Pilipi 3:2 - Sura Magasaꞌ: Bahangapa sura Pototowiá to Sae hai Pototowiá to Woꞌu

² Maingáꞌ-ingáꞌkou bona tiꞌarakou rapakanawoꞌ tauna to moánti paturoꞌ to salaꞌ. Paturoꞌraꞌ ina mopakarugiꞌ pepoináláimi. Nodoheꞌ tauna to tiꞌara mepoinálái i Iesu. Hira to mopári-párikou bona ratileꞌ mouláꞌ Paturoꞌna Musa, {láwiꞌ mouláꞌ paturoꞌraꞌ, iti to mopakanótókeꞌ i peitána Pueꞌ Ala}.

Pilipi 3:2 Iomraidhean Croise

Matiu 24:10

Handaꞌ tauna ina mosápuáka peuláꞌraꞌ i Kódóꞌ. Ara to ina mohuhuꞌ halalu hampepepoináláiraꞌ i ewáliraꞌ, hai handaꞌ tauna to ina mombekáhihiꞌ.

Matiu 7:15

“Maingáꞌ-ingáꞌkou i nabiꞌ-nabiꞌ to moánti laluita to salaꞌ. Rauliꞌ laluitaraꞌ hangko i Pueꞌ Ala, mole riꞌi tiꞌara. Haweꞌheꞌ i oloꞌmi nodoheꞌ dimbá, mole riꞌi hira nodoheꞌ serigala to maseke.

Matiu 7:6

Roo onoꞌ, Iesu mopahaweꞌ ngkóráꞌ pándiriꞌ deꞌe, Nauliꞌ, “Ineeꞌkou mampoweꞌi pandeꞌ to maroꞌa i ahu, láwiꞌ ahu iti ina menggoli peá moharaꞌkou. Hai ineeꞌkou mampoweꞌi mutiara to masuliꞌ i boeꞌ, láwiꞌ boeꞌ ina mopangka-pangka mbero peá mutiara iti.”

Roma 2:28

ToIahudiꞌ ratileꞌ mouláꞌ Paturoꞌna Musa, agáiáná karatileꞌraꞌ iti ia miꞌi ádá to rabábábehi peá i wátáraꞌ hai i rawa peá. Tiꞌaraheꞌ mewaliꞌ taunána Pueꞌ Ala ánti ádá petileꞌ iti.

2 Korintu 11:13

Tauna to noꞌonoꞌ, hira miꞌi suro to mepakanawoꞌ láwiꞌ mebagiuꞌheꞌ. Hira mobágóꞌheꞌ i oloꞌmi hai rauliꞌ kahirana surona Kerisitu, mole modongkoꞌheꞌ!

Galatia 5:13

Tunggáiána Pueꞌ Ala mokióꞌkou halalu-halalu, bona tekábáhákou. Agáiáná ineeꞌ niuliꞌ node: “Ane tekábáhá mpuꞌukeꞌ hangko i áturá-áturá to teukiꞌ i Paturoꞌna Musa, peisákeꞌ mobábehi ba apa peá mouláꞌ peundeꞌántaꞌ.” Ngkáliꞌna riꞌi hangaa-ngaa mombepokaꞌahiꞌkou hai mombetulungikou hadua hai hadua.

Galatia 5:15

Agáiáná ane mosisalaꞌkou hai mombepokóiꞌ inao, maingáꞌ-ingáꞌkou láwiꞌ ina marugiꞌkou.

Galatia 5:6

Ane mohintuwuꞌkeꞌ hai Kerisitu Iesu, tiꞌara ádá petileꞌ to paraluu, agáiáná to paraluu ntepuꞌu ia miꞌi pepoinálái to tongawaꞌ i kamaꞌahiꞌtaꞌ i hángká rángántaꞌ.

Pilipi 3:19

Tauna to noꞌonoꞌ bateꞌraꞌ ina molámbiꞌ pehuku i lalu naraka. Nakuasaꞌiheꞌ peundeꞌána wátáraꞌ haduduáraꞌ. Mampomahile peheꞌ bábehiáraꞌ to mepakahiliá, hai mopaioru peheꞌ katueꞌraꞌ i duniáꞌ deꞌe.

Pilipi 3:3

Agáiáná katoꞌuána kitaꞌ riꞌi to manótó i peitána Pueꞌ Ala, nodokeꞌ to ratileꞌ, láwiꞌ Inaona Pueꞌ Ala to moteteꞌmokeꞌ bona peisákeꞌ menómbá i Pueꞌ Ala hai mampomahile Kerisitu Iesu. Tiꞌarakeꞌ mehárungá i ádá to rabábehi peá tauna, ba bábehiántaꞌ haduduántaꞌ, {láwiꞌ tiꞌara iti to moántikeꞌ i katehómpóꞌ}.

1 Timotiu 1:19

Hangaa-ngaa tetidaꞌkoꞌ i lalu pepoináláimu, hai nubábehi oaꞌ bábehiá to maroꞌa to mentóáꞌ hangko i kabulána lalumu. Ara bahangapa tauna to tiꞌarapoheꞌ noꞌonoꞌ, álána laluraꞌ tiꞌara piꞌi magasaꞌ, hai pepoináláiraꞌ mbero-mbero peá,

Titu 1:16

Rauliꞌ, moisáheꞌ Pueꞌ Ala, agáiáná bábehiáraꞌ tiꞌara hiolaꞌ hai apa to rauliꞌ iti. Metitidiꞌi bábehiáraꞌ. Mosápuákaheꞌ Pueꞌ Ala hai tiꞌaraheꞌ mau mengkoruꞌ i Hia. Tiꞌara woꞌo rabuku mobábehi apa to maroꞌa.

2 Peturuꞌ 2:22

Ara laluita to manguliꞌ node: “Ahu mandeꞌ huleꞌ bólána, hai boeꞌ to radói lao mentumbá huleꞌ i regeꞌ.” Hintotoꞌ ntepuꞌu tauna iti rapándiriꞌ hai laluita iti, láwiꞌ mokábáhámoheꞌ bábehiáraꞌ to kadake, agáiáná rabábehi peá huleꞌ.

Iudasiꞌ 1:4

Kuꞌukiꞌ upu-upu deꞌe láwiꞌ araheꞌ tauna to menggalo i oloꞌmi to moánti paturoꞌ to salaꞌ. Rauliꞌ tauna iti toSaraniheꞌ, agáiáná katoꞌuána tiꞌaraheꞌ mengkoruꞌ i Pueꞌ Ala. Tongawaꞌ katiꞌáráraꞌ mengkoruꞌ i Pueꞌ Ala, láwiꞌ mampopobunduꞌraheꞌ kamaroꞌana Pueꞌ Ala bona mobábehiheꞌ bábehiá to kadake. Salaꞌ ntepuꞌuheꞌ, láwiꞌ mosápuákaheꞌ Pueꞌtaꞌ Iesu Kerisitu to makuasaꞌ mopárentákeꞌ. Tiꞌaraheꞌ mengkoruꞌ i Hia, mole Ia peá to hintotoꞌ tapengkoruꞌi. Tauna to mepakanawoꞌ iti, ina rahukuheꞌ, hai hukuraꞌ iti napakanótó miꞌi ami Pueꞌ Ala.

Pampetudeꞌá 2:9

Nauliꞌ: Kuisá kapári to morampekou ánti karapopeahiahiꞌmi, hai Kuisá kameahiahiꞌmi, agáiáná katoꞌuána pebukukou i lalu pepoináláimi. Kuisá noumbá karasalaꞌimi tauna to manguliꞌ katoIahudiꞌraꞌ. Agáiáná katoꞌuána, i laluraꞌ tiꞌaraheꞌ toIahudiꞌ, mole topegurunaraheꞌ Datu Tokadake.

Pampetudeꞌá 21:8

Agáiáná tauna to malááꞌheꞌ meuláꞌ i Kódóꞌ, tauna to tiꞌaraheꞌ mepoinálái i Kódóꞌ, tauna to kadake ntepuꞌu bábehiáraꞌ, topepapate, topobábehi to metitidiꞌi, topedoti, topenómbá i lenggeꞌ ánitu, hai topodongkoꞌ, bateꞌraꞌ ina rahuku upu-upu i lalu tahiꞌ api belerang to roreꞌ ntepuꞌu. Iti miꞌi to rauliꞌ kapate to karongkánina.”

Pampetudeꞌá 22:15

Agáiáná tauna to kadake, topedoti, to mobábehi bábehiá to metitidiꞌi, topepapate, topenómbá i lenggeꞌ ánitu, topodongkoꞌ, hai tauna to mampokagóeꞌ podongkoꞌraꞌ, tiꞌaraheꞌ ina rapaliu mesuaꞌ i lalu kótá iti. Toroꞌ peheꞌ i rawa.

Pampetudeꞌá 3:9

Araheꞌ tauna i oloꞌmi to manguliꞌ kahiraraꞌ toIahudiꞌ, agáiáná modongkoꞌheꞌ, láwiꞌ i laluraꞌ, tiꞌaraheꞌ toIahudiꞌ, topegurunaraheꞌ Datu Tokadake. Tauna iti, ina Kuánti mai i kómu, bona molingkuduheꞌ i lindoꞌmi, hai ina raisá kaKódóꞌna to mampokaꞌahiꞌkou.