Pilipi 2:8 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁸ I tempóNa tueꞌ i wongko duniáꞌ deꞌe hibali hai tauna, Natunggái mengkaiwóiꞌ hai Napeuláꞌi peundeꞌána Pueꞌ Ala, duuꞌNa rapapate i kau mombehape.

Pilipi 2:8 Iomraidhean Croise

Matiu 17:2

Tangaꞌraꞌ ionoꞌ, tebáliki miꞌi lenggeꞌna Iesu mewaliꞌ meawaꞌ. LindoꞌNa mewangkaꞌ nodo alo, hai waruꞌNa mengkilaꞌ.

Matiu 26:39

Roo onoꞌ, Iesu lao karaoꞌ hantóiꞌ, haneꞌi mopalumbá mekakae, Nauliꞌ, “UmáNgkuꞌ, ane peisái, Nupakaraoꞌ hangko i Kódóꞌ kapári to ina morampeAꞌ deꞌe. Agáiáná Kupembiáꞌ bona tiꞌara peundeꞌáNgkuꞌ to mewaliꞌ; ngkáliꞌna riꞌi peundeꞌáMu Umaꞌ.”

Matiu 26:42

Roo onoꞌ, Iesu lao wopiꞌi mekakae haduduáNa, Nauliꞌ, “UmáNgkuꞌ, ane kapári deꞌe tiꞌara piꞌi peisá Nupakaraoꞌ hangko i Kódóꞌ, Nupopewaliꞌ miꞌi hintotoꞌ hai peundeꞌáMu.”

Lukasi 9:29

TangaꞌNa mekakae, tebáliki miꞌi lindoꞌNa, waruꞌNa mewaliꞌ bulá hai mengkilaꞌ.

Iohane 10:18

Tiꞌara ara hadua to mopapateAꞌ ane tiꞌara peundeꞌáNgkuꞌ. Ara kuasaꞌKuꞌ mampeweꞌi wátáNgkuꞌ bona rapapate, hai ara woꞌo kuasaꞌKuꞌ moala huleꞌ katueꞌKuꞌ. Iti miꞌi hawaꞌna UmáNgkuꞌ to Kutarima.”

Iohane 14:31

Upu-upuna iti hangaa-ngaa mewaliꞌ, bona upu-upu tauna ina moisá kaKupokaꞌahiꞌna UmáNgkuꞌ hai kaKupeuláꞌina upu-upu to NahawaꞌáꞌAꞌ. Meángkáꞌmokou, pohuꞌmokeꞌ hangko ieneꞌ.”

Iohane 15:10

Kupeuláꞌi hawaꞌna UmáNgkuꞌ hai tueꞌAꞌ i lalu kamaꞌahiꞌNa. Noꞌonoꞌ woꞌo, ane nipeuláꞌi hawaꞌKuꞌ, ina tueꞌkou woꞌo i lalu kamaꞌahiꞌKuꞌ.

Iohane 4:34

Onoꞌ miꞌi haneꞌi nahángáꞌáheꞌ Iesu, “PandeꞌKuꞌ, ia miꞌi mampeuláꞌi peundeꞌána Pueꞌ Ala to mohuoꞌAꞌ mai, hai moparoo bágóꞌ to NaweꞌiAꞌ.

Surona Pueꞌ Iesu 8:33

Ia rasasalaꞌi hai rahuku; tiꞌara hintotoꞌ karahukuNa. Tiꞌara ara hadua tauna to peisá mampolaluita kana i pemuleꞌáNa, láwiꞌ Ia rapapate.” (Iesaia 53:7-8)

Roma 5:19

Ánti katiꞌárána mengkoruꞌ Adama i Pueꞌ Ala, upu-upu tauna mampeuláꞌi Adama hai madósá. Agáiáná Iesu mengkoruꞌ i Pueꞌ Ala haweꞌ-haweꞌ mate i kau mombehape. Ánti pengkoruꞌNa iti, upu-upu tauna peisá mewaliꞌ manótó i peitána Pueꞌ Ala.

2 Korintu 8:9

Tiꞌarakou kupárentá morámpu dóiꞌ petulungi, láwiꞌ niꞌisá woꞌo pándiriꞌ hangko i kamahilena ahiꞌna Pueꞌtaꞌ Iesu Kerisitu i kitaꞌ. Upu-upu to ara i surugáꞌ, Ia pueꞌna, agáiáná ánti kamahilena ahiꞌNa i kitaꞌ, Ia mewaliꞌ nodo hadua tauna to meahiahiꞌ tueꞌna, bona kitaꞌ peisá molámbiꞌ katueꞌ to maroꞌa to tiꞌara mokahópóꞌá.

Galatia 3:13

Kitaꞌ upu-upu hintotoꞌkeꞌ napahárárá Pueꞌ Ala, láwiꞌ moliungikeꞌ PárentáNa. Agáiáná kehapiꞌ noꞌonoꞌ, Kerisitu mokábáhámokeꞌ hangko i pekambo iti. Teukiꞌ hangkoia i lalu Sura Magasaꞌ node: “Ane ara tauna to ratóe i kau bona rapapate, manótó tauna iti nakambo Pueꞌ Ala.” Mewaliꞌ, i kamatena Kerisitu i kau mombehape, Ia to molámbiꞌ pekambo hangko i Pueꞌ Ala. Katoꞌuána, hangaa-ngaa kitaꞌ riꞌi to molámbiꞌ pekambo iti.

Titu 2:14

Iesu iti to mampehuhuꞌá wátáNa rapapate mosulewátáikeꞌ, bona Nakábáhákeꞌ hangko i upu-upu bábehiántaꞌ to kadake, hai Napopewaliꞌkeꞌ taunáNa to magasaꞌ to moundeꞌ mobábehi apa to maroꞌa.

Iberani 12:2

Hangaa-ngaa tapeita oaꞌ Iesu, láwiꞌ Ia to tepaioruá mobungkáhi rárá pepoinálái hai mopagánái pepoinálái. Iesu mantódihá kapári i kau mombehape. Rárá kamateNa iti katoꞌuána mepakahiliá i Hia, agáiáná kehapiꞌ noꞌonoꞌ, tiꞌara Napailalu. Bateꞌna peá Napehuhuꞌá wátáNa rapakuꞌ i kau mombehape, láwiꞌ Nabuhinao oaꞌ kagóeꞌ to ina Nalámbiꞌ ane hópóꞌ miꞌi bágóꞌNa, onoꞌ haneꞌi deꞌe-deꞌe Ia mehoda miꞌi tándáꞌ i kuánána pehodaꞌá kadatuána Pueꞌ Ala i surugáꞌ.

1 Peturuꞌ 2:24

Iesu haduduáNa mokili huku dósántaꞌ moliu karapapateNa i kau mombehape, bona tekábáhákeꞌ hangko i kuasaꞌ dósá, hai tueꞌkeꞌ hintotoꞌ hai peundeꞌána Pueꞌ Ala. WaheꞌNa to mabubu to moánti katehómpóꞌ i kitaꞌ.

1 Peturuꞌ 3:18

Hintotoꞌkeꞌ molámbiꞌ kapári, láwiꞌ ara woꞌo Hadua to molámbiꞌ kapári, ia miꞌi Kerisitu. Ia hangkani peá mampehuhuꞌá wátáNa rapapate bona mohómpóki dósá. Ia to tiꞌara ara salaꞌNa, rapapate mosulewátáikeꞌ to masalaꞌ, bona Ia mopahintuwuꞌkeꞌ hai Pueꞌ Ala. Ia rapapate, agáiáná rapatueꞌ huleꞌ ánti kuasaꞌna Inao to Magasaꞌ.