Pilipi 2:9 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁹ Onoꞌ miꞌi haneꞌi Pueꞌ Ala mopaireá ntepuꞌu Kerisitu, hai Naweꞌi hangaꞌ to melumbuꞌ kamakuasaꞌna hangko i upu-upu hangaꞌ to ara,

Pilipi 2:9 Iomraidhean Croise

Pewaliꞌána 3:15

Ina Kupopoewalikoꞌ hai towawine iti. Pemuleꞌámu hai pemuleꞌána ina moewaliheꞌ. Pemuleꞌána ina mopangka wuáꞌmu, hai ina nutilóꞌ padóꞌna.”

Danieli 7:14

Ia raweꞌi kuasaꞌ mepárentá bona rabiláꞌ, onoꞌ miꞌi haneꞌi upu-upu tauna hangko iumbá-umbá peá kaꞌaraꞌáraꞌ, hai upu-upu básá, mouláꞌheꞌ hawaꞌna. Kamakuasaꞌna iti ina ara duuꞌna i rue-ruena, hai kadatuána tiꞌara ina tuna.

Matiu 11:27

Roo onoꞌ, nauliꞌ wopiꞌi Iesu, “Upu-upu naweꞌiMoꞌ UmáNgkuꞌ. Tiꞌara ara haweꞌ hadua to moisá kaKódóꞌna Ánáꞌna Pueꞌ Ala, bateꞌna peá UmáNgkuꞌ to moisá ntepuꞌuAꞌ. Noꞌonoꞌ woꞌo, tiꞌara ara haweꞌ hadua to moisá UmáNgkuꞌ, bateꞌna peá Kódóꞌ ÁnáꞌNa, hai heáná peá to Kupopaisáꞌáheꞌ kaheánána UmáNgkuꞌ.

Matiu 28:18

Nahungkukiheꞌ Iesu, haneꞌi Nahángáꞌáheꞌ, “Upu-upu kuasaꞌ i surugáꞌ hai i duniáꞌ naweꞌiMoꞌ Pueꞌ Ala.

Lukasi 10:22

Roo onoꞌ, nauliꞌ wopiꞌi Iesu i tauna to handaꞌ, “Upu-upu naweꞌiMoꞌ UmáNgkuꞌ. Tiꞌara ara hadua to moisá kaKódóꞌna Ánáꞌna Pueꞌ Ala, bateꞌna peá UmáNgkuꞌ to moisá ntepuꞌuAꞌ. Noꞌonoꞌ woꞌo, tiꞌara ara to moisá UmáNgkuꞌ, bateꞌna peá Kódóꞌ ÁnáꞌNa hai heáná peá to Kupopaisáꞌáheꞌ kaheánána UmáNgkuꞌ.”

Iohane 13:3

Agáiáná naisá miꞌi Iesu kanaweꞌiNa miꞌi UmáNa upu-upu kuasaꞌ i Hia. Naisá woꞌo kahangko i Pueꞌ AlaNa, hai kaꞌina mesuleꞌNa wopiꞌi i Pueꞌ Ala.

Iohane 17:11

Ina laoAꞌ i Hio Umaꞌ, tiꞌaraPoꞌ marue i duniáꞌ deꞌe. Agáiáná topeguruNgkuꞌheꞌ deꞌe ara maniheꞌ oaꞌ i duniáꞌ. Ó UmáNgkuꞌ to magasaꞌ, Kupembiáꞌ bona Nukámpáiheꞌ hai kuasaꞌna hangaꞌMu to NuweꞌiMoꞌ. Nukádipuráheꞌ bona hampepekiriheꞌ oaꞌ, nodo Io hai Kódóꞌ hampepekiriKeꞌ.

Iohane 17:12

TempóNgkuꞌ hingkakani hai hira, Kódóꞌ miꞌi to mokámpáiheꞌ hai kuasaꞌMu to NuweꞌiAꞌ. Kukámpáimoheꞌ bona tiꞌaraheꞌ ara to tegááki hangko i Kódóꞌ. Bateꞌna peá hadua to tegááki, ia miꞌi to ina molámbiꞌ pehuku to rumihi bona tebukeki apa to teukiꞌ i lalu Sura Magasaꞌ.

Iohane 17:5

Onoꞌ miꞌi haneꞌi Kupembiáꞌ bona NupopeawaꞌAꞌ huleꞌ, nodo peawaꞌKuꞌ tempóNgkuꞌ hingkakani hai Io hangko tiꞌara mani rapopewaliꞌ duniáꞌ deꞌe.

Surona Pueꞌ Iesu 5:31

hai Naꞌángkáꞌ Napopehoda tándáꞌ i kuánáNa, haneꞌi Naweꞌi kuasaꞌ mewaliꞌ Tadulako hai Topohómpóꞌ Salaꞌ. Nabábehi noꞌonoꞌ, bona kitaꞌ toSáráeliꞌ peisákeꞌ menosoꞌ hangko i bábehiántaꞌ to kadake hai molámbiꞌkeꞌ peámpungi.

Kolose 1:18

Kitaꞌ to mepoinálái i Kerisitu rapándiriꞌ nodo wátáNa, hai Kerisitu ia miꞌi Wuáꞌtaꞌ. Nodo wuáꞌ to mopárentá wátá, Kerisitu Ia miꞌi to mopárentá upu-upu tauna to mepoinálái i Hia. Hai Ia to mampoweꞌikeꞌ katueꞌ to woꞌu, láwiꞌ Ia miꞌi to Towutuꞌ, lempóna, to rungu-runguna tueꞌ huleꞌ hangko i kapate, bona Ia miꞌi to melumbuꞌ kuasaꞌNa hangko i upu-upuna to ara.

2 Tesalonika 1:12

Tunggáiángkiꞌ mekakae noꞌonoꞌ, bona ánti bábehiámi to maroꞌa iti, hangaꞌna Pueꞌtaꞌ Iesu rapomahile, hai bona kómu woꞌo ina napomahilekou Pueꞌ Iesu. Upu-upuna iti hangaa-ngaa mewaliꞌ ánti kabulána laluna Pueꞌ Ala Umántaꞌ hai Pueꞌ Iesu Kerisitu.

Iberani 1:4

Ia molámbiꞌ kuasaꞌ to melumbuꞌ hangko i upu-upu malaꞌeka, láwiꞌ melumbuꞌ kamahilena hangaꞌNa to naweꞌi Pueꞌ Ala i Hia hangko i hangaꞌ to raweꞌiheꞌ malaꞌeka.

Iberani 1:9

Nuꞌundeꞌ bábehiá to manótó, hai Nukáhihiꞌ bábehiá to kadake. Onoꞌ miꞌi haneꞌi KububuhiKoꞌ hai lana to mawongi láwiꞌ KupileꞌiKoꞌ. Kódóꞌ miꞌi Pueꞌ Ala, PueꞌMu. KubiláꞌKoꞌ melumbuꞌ hangko i rángáMu, bona góeꞌ laluMu.” (Sura Petóiá 45:7-8)

Iberani 12:2

Hangaa-ngaa tapeita oaꞌ Iesu, láwiꞌ Ia to tepaioruá mobungkáhi rárá pepoinálái hai mopagánái pepoinálái. Iesu mantódihá kapári i kau mombehape. Rárá kamateNa iti katoꞌuána mepakahiliá i Hia, agáiáná kehapiꞌ noꞌonoꞌ, tiꞌara Napailalu. Bateꞌna peá Napehuhuꞌá wátáNa rapakuꞌ i kau mombehape, láwiꞌ Nabuhinao oaꞌ kagóeꞌ to ina Nalámbiꞌ ane hópóꞌ miꞌi bágóꞌNa, onoꞌ haneꞌi deꞌe-deꞌe Ia mehoda miꞌi tándáꞌ i kuánána pehodaꞌá kadatuána Pueꞌ Ala i surugáꞌ.

Iberani 2:9

Agáiáná kuasaꞌ iti tongawaꞌ miꞌi i Iesu. TangaꞌNa mani tueꞌ i duniáꞌ deꞌe, kamahilena tueꞌNa tepaiwóiꞌá hantódiꞌ hangko i malaꞌeka. Ánti kabulána laluna Pueꞌ Ala i kitaꞌ, Napakanótó bona Iesu rapapate mewaliꞌ sulewátána upu-upu tauna. Hai ánti kaNahuhuꞌna wátáNa rapapate, deꞌe-deꞌe Ia rapomahile hai raweꞌi pehodaꞌá to meawaꞌ hai tebiláꞌ.

1 Peturuꞌ 3:22

Karoona Iesu rapatueꞌ huleꞌ, Ia mengkaoreꞌ lao i surugáꞌ, haneꞌi mehoda tándáꞌ i kuánána Pueꞌ Ala. Upu-upu malaꞌeka hai to makuasaꞌ hai to mepárentá, rapopengkoruꞌheꞌ i Iesu.

2 Peturuꞌ 1:17

Hangkoia meuláꞌangkaiꞌ i Iesu lao i wongko buluꞌ tempóNa motarima pebiláꞌ hai peawaꞌ hangko i Pueꞌ Ala UmáNa to meawaꞌ ntepuꞌu. I tempó iti, nauliꞌ Pueꞌ Ala, “Deꞌe miꞌi ÁnáꞌKuꞌ to Kupokaꞌahiꞌ hai Kupokagóeꞌ.”

3 Iohane 1:7

láwiꞌ halaluntaꞌ iti mampopolumaoheꞌ bágóꞌna Pueꞌ. Tiꞌaraheꞌ motarima apa-apa hangko i tauna to tiꞌara mepoinálái.

Pampetudeꞌá 1:5

hai hangko i Iesu Kerisitu to rungu-runguna rapopearó hangko i oloꞌraꞌ tauna to mate. Iesu Kerisitu ia miꞌi Sabiꞌ to manguliꞌ oaꞌ apa to toꞌu, hai Ia miꞌi Tadulako to mopárentái upu-upu datu i duniáꞌ. Iesu mampokaꞌahiꞌkeꞌ, hai mampehuhuꞌá wátáNa rapapate bona tekábáhákeꞌ hangko i dósá,

Pampetudeꞌá 11:15

Malaꞌeka to kapitu motawueꞌ tamburuꞌna, hai araheꞌ to molaluita rapasimbuku i lalu surugáꞌ, rauliꞌ: “Deꞌe-deꞌe, upu-upu kadatuá i duniáꞌ napárentá miꞌi Pueꞌ Ala Pueꞌtaꞌ, hingkakani hai Ia to Napileꞌi miꞌi mewaliꞌ Datu Topehómpóꞌ, bona mepárentá duuꞌna i rue-ruena.”

Pampetudeꞌá 19:16

I kumbáNa tándáꞌ i páꞌáNa teukiꞌ hambuaꞌ hangaꞌ: “Datu to Melumbuꞌ Kamakuasaꞌna Hangko i Upu-Upu Datu, Pueꞌ to Melumbuꞌ Kamakuasaꞌna Hangko i Upu-Upu Pueꞌ.”

Pampetudeꞌá 3:21

Heáná to menangi, ina Kupopehoda hingkakani hai Kódóꞌ i pehodaꞌá kadatuáNgkuꞌ, nodo woꞌo Kódóꞌ menangiAꞌ, hai mehodaꞌAꞌ mepárentá hingkakani hai UmáNgkuꞌ i pehodaꞌá kadatuáNa.

Pampetudeꞌá 5:12

Monaniheꞌ rapasimbuku, rauliꞌ: “Ánáꞌ Dimbá to rasambale, hintotoꞌ ntepuꞌu tabiláꞌ hai tatóiá. Tapomahile hangaꞌNa, tapahaweꞌ kamaróhóNa, tatóiá ntepuꞌu peawaꞌNa, tabuhinao kamapándeNa, hai tabámbári kamakuasaꞌNa!”