Pilipi 3:11 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹¹ Kupoinao upu-upu iti mewaliꞌ bona kódóꞌ woꞌo ina tueꞌaꞌ huleꞌ hangko i kapate.

Pilipi 3:11 Iomraidhean Croise

Lukasi 14:14

Ane noꞌonoꞌ bábehiámu, ina nawátiꞌkoꞌ Pueꞌ Ala ánti katiꞌárána rabuku tauna iti moháwángi bábehiámu iti. Pueꞌ Ala to ina moháwángi i katueꞌraꞌ huleꞌ upu-upu tauna to manótó i peitáNa.”

Iohane 11:24

Nauliꞌ Marita, “Kuisánto kaꞌina tueꞌna huleꞌ i alo pobutusi i kahópóꞌána duniáꞌ, i karapopearóraꞌ upu-upu tauna to mate.”

Surona Pueꞌ Iesu 23:6

Naisá miꞌi Paulu, i oloꞌraꞌ tadulako iti, araheꞌ to mouláꞌ paturoꞌraꞌ toSaduki, araheꞌ woꞌo to mouláꞌ paturoꞌraꞌ toParisi. Onoꞌ miꞌi haneꞌi ia molaluita i upu-upu Topepáresáꞌ Mahile, napasimbuku nauliꞌ, “Halalu-halalu! Kódóꞌ deꞌe toParisiaꞌ, hai pemuleꞌánaꞌaꞌ woꞌo toParisi. Onoꞌ miꞌi haneꞌi rapáresáꞌ kárá-kárángkuꞌ ieneꞌ, láwiꞌ kupoinálái, tauna to mate bateꞌna ina tueꞌ huleꞌ!”

Surona Pueꞌ Iesu 26:7

Dándina iti rapoinálái woꞌo upu-upu halaluntaꞌ toIahudiꞌ to hampuloꞌ hai rontina to mengkoruꞌ i Pueꞌ Ala. Datu to kubiláꞌ, ánti pehárungángkuꞌ iti, onoꞌ miꞌi haneꞌi rasalaꞌiaꞌ toIahudiꞌ.

Surona Pueꞌ Iesu 27:12

Mewaliꞌ, ánti katiꞌárána maroꞌa mampegiá kaliuna tempó lengiꞌ i pehupeꞌá iti, onoꞌ miꞌi haneꞌi handaꞌ tauna membiáꞌ bona pohuꞌangkaiꞌ. Rahárungá peisáꞌangkaiꞌ haweꞌ i kótá Peniꞌ, mampegiá kaliuna tempó lengiꞌ. Peniꞌ iti ia miꞌi pehupeꞌá duanga tahiꞌ i puló Kereta to maroꞌa rapehupeꞌi i tempó lengiꞌ, láwiꞌ teháláꞌ hantóiꞌ hangko i wui to hangko i katámpuá alo tándáꞌ i wóiꞌ hai tándáꞌ i wongko.

Roma 11:14

láwiꞌ kuhárungá kaꞌina áráraꞌ hangka toIahudiꞌkuꞌ to moita tauna to tiꞌaraheꞌ toIahudiꞌ to mepoinálái i Pueꞌ Iesu álána mahiniꞌheꞌ, hai rapoinao woꞌo mepoinálái i Hia haneꞌi ara to molámbiꞌ katehómpóꞌ.

1 Korintu 15:23

Agáiáná upu-upu tauna ina rapatueꞌ huleꞌ mouláꞌ tempóna: to rungu-runguna ia miꞌi Kerisitu. Roo onoꞌ i kahaweꞌNa huleꞌ i duniáꞌ deꞌe, upu-upu tauna to mate to meuláꞌ i Hia ina rapatueꞌ huleꞌ.

1 Korintu 9:22

Ane kuporángáheꞌ to tiꞌara mani maróhó pepoináláiraꞌ, kupeuláꞌiheꞌ woꞌo, bona kudureiheꞌ meuláꞌ i Kerisitu. Mewaliꞌ upu-upu tauna to kupohidupaꞌá, kupeliꞌ rárá bona mewaliꞌaꞌ nodo hira, bona ane peisái, araheꞌ to kuánti mepoinálái i Kerisitu.

1 Korintu 9:27

Kupakaróhó wátángkuꞌ hai kumeeꞌ peundeꞌána lalungkuꞌ bona mantahaꞌaꞌ, bona ane roo kupahaweꞌ Ngkóráꞌ Marasa i tauna ntániꞌna, ineeꞌ paꞌi, kódóꞌ miꞌi to tiꞌara molámbiꞌ háwángina.

2 Korintu 11:3

Agáiáná kupembiáꞌ bona tiꞌarakou rapakanawoꞌ, álána tiꞌarapokou mepoinálái i Kerisitu hangko i lalumi ntepuꞌu. Araheꞌ tauna to mampoinao bona mampeuláꞌikou paturoꞌraꞌ to mosisalaꞌ hai pepoináláimi i Kerisitu. Hira nodoheꞌ lelótó mokeloꞌ Hewá hai laluitana to meákálángi.

1 Tesalonika 3:5

Onoꞌ miꞌi haneꞌi kuhuoꞌ miꞌi Timotiu lao i kómu, bona kuisá noumbá pepoináláimi, láwiꞌ kupokalááꞌ, ineeꞌ paꞌi nakeloꞌkou Datu Tokadake. Peisákou napakanawoꞌ álána tiꞌara piꞌi mobunduꞌ pobágóꞌkiꞌ mopahaweꞌ Ngkóráꞌ Marasa i kómu.

2 Tesalonika 2:3

Kehapiꞌ ba noumbá miꞌi laluitaraꞌ tauna ntániꞌna, ineeꞌkou maꞌala rapakanawoꞌ, láwiꞌ hangko tiꞌara mani haweꞌ alo iti, to rompákáꞌ deꞌe hangaa-ngaa mewaliꞌ sieruꞌ: handaꞌ tauna hangaa-ngaa moewaꞌ Pueꞌ Ala, hai hangaa-ngaa haweꞌ woꞌo hadua tauna to rauliꞌ Topoewaꞌ Kerisitu. Topeꞌewaꞌ iti ia miꞌi ewálina Pueꞌ Ala. Ia ina mampepemahile hai mengkaiwongko hangko i upu-upu to rapenómbái i duniáꞌ. Hai ia ina pebáiꞌ ntepuꞌu mehoda i lalu Támbina Pueꞌ Ala, hai ina nauliꞌ kaꞌiana miꞌi Pueꞌ Ala. Mewaliꞌ manótó miꞌi kaꞌina ratibena i lalu naraka.

2 Timotiu 4:8

Mewaliꞌ deꞌe-deꞌe, timama miꞌi i surugáꞌ háwángina penangingkuꞌ, láwiꞌ kupeuláꞌi miꞌi peundeꞌána Pueꞌ Ala. Háwángina penangingkuꞌ iti ina naweꞌiaꞌ Pueꞌ i alo pobutusi i kahópóꞌána duniáꞌ, i tempóna mohoda-hoda kárá-kárána upu-upu tauna i kanótó-nótóána. Hai tiꞌara kódóꞌ peá to ina molámbiꞌ parasee. Upu-upu tauna to mampegiá kahaweꞌna huleꞌ Pueꞌ, ina molámbiꞌheꞌ woꞌo háwángina pepoináláiraꞌ i Hia.

Iberani 11:35

Ánti pepoináláiraꞌ, araheꞌ towawine to molámbiꞌ huleꞌ ánáꞌraꞌ láwiꞌ rapatueꞌheꞌ huleꞌ. Agáiáná araheꞌ woꞌo tauna ntániꞌna to rapopeahiahiꞌ ánti pepoináláiraꞌ duuꞌraꞌ mate. Raundeꞌ mani rapapate haneꞌiheꞌ mosápuáka Pueꞌ Ala, láwiꞌ mampoinaoheꞌ rapatueꞌ huleꞌ bona molámbiꞌheꞌ katueꞌ to melumbuꞌ kamaroꞌana.

Pampetudeꞌá 20:5

Iti miꞌi pearó tomate to rungu-runguna. Agáiáná tauna to ntániꞌna to mate, tiꞌara maniheꞌ rapatueꞌ huleꞌ i lalu hasábu parena iti.