Pilipi 3:16 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁶ To hangaa-ngaa tapaioru ia miꞌi pampeuláꞌintaꞌ peundeꞌána Pueꞌ Ala bona hiolaꞌ hai apa to taisá miꞌi.

Pilipi 3:16 Iomraidhean Croise

Roma 12:16

Hangaa-ngaa hintuwuꞌmokou hai upu-upu tauna. Ineeꞌkou mampepemahile, ngkáliꞌna riꞌi timamakou mampopolumao bágóꞌ nodo to rabágóꞌ tauna to i wóiꞌ tueꞌraꞌ, hai ineeꞌkou mampe to mapánde.

Roma 15:5

Pueꞌ Ala to motulungikeꞌ bona mantahakeꞌ i lalu kapári, hai Ia to mopakaróhó laluntaꞌ. Mekakaeaꞌ i Hia bona mohintuwuꞌkou hadua hai hadua mouláꞌ peundeꞌána Kerisitu Iesu,

Galatia 5:7

Hangkoia, maroꞌa pampeuláꞌimi Ngkóráꞌ Marasa. Mewaliꞌ, moapa riꞌi haneꞌi tiꞌara piꞌi nipeuláꞌi paturoꞌ to toꞌu iti? Heánáraheꞌ to mobáliki pekirimi moliu paturoꞌraꞌ?

Galatia 6:16

I lalu pekakaengkuꞌ, kupembiáꞌ bona Pueꞌ Ala moweꞌikou roꞌa ngkatueꞌ hai mopatongawaꞌ ahiꞌNa i upu-upu tauna to mampeuláꞌi paturoꞌ deꞌe to mewaliꞌmoheꞌ taunáNa.

Pilipi 1:27

Mewaliꞌ halalu-halalu, to hangaa-ngaa nipaioru ia miꞌi, bábehiámi hangaa-ngaa hintotoꞌ hai bábehiána tauna to mepoinálái i Ngkóráꞌ Marasa kana i Kerisitu. Hangaa-ngaa nibábehi noꞌonoꞌ, bona ane mohidupaꞌ manikeꞌ ba tiꞌara, bateꞌna ina kuisá pohintuwuꞌmi i lalu pobágóꞌmi mopahaweꞌ Ngkóráꞌ Marasa to mopaꞌara pepoinálái to maróhó.

Pilipi 2:2

Onoꞌ miꞌi haneꞌi kupembiáꞌ bona mohintuwuꞌkou hadua hai hadua, mombepokaꞌahiꞌ ntepuꞌukou, nipahambuaꞌ lalumi, hai nipahibali tunggáiámi. Ane nibábehi noꞌonoꞌ, ina góeꞌ ntepuꞌuaꞌ.

Pilipi 4:2

Halalungkuꞌ Euodia hai Sintike! Kupembiáꞌ bona mohintuwuꞌmokou huleꞌ nodo to hintotoꞌ i tauna to mepoinálái i Pueꞌ.

Kolose 2:6

Halalu-halalu, ánti kanitarimana miꞌi Kerisitu Iesu mewaliꞌ Pueꞌmi, bábehiámi alo-alona hangaa-ngaa hiolaꞌ hai peundeꞌáNa, láwiꞌ mohintuwuꞌmokou hai Ia.

Kolose 4:2

Mekakaekou oaꞌ, hai ane mekakaekou, hangaa-ngaa hangko i lalumi ntepuꞌu, hai hangaa-ngaa niuliꞌ handaꞌ kamaroꞌana i Pueꞌ Ala.

Pampetudeꞌá 3:3

Mewaliꞌ Kuhángáꞌáꞌákou: hangaa-ngaa nibuhinao paturoꞌ to nihádi hai to nitarima miꞌi hangkoia. Hangaa-ngaa nipeuláꞌi apa to rapaturoꞌákou, hai menosoꞌkou hangko i dósámi. Maingáꞌ-ingáꞌkou, láwiꞌ ane tiꞌarakou pempaa, tiꞌara ina niꞌisá kaimpirána kahaweꞌKuꞌ. Kódóꞌ ina maiAꞌ mampohidupaꞌákou i tempó to tiꞌara niꞌisá, nodo kahaweꞌna topanako.