Pilipi 3:10 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁰ To mewaliꞌ tunggáiána katueꞌkuꞌ, bona moisá ntepuꞌuaꞌ Kerisitu. Kuꞌundeꞌ mohádiá kuasaꞌNa i lalu katueꞌkuꞌ, to nodo kuasaꞌna Pueꞌ Ala i kamampopearóNa Kerisitu hangko i kapate. Kupoinao molámbiꞌ kapári hai kapate nodo to nalámbiꞌ Iesu.

Pilipi 3:10 Iomraidhean Croise

Matiu 20:23

Nauliꞌ wopiꞌi Iesu, “Toꞌu, hangaa-ngaa nitódihá kapári nodo to ina Kutódihá. Agáiáná tiꞌara Kódóꞌ to mopakanótó heáná to ina mehoda tándáꞌ i kuánáNgkuꞌ hai heáná tándáꞌ i kabeoꞌKuꞌ, bateꞌna peá UmáNgkuꞌ to mopakanótó.”

Iohane 10:18

Tiꞌara ara hadua to mopapateAꞌ ane tiꞌara peundeꞌáNgkuꞌ. Ara kuasaꞌKuꞌ mampeweꞌi wátáNgkuꞌ bona rapapate, hai ara woꞌo kuasaꞌKuꞌ moala huleꞌ katueꞌKuꞌ. Iti miꞌi hawaꞌna UmáNgkuꞌ to Kutarima.”

Iohane 17:3

To Kutunggái hai laluita ‘katueꞌ to maroꞌa to tiꞌara mokahópóꞌá’ ia miꞌi: raisá kaꞌIona peá Pueꞌ Ala to toꞌu, hai raisá woꞌo kaKódóꞌna Iesu Kerisitu to Nuhuoꞌ mai.

Roma 8:17

Mewaliꞌ, ane napoánáꞌmokeꞌ Pueꞌ Ala, taisá kitaꞌ ina mewaliꞌkeꞌ pueꞌ sosora, hai ina molámbiꞌkeꞌ gáláꞌtaꞌ to napatimama miꞌi Pueꞌ Ala i kitaꞌ ánáꞌNa. Upu-upuna iti talámbiꞌ hingkakani hai Kerisitu, láwiꞌ i duniáꞌ deꞌe, ane kitaꞌ rapopeahiahiꞌ hibali hai Kerisitu, i alo pobutusi ina molámbiꞌkeꞌ woꞌo katueꞌ to meawaꞌ hingkakani hai Iesu.

Roma 8:29

láwiꞌ hangko i rungu-runguna, Pueꞌ Ala moisá kaheánána to ina Napoánáꞌ. Hai hira to mepoinálái, Napileꞌimoheꞌ bona Napahibaliheꞌ hai Iesu, bona Iesu iti Ia miꞌi Ánáꞌ Towutuꞌ hai hira mewaliꞌ ádiNa.

Roma 8:36

I lalu duniáꞌ deꞌe, bateꞌna narampekeꞌ kapári nodo to teukiꞌ hangkoia i lalu Sura Magasaꞌ: “Ó Pueꞌ, araheꞌ oaꞌ tauna to mampoinao mopapateangkaiꞌ ánti peuláꞌkiꞌ i Hio. Kaiꞌ deꞌe nodo dimbá to ina rasambale.” (Sura Petóiá 44:23)

2 Korintu 1:10

Kehapiꞌangkaiꞌ hurewuꞌ, Pueꞌ Ala mokábáhá mpuꞌumongkaiꞌ hangko i kapári to rumihi iti, haneꞌi tiꞌaraꞌangkaiꞌ mate. Hai kiꞌisá Pueꞌ Ala ina mokábáháꞌangkaiꞌ hangko i hinángkáꞌna kapári, maroꞌa to morampeangkaiꞌ deꞌe-deꞌe ba i alo to ina haweꞌ.

2 Korintu 1:5

Handaꞌ kapári to nalámbiꞌ Kerisitu, hai kapári iti kilámbiꞌ woꞌo. Noꞌonoꞌ woꞌo kahandaꞌna karóhó lalu to kilámbiꞌ hangko i Kerisitu.

2 Korintu 13:4

Kehapiꞌ maledeꞌ wátána Kerisitu i tempóNa rapakuꞌ i kau mombehape, agáiáná ánti kuasaꞌna Pueꞌ Ala, Ia tueꞌ huleꞌ. Kaiꞌ woꞌo, maledeꞌangkaiꞌ nodo Kerisitu, agáiáná ánti kuasaꞌna Pueꞌ Ala, mohintuwuꞌangkaiꞌ hingkakani hai Kerisitu. Mewaliꞌ halalu-halalu, ane haweꞌaꞌ, ina nihádiá ntepuꞌu kuasaꞌ iti to naweꞌiangkaiꞌ Pueꞌ Ala.

Galatia 2:20

hai deꞌe-deꞌe tiꞌara piꞌi kódóꞌ to tueꞌ, agáiáná Kerisitu miꞌi to tueꞌ i lalu katueꞌkuꞌ. Mewaliꞌ, tangaꞌkuꞌ mani tueꞌ i duniáꞌ deꞌe, bateꞌkuꞌ mepoinálái i Ánáꞌna Pueꞌ Ala to mampokaꞌahiꞌaꞌ, hai mampehuhuꞌá wátáNa rapapate bona mewaliꞌaꞌ manótó i peitána Pueꞌ Ala.

Galatia 6:17

Kahópóꞌána, kupembiáꞌ bona tiꞌara piꞌi ara to mopakasusaꞌaꞌ, láwiꞌ kódóꞌ miꞌi surona Pueꞌ Iesu, hai tongawaꞌ hangko i to bálána wátángkuꞌ.

Epesu 4:13

duuꞌna hangkani tempó ina mohintuwuꞌkeꞌ upu-upu i lalu pepoináláintaꞌ, hai ina taisá ntepuꞌu Ánáꞌna Pueꞌ Ala. Ina maróhó pepoináláintaꞌ, hai ina mewaliꞌkeꞌ nodo Kerisitu to tiꞌara ara kamakuraꞌNa.

Pilipi 3:8

Hai pelumbuꞌna hangko ionoꞌ, deꞌe-deꞌe kuisá miꞌi: hinángkáꞌna tiꞌara mobunduꞌ i kódóꞌ, láwiꞌ ara to melumbuꞌ kamaroꞌana, ia miꞌi pohintuwuꞌkuꞌ hai Pueꞌkuꞌ Kerisitu Iesu. Onoꞌ haneꞌi kukábáhá miꞌi upu-upu to kuꞌundeꞌ hangkoia, kurekeꞌ peá nodo rumpuꞌ to paraluu ratibe, bona peisá peaꞌ mohintuwuꞌ hai Kerisitu

Kolose 1:24

Góeꞌ ntepuꞌuaꞌ láwiꞌ kutódihá kapári ánti pobágóꞌkuꞌ motulungikou hai upu-upu tauna to mepoinálái. Hira peisáheꞌ rapándiriꞌ nodo wátána Kerisitu. Hai pantódihána Kerisitu i lalu kapári, iti miꞌi woꞌo to mewaliꞌ i wátángkuꞌ deꞌe-deꞌe.

Kolose 2:13

Hangkoia, hangko tiꞌara manikou mepoinálái i Kerisitu, nodokou tomate láwiꞌ madósákou hai tiꞌarakou woꞌo ratileꞌ {láwiꞌ tiꞌarakou taunána Pueꞌ Ala}. Agáiáná kehapiꞌ hangkoia nodokou tauna to mate, deꞌe-deꞌe ánti pohintuwuꞌmi hai Kerisitu, Pueꞌ Ala mopatueꞌmokou huleꞌ hingkakani hai Kerisitu, hai Naꞌámpungi miꞌi upu-upu dósámi.

Kolose 3:1

Mewaliꞌ ane motarimamokou katueꞌ to woꞌu, kómu nodokou to rapatueꞌ huleꞌ hingkakani hai Kerisitu, onoꞌ miꞌi haneꞌi katueꞌmi hangaa-ngaa hintotoꞌ i tauna to ina lao i surugáꞌ, kaꞌaraꞌána Kerisitu to mehoda tándáꞌ i kuánána Pueꞌ Ala.

1 Peturuꞌ 1:3

Tatóiá Pueꞌ Ala, Umána Iesu Kerisitu Pueꞌtaꞌ! Ánti kamahilena ahiꞌNa Pueꞌ Ala i kitaꞌ, Naweꞌimokeꞌ katueꞌ to woꞌu, hai katueꞌ to woꞌu iti talámbiꞌ moliu katueꞌna huleꞌ Iesu Kerisitu. Onoꞌ miꞌi haneꞌi maróhó pehárungántaꞌ {kaꞌina molámbiꞌtaꞌ katueꞌ to tiꞌara mokahópóꞌá}.

2 Peturuꞌ 1:13

Láwiꞌ kuisá miꞌi tiꞌara piꞌi marue ina mateaꞌ hintotoꞌ hai apa to napahaweꞌámoꞌ Iesu Kerisitu Pueꞌtaꞌ. Mewaliꞌ, tangaꞌkuꞌ mani tueꞌ, hangaa-ngaa kupahaweꞌákou bona nibuhinao upu-upu iti.

1 Iohane 2:3

Ane tapeuláꞌi hawaꞌna Pueꞌ Ala, iti miꞌi to mopatongawaꞌ mpuꞌu kataisána Pueꞌ Ala.

1 Iohane 2:5

Tauna to mampeuláꞌi laluitana Pueꞌ Ala, hira to toꞌu-toꞌu mampokaꞌahiꞌ Pueꞌ Ala. Deꞌe miꞌi to mopatongawaꞌ pohintuwuꞌtaꞌ hai Pueꞌ Ala:

Pampetudeꞌá 1:18

Kódóꞌ miꞌi to tueꞌ. MateAꞌ hangkoia, agáiáná peita, Kódóꞌ tueꞌMoꞌ huleꞌ, hai ina tueꞌAꞌ oaꞌ duuꞌna i rue-ruena. Kódóꞌ to mopakanótó impirá tauna ina mate hai heáná to ina lao i katoroꞌá tomate.