Pilipi 3:3 - Sura Magasaꞌ: Bahangapa sura Pototowiá to Sae hai Pototowiá to Woꞌu

³ Agáiáná katoꞌuána kitaꞌ riꞌi to manótó i peitána Pueꞌ Ala, nodokeꞌ to ratileꞌ, láwiꞌ Inaona Pueꞌ Ala to moteteꞌmokeꞌ bona peisákeꞌ menómbá i Pueꞌ Ala hai mampomahile Kerisitu Iesu. Tiꞌarakeꞌ mehárungá i ádá to rabábehi peá tauna, ba bábehiántaꞌ haduduántaꞌ, {láwiꞌ tiꞌara iti to moántikeꞌ i katehómpóꞌ}.

Pilipi 3:3 Iomraidhean Croise

Roma 1:9

Hangko i lalungkuꞌ ntepuꞌu mampopolumaoaꞌ bágóꞌ to naweꞌiaꞌ Pueꞌ Ala. Bágóꞌkuꞌ iti, mopahaweꞌ Ngkóráꞌ Marasa mokana i ÁnáꞌNa. Hai Pueꞌ Ala moisá ntepuꞌu lalungkuꞌ. Naisá kakukábeláimi oaꞌ i lalu pekakaengkuꞌ.

Roma 15:17

Ánti pohintuwuꞌkuꞌ hai Kerisitu Iesu, góeꞌ ntepuꞌu lalungkuꞌ mampopolumao bágóꞌ to naweꞌiaꞌ Pueꞌ Ala.

Roma 7:6

Agáiáná deꞌe-deꞌe, tekábáhámokeꞌ hangko i Paturoꞌna Musa to motakaꞌkeꞌ hangkoia, láwiꞌ matemokeꞌ hingkakani hai Kerisitu. Mewaliꞌ, tiꞌarapokeꞌ mouláꞌ rárá to sae hai mouláꞌ áturá-áturá to teukiꞌ bona peisákeꞌ mampeuláꞌi peundeꞌána Pueꞌ Ala. Ngkáliꞌna riꞌi deꞌe-deꞌe, mouláꞌkeꞌ rárá to woꞌu hai kuasaꞌna Inao to Magasaꞌ mokale i laluntaꞌ bona peisákeꞌ mengkoruꞌ i Pueꞌ Ala.

Roma 8:15

Hangkoia, napohawiꞌkou dósá, onoꞌ miꞌi haneꞌi mampokalááꞌkou pehukuna Pueꞌ Ala. Agáiáná deꞌe-deꞌe nitarima miꞌi Inao to Magasaꞌ, onoꞌ miꞌi haneꞌi tiꞌarapokou paraluu malááꞌ, láwiꞌ Inao to Magasaꞌ iti to mampopewaliꞌkou ánáꞌna Pueꞌ Ala. Hai ánti pokalena Inao to Magasaꞌ, peisámokeꞌ mekióꞌ “Umaꞌ” i Pueꞌ Ala.

Roma 9:6

Mewaliꞌ ineeꞌ riꞌi nipekiri dándina Pueꞌ Ala i toSáráeliꞌ mbero-mbero. Tiꞌara! Bateꞌna tebukeki, láwiꞌ hangko i oloꞌraꞌ pemuleꞌána Sáráeliꞌ, tiꞌaraheꞌ upu-upu rapileꞌi mewaliꞌ taunána Pueꞌ Ala.

2 Korintu 11:18

Handaꞌ tauna mampepemahile mokana i katueꞌraꞌ i duniáꞌ deꞌe. Mewaliꞌ deꞌe-deꞌe kódóꞌ woꞌo ina motóiáꞌaꞌ wátángkuꞌ haduduángkuꞌ.

Galatia 5:25

Hai Inao to Magasaꞌ mampoweꞌimokeꞌ katueꞌ to woꞌu, onoꞌ miꞌi haneꞌi hangaa-ngaa tapeuláꞌi ntepuꞌu peundeꞌáNa.

Galatia 6:16

I lalu pekakaengkuꞌ, kupembiáꞌ bona Pueꞌ Ala moweꞌikou roꞌa ngkatueꞌ hai mopatongawaꞌ ahiꞌNa i upu-upu tauna to mampeuláꞌi paturoꞌ deꞌe to mewaliꞌmoheꞌ taunáNa.

Epesu 6:18

Hangaa-ngaa mekakaekou oaꞌ membiáꞌ róhó hangko i Pueꞌ Ala. I pákáꞌ-pákáꞌna, mekakaekou mouláꞌ peteteꞌna Inao to Magasaꞌ. Ineeꞌkou luleꞌ mekakae. Hangaa-ngaa nipekakaeá oaꞌ upu-upu tauna to mepoinálái i Pueꞌ Iesu.

Pilipi 1:1

Tabeá hangko i kaiꞌ Paulu hai Timotiu, huoꞌána Kerisitu Iesu. Kupakatu sura deꞌe i kómu to mepoinálái i Kerisitu Iesu to ara i kótá Pilipi, hai i tauna to mampopolumao bágóꞌna Pueꞌ i oloꞌmi, maroꞌa tadulako jemaꞌa, maroꞌa topobágóꞌna Pueꞌ. Mekakaeangkaiꞌ i Pueꞌ Ala Umántaꞌ hai Pueꞌ Iesu Kerisitu bona mowátiꞌkou hai mampoweꞌikou roꞌa ngkatueꞌ.

Pilipi 3:12

Halalu-halalu, tiꞌara kuꞌuliꞌ kulámbiꞌ miꞌi tunggáiángkuꞌ {duuꞌna magasaꞌmoꞌ hai tiꞌara piꞌi ara dósángkuꞌ}. Tiꞌaraꞌaꞌ wongkódóꞌá noꞌonoꞌ. Agáiáná kupári-pári bona mewaliꞌaꞌ hibali hai Kerisitu Iesu, láwiꞌ onoꞌ miꞌi tunggáiáNa mokióꞌaꞌ mewaliꞌ taunáNa.

Kolose 2:11

Ánti pohintuwuꞌmi hai Kerisitu, nodokou to ratileꞌ. Karatileꞌmi iti, tiꞌara riꞌi petileꞌ to nabábehi tauna i wátámi, agáiáná petileꞌ to nabábehi Kerisitu, lempóna, Ia mowehángi miꞌi kuasaꞌ dósá hangko i lalumi.

Iudasiꞌ 1:20

Agáiáná kómu halalu-halalu to kupokaꞌahiꞌ! Pueꞌ Ala mampokaꞌahiꞌkou. Mewaliꞌ hangaa-ngaa nibuhinao oaꞌ kamaꞌahiꞌNa iti. Mekakaekou oaꞌ mouláꞌ peteteꞌna Inao to Magasaꞌ. Nipakaróhó pepoináláimi to magasaꞌ, bona pepoináláimi iti mewaliꞌ ntóáꞌna katueꞌmi. Hai mehárungákou oaꞌ i kaꞌina molámbiꞌmi katueꞌ to maroꞌa to tiꞌara mokahópóꞌá i kahaweꞌáNa huleꞌ Pueꞌtaꞌ Iesu Kerisitu. Mahile ahiꞌNa i kómu.