Pilipi 2:7 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁷ agáiáná Nakábáhá upu-upuna iti, hai rapoánáka nodo tauna biásá. I katueꞌNa nodo tauna, Ia tueꞌ nodo hawiꞌ.

Pilipi 2:7 Iomraidhean Croise

Danieli 9:26

I kahópóꞌána tempó to tepakanótó iti, tadulako to napileꞌi Pueꞌ Ala ina rapapate, kehapiꞌ tiꞌaranto masalaꞌ. Hai ina haweꞌ surudadoꞌna datu to maróhó, haneꞌiheꞌ ina mogero kótá Ierusale hai Támbina Pueꞌ Ala. Kahópóꞌána iti ina mewaliꞌ hangkaꞌ-hangkaꞌ nodo pelábóꞌna uwai. Hai haweꞌ i kahópóꞌána duniáꞌ, ina ara oaꞌ pombeala hai kamaropuꞌ. Upu-upuna iti ina mewaliꞌ hiolaꞌ hai apa to tepakanótó miꞌi.

Matiu 12:18

“Deꞌe miꞌi huoꞌáNgkuꞌ to Kupileꞌi, to Kupokaꞌahiꞌ, hai to mopagóeꞌ laluNgkuꞌ. Ina Kuweꞌi InaoNgkuꞌ i Hia. Ia ina mopahaweꞌ párentáNgkuꞌ to manótó i upu-upu tauna.

Matiu 20:28

Hangaa-ngaa nipeuláꞌi pambiárána Ánáꞌ Mánusiá, láwiꞌ tunggáiáNa mai i duniáꞌ deꞌe tiꞌara bona mewaliꞌ topohawaꞌ, ngkáliꞌna riꞌi bona mewaliꞌ hawiꞌ, hai ina mohuhuꞌ wátáNa rapapate bona handaꞌ tauna peisá Nahómpóki hangko i huku dósáraꞌ.”

Marakusi 9:12

Nahánikiheꞌ Iesu, “Toꞌu to rapaturoꞌákou iti. Eliá hangaa-ngaa haweꞌ ioru, láwiꞌ ia to mopatimama upu-upuna. Hai Kuhángáꞌákou, haweꞌ miꞌi nabiꞌ Eliá, hai rapopeahiahiꞌ tauna mouláꞌ peundeꞌáraꞌ, nodo to teukiꞌ i lalu Sura Magasaꞌ. Agáiáná noumbá Ánáꞌ Mánusiá? Moapa riꞌi haneꞌi teukiꞌ i lalu Sura Magasaꞌ, Ia woꞌo ina molámbiꞌ handaꞌ kapári hai ina rapakóiꞌ tauna.”

Lukasi 22:27

Mewaliꞌ Kupekuneꞌ: heáná to tepaireá tueꞌna: tauna to mehoda-hoda mandeꞌ, ba tauna to merórá? Taisá miꞌi: i duniáꞌ deꞌe, to mahile tueꞌna ia miꞌi to mehoda-hoda. Agáiáná Kódóꞌ to mewaliꞌ pándiriꞌ i kómu láwiꞌ Kódóꞌ to mokádipurákou.

Iohane 1:14

Ngkóráꞌ iti mewaliꞌ tauna, hai toroꞌ i oloꞌtaꞌ i duniáꞌ deꞌe. Kiꞌita miꞌi kamaróhóna kuasaꞌNa. KuasaꞌNa iti Natarima hangko i UmáNa, láwiꞌ Ia miꞌi ÁnáꞌNa to HaduduáNa. LaluitaNa toꞌu ntepuꞌu, hai tongawaꞌ upu-upu kabulána laluNa i kitaꞌ.

Roma 1:3

Ngkóráꞌ Marasa iti kana i Ánáꞌna Pueꞌ Ala, Pueꞌtaꞌ Iesu Kerisitu. Mouláꞌ karapoánákaNa, Ia tauna, hadua pemuleꞌána Datu Daudiꞌ.

Roma 15:3

Talámbiꞌ pándiriꞌ hangko i Kerisitu, láwiꞌ Ia woꞌo tiꞌara mampeliꞌ kagóeꞌáNa haduduáNa. {Ánti pampeuláꞌiNa peundeꞌána Pueꞌ Ala, Nalámbiꞌ handaꞌ kapári,} nodo to teukiꞌ hangkoia i lalu Sura Magasaꞌ mokana i Pueꞌ Iesu: “Upu-upu laluita to mopakóiꞌ Pueꞌ Ala, kana miꞌi woꞌo i Kódóꞌ.”

Roma 15:8

Hangaa-ngaa nipailalu laluitangkuꞌ deꞌe: Kerisitu mai i duniáꞌ bona motulungiangkaiꞌ toIahudiꞌ, bona tongawaꞌ Pueꞌ Ala mobukeki dándina i toiorungkiꞌ.

Roma 8:3

Kitaꞌ tiꞌarakeꞌ peisá tekábáhá hangko i kuasaꞌ dósá ánti peuláꞌtaꞌ i Paturoꞌna Musa, láwiꞌ tiꞌara tabuku mampeuláꞌi upu-upu Hawaꞌ iti hangko i róhóntaꞌ haduduántaꞌ. Agáiáná ara to nabábehi Pueꞌ Ala to melumbuꞌ hangko i kuasaꞌna Paturoꞌna Musa. Ia mohuoꞌ ÁnáꞌNa mai i duniáꞌ mewaliꞌ tauna. WátáNa hibali hai wátána tauna to madósá. Hai Pueꞌ Ala mohuku kuasaꞌ dósá moliu kamatena Iesu bona dósá tauna peisá rawehángi.

2 Korintu 13:4

Kehapiꞌ maledeꞌ wátána Kerisitu i tempóNa rapakuꞌ i kau mombehape, agáiáná ánti kuasaꞌna Pueꞌ Ala, Ia tueꞌ huleꞌ. Kaiꞌ woꞌo, maledeꞌangkaiꞌ nodo Kerisitu, agáiáná ánti kuasaꞌna Pueꞌ Ala, mohintuwuꞌangkaiꞌ hingkakani hai Kerisitu. Mewaliꞌ halalu-halalu, ane haweꞌaꞌ, ina nihádiá ntepuꞌu kuasaꞌ iti to naweꞌiangkaiꞌ Pueꞌ Ala.

2 Korintu 8:9

Tiꞌarakou kupárentá morámpu dóiꞌ petulungi, láwiꞌ niꞌisá woꞌo pándiriꞌ hangko i kamahilena ahiꞌna Pueꞌtaꞌ Iesu Kerisitu i kitaꞌ. Upu-upu to ara i surugáꞌ, Ia pueꞌna, agáiáná ánti kamahilena ahiꞌNa i kitaꞌ, Ia mewaliꞌ nodo hadua tauna to meahiahiꞌ tueꞌna, bona kitaꞌ peisá molámbiꞌ katueꞌ to maroꞌa to tiꞌara mokahópóꞌá.

Galatia 4:4

Agáiáná i tempó to napakanótó miꞌi Pueꞌ Ala, Ia mohuoꞌ miꞌi ÁnáꞌNa mai i duniáꞌ. ÁnáꞌNa iti napoánáka hadua towawine, hai Ia mengkoruꞌ i Paturoꞌna Musa.

Pilipi 2:6

kehapiꞌ hibali Kerisitu hai Pueꞌ Ala, Ia tiꞌara motibaaꞌ kahibaliNa hai Pueꞌ Ala,

Iberani 12:2

Hangaa-ngaa tapeita oaꞌ Iesu, láwiꞌ Ia to tepaioruá mobungkáhi rárá pepoinálái hai mopagánái pepoinálái. Iesu mantódihá kapári i kau mombehape. Rárá kamateNa iti katoꞌuána mepakahiliá i Hia, agáiáná kehapiꞌ noꞌonoꞌ, tiꞌara Napailalu. Bateꞌna peá Napehuhuꞌá wátáNa rapakuꞌ i kau mombehape, láwiꞌ Nabuhinao oaꞌ kagóeꞌ to ina Nalámbiꞌ ane hópóꞌ miꞌi bágóꞌNa, onoꞌ haneꞌi deꞌe-deꞌe Ia mehoda miꞌi tándáꞌ i kuánána pehodaꞌá kadatuána Pueꞌ Ala i surugáꞌ.

Iberani 13:3

Nibuhinao halalu hampepepoináláimi to ratarungku, láwiꞌ kómu woꞌo nodokou to ratarungku hingkakani hai hira. Hai nitulungiheꞌ tauna to rapopeahiahiꞌ ánti pepoináláiraꞌ, láwiꞌ kómu woꞌo nodokou to rapopeahiahiꞌ hingkakani hai hira.

Iberani 4:15

Ia miꞌi Tadulakontaꞌ Menómbá Mahile to moisá kamaledeꞌtaꞌ. Naisá ntepuꞌu, láwiꞌ Ia rakeloꞌ miꞌi woꞌo i pákáꞌ-pákáꞌna hibali hai kitaꞌ, agáiáná Ia tiꞌara madósá.