌo ane rauliꞌi hira pemuleꞌánaheꞌ Burahima, kódóꞌ woꞌo pemuleꞌánaꞌaꞌ Burahima.