Pilipi 3:12 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹² Halalu-halalu, tiꞌara kuꞌuliꞌ kulámbiꞌ miꞌi tunggáiángkuꞌ {duuꞌna magasaꞌmoꞌ hai tiꞌara piꞌi ara dósángkuꞌ}. Tiꞌaraꞌaꞌ wongkódóꞌá noꞌonoꞌ. Agáiáná kupári-pári bona mewaliꞌaꞌ hibali hai Kerisitu Iesu, láwiꞌ onoꞌ miꞌi tunggáiáNa mokióꞌaꞌ mewaliꞌ taunáNa.

Pilipi 3:12 Iomraidhean Croise

Matiu 5:48

Mewaliꞌ kómu, {rárá katueꞌmi hangaa-ngaa montaniꞌ hangko i rárá katueꞌraꞌ tauna ntániꞌna}. Hangaa-ngaa nibábehi oaꞌ peundeꞌána Pueꞌ Ala hangko i lalumi ntepuꞌu, láwiꞌ Umámi to ara i surugáꞌ mopatongawaꞌ oaꞌ kamaꞌahiꞌNa i upu-upu tauna, hai tiꞌara ara kamakuraꞌNa.”

Surona Pueꞌ Iesu 9:15

Nauliꞌ wopiꞌi Pueꞌ Iesu i Anania, “Hangaa-ngaa laokoꞌ, láwiꞌ Saulu iti, Kutunggái miꞌi Kupileꞌi mewaliꞌ topobágóꞌKuꞌ. Ia ina mopahaweꞌ hangaꞌKuꞌ i toSáráeliꞌ hai i tauna ntániꞌna haweꞌ-haweꞌ woꞌo i datu.

1 Korintu 13:10

Agáiáná ane haweꞌ miꞌi tempóna Pueꞌ Ala mampopeawaꞌ upu-upuna, upu-upu to ara mani kamakuraꞌna, tiꞌara piꞌi ina ara.

1 Korintu 13:12

Deꞌe-deꞌe, nodokeꞌ tauna to mepampewaio to tiꞌara makaaꞌ, láwiꞌ tiꞌara mani taisá upu-upuna i katoꞌu-toꞌuána. Agáiáná i alo to ina haweꞌ, ina taisá miꞌi upu-upuna, láwiꞌ ina mampombelindoꞌákeꞌ Pueꞌ Ala. Deꞌe-deꞌe, makuraꞌ mani kakuisána Pueꞌ Ala, agáiáná i alo to ina haweꞌ, ina kuisá ntepuꞌu Pueꞌ Ala nodo woꞌo Ia moisáꞌaꞌ.

1 Korintu 9:24

Halalu-halalu, niꞌisá ane tauna momberipoꞌ, handaꞌ tauna to melangka, agáiáná hadua peá to molámbiꞌ parasee. Kómu woꞌo peisá rapándiriꞌ nodo tauna to momberipoꞌ: hangaa-ngaa nipári-pári mampeuláꞌi peundeꞌána Pueꞌ Ala bona molámbiꞌkou háwángina.

2 Korintu 13:9

Góeꞌ lalungkiꞌ ane kaiꞌ to maledeꞌ, hai kómu to maróhó. Hai iti miꞌi to kipekakaeá, bona tiꞌara mpuꞌu ara kamakuraꞌmi i pepoináláimi.

2 Korintu 7:1

Mewaliꞌ, halalungkuꞌ to kupokaꞌahiꞌ, ánti kanaweꞌintaꞌ Pueꞌ Ala dándiNa iti, onoꞌ miꞌi haneꞌi hangaa-ngaa takábáhá hinángkáꞌna to mopakadakekeꞌ, maroꞌa i wátántaꞌ, maroꞌa i laluntaꞌ. Hangaa-ngaa tapeuláꞌi peundeꞌána Pueꞌ Ala hangko i laluntaꞌ ntepuꞌu, hai hangaa-ngaa malááꞌkeꞌ mobábehi apa peá to tiꞌara hintotoꞌ hai peundeꞌáNa.

Galatia 5:17

Láwiꞌ peundeꞌána laluntaꞌ haduduántaꞌ tiꞌara hiolaꞌ hai peundeꞌána Inao to Magasaꞌ. Ane tauláꞌ to hampákáꞌ iti, tiꞌarakeꞌ peisá mouláꞌ to ntániꞌna. Ane tauláꞌ peundeꞌána laluntaꞌ haduduántaꞌ, tiꞌara tabábehi apa to maroꞌa mouláꞌ peundeꞌána Inao to Magasaꞌ; hai ane tauláꞌ peundeꞌána Inao to Magasaꞌ, tiꞌara ina tabábehi apa peá to taundeꞌ.

Epesu 1:4

Hangko tiꞌara mani Napopewaliꞌ duniáꞌ deꞌe, Napileꞌimokeꞌ bona mohintuwuꞌkeꞌ hai Kerisitu, haneꞌikeꞌ mewaliꞌ taunáNa to magasaꞌ to tiꞌara ara salaꞌtaꞌ i peitáNa.

Epesu 4:12

Nagáláꞌ-gáláꞌ mampopengaa kapánde iti bona kitaꞌ to mepoinálái peisá mampopolumao bágóꞌ to naweꞌikeꞌ Pueꞌ. Láwiꞌ ane iti to tabábehi, kitaꞌ to rauliꞌ Wátána Kerisitu ina tetámbái kamaróhóna pepoináláintaꞌ,

Pilipi 1:1

Tabeá hangko i kaiꞌ Paulu hai Timotiu, huoꞌána Kerisitu Iesu. Kupakatu sura deꞌe i kómu to mepoinálái i Kerisitu Iesu to ara i kótá Pilipi, hai i tauna to mampopolumao bágóꞌna Pueꞌ i oloꞌmi, maroꞌa tadulako jemaꞌa, maroꞌa topobágóꞌna Pueꞌ. Mekakaeangkaiꞌ i Pueꞌ Ala Umántaꞌ hai Pueꞌ Iesu Kerisitu bona mowátiꞌkou hai mampoweꞌikou roꞌa ngkatueꞌ.

Pilipi 3:16

To hangaa-ngaa tapaioru ia miꞌi pampeuláꞌintaꞌ peundeꞌána Pueꞌ Ala bona hiolaꞌ hai apa to taisá miꞌi.

Pilipi 3:3

Agáiáná katoꞌuána kitaꞌ riꞌi to manótó i peitána Pueꞌ Ala, nodokeꞌ to ratileꞌ, láwiꞌ Inaona Pueꞌ Ala to moteteꞌmokeꞌ bona peisákeꞌ menómbá i Pueꞌ Ala hai mampomahile Kerisitu Iesu. Tiꞌarakeꞌ mehárungá i ádá to rabábehi peá tauna, ba bábehiántaꞌ haduduántaꞌ, {láwiꞌ tiꞌara iti to moántikeꞌ i katehómpóꞌ}.

Pilipi 3:8

Hai pelumbuꞌna hangko ionoꞌ, deꞌe-deꞌe kuisá miꞌi: hinángkáꞌna tiꞌara mobunduꞌ i kódóꞌ, láwiꞌ ara to melumbuꞌ kamaroꞌana, ia miꞌi pohintuwuꞌkuꞌ hai Pueꞌkuꞌ Kerisitu Iesu. Onoꞌ haneꞌi kukábáhá miꞌi upu-upu to kuꞌundeꞌ hangkoia, kurekeꞌ peá nodo rumpuꞌ to paraluu ratibe, bona peisá peaꞌ mohintuwuꞌ hai Kerisitu

1 Tesalonika 5:15

Ane arai to mobábehi to kadake i kómu, ineeꞌ niháwángi, ngkáliꞌna riꞌi hangaa-ngaa nibábehi oaꞌ to maroꞌa i halalumi iti hai i upu-upu tauna.

2 Tesalonika 2:13

Halalu-halalu to napokaꞌahiꞌ Pueꞌ. Hintotoꞌ ntepuꞌu kiuliꞌ oaꞌ handaꞌ kamaroꞌana i Pueꞌ Ala ánti kakómuna, láwiꞌ hangko tiꞌara mani Napopewaliꞌ duniáꞌ deꞌe, Pueꞌ Ala mopileꞌimokou. Napileꞌimokou bona tehómpókikou hangko i huku dósámi, moliu kuasaꞌna Inao to Magasaꞌ mampopewaliꞌkou taunána Pueꞌ Ala to magasaꞌ, hai Nahómpókikou woꞌo ánti pepoináláimi i Ngkóráꞌ Marasa to toꞌu.

1 Timotiu 5:10

Hangaa-ngaa nipáresáꞌheꞌ sieruꞌ: Ba manótó bábehiána? Ba ia mokádipurá maroꞌa ánáꞌna? Ba ia bulá laluna motarima torare i támbina? Ba ia motulungi halalu hampepepoináláina? Ba ia mokádipurá tauna to i lalu kapári? Ba ia timama oaꞌ mobábehi upu-upu to maroꞌa?

1 Timotiu 6:19

Láwiꞌ ane onoꞌ rabábehi, nodoheꞌ mowoli párewá to maroꞌa i lalu surugáꞌ, hai bateꞌna ina molámbiꞌheꞌ katueꞌ to maroꞌa ntepuꞌu hingkakani hai Pueꞌ Ala.

Iberani 12:14

Hangaa-ngaa nipári-pári bona mohintuwuꞌkou hai upu-upu tauna, hai nipári-pári woꞌo bona magasaꞌ tueꞌmi, láwiꞌ tauna to tiꞌara magasaꞌ tueꞌraꞌ, tiꞌaraheꞌ ina moita Pueꞌ Ala.

Iberani 12:23

Haweꞌmokou i posusáraꞌ upu-upu ánáꞌ towutuꞌ, to teukiꞌ hangaꞌraꞌ i lalu surugáꞌ. Haweꞌmokou i Pueꞌ Ala to mohoda-hoda kárá-káráraꞌ upu-upu tauna. Moromumokou hai tauna to marue miꞌi mate to manótó bábehiáraꞌ hangkoia hai to rapamagasaꞌmoheꞌ i peitána Pueꞌ Ala.

Iberani 13:21

Kupembiáꞌ bona Naweꞌikou upu-upu to maroꞌa, bona peisákou mampeuláꞌi peundeꞌáNa. Kupembiáꞌ bona moliu kuasaꞌna Iesu Kerisitu, Pueꞌ Ala mokale i lalumi duuꞌna apa to nibábehi ina mopagóeꞌ ntepuꞌu Pueꞌ Ala. Tatóiá miꞌi Pueꞌ Iesu duuꞌna i rue-ruena. Ami.

Iakobu 3:2

Pakakeꞌ mobábehi salaꞌ. Heáná tauna to tiꞌara mobábehi salaꞌ i polaluitana, ia to manginao miꞌi hai peisá mokuasaꞌi pekirina hai bábehiána i upu-upuna.

1 Peturuꞌ 5:10

Hai ane maliu miꞌi kapári to hampaiꞌ peá iti, Pueꞌ Ala ina mopagánái apa to makuraꞌ mani i lalu katueꞌmi. Lempóna, Ia ina mopakaróhó woꞌo pepoináláimi, mopakanótó katueꞌmi hai mopatetidaꞌ lalumi. Láwiꞌ Pueꞌ Ala Ia miꞌi pentóáꞌána upu-upu ahiꞌ. Ia to mopileꞌikou mewaliꞌ ánáꞌNa, bona ánti pohintuwuꞌmi hai Kerisitu Iesu, ina molámbiꞌkou gáláꞌmi i lalu peawaꞌNa to tiꞌara mokahópóꞌá.

2 Peturuꞌ 3:18

Kupembiáꞌ bona nitámbái kamaróhóna peuláꞌmi i Pueꞌtaꞌ Iesu Kerisitu, bona nihádiá ntepuꞌu kamahilena ahiꞌNa i kómu, hai nitámbái woꞌo apa to niꞌisá mokana i Topohómpóꞌ Salaꞌtaꞌ iti. Tapomahile hangaꞌNa mantepuꞌu deꞌe-deꞌe duuꞌna i rue-ruena. Ami. Hangko i kódóꞌ, PETURUꞌ