Pilipi 2:6 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁶ kehapiꞌ hibali Kerisitu hai Pueꞌ Ala, Ia tiꞌara motibaaꞌ kahibaliNa hai Pueꞌ Ala,

Pilipi 2:6 Iomraidhean Croise

Matiu 1:23

“Hadua ánáꞌntawine ina káláꞌeá hai moánáka hadua ánángkóiꞌ tobaleilo. Ánángkóiꞌ iti ina rahangaꞌ Imanueꞌ.” (Iesaia 7:14) Lempóna, “Pueꞌ Ala mamporángákeꞌ.”

Iohane 1:18

Tiꞌara ara hadua to moita Pueꞌ Ala, bateꞌna peá ÁnáꞌNa to Haduduána to ara hingkakani hai Ia. Ia miꞌi to mopakanótóákeꞌ heáná katoꞌuána Pueꞌ Ala.

Iohane 10:30

Kódóꞌ hai UmáNgkuꞌ, hadua peaNgkaiꞌ.”

Iohane 10:33

Rauliꞌ tadulakoraꞌ toIahudiꞌ, “Tiꞌara ánti bágóꞌ to maroꞌa haneꞌi ina kipapateKoꞌ, agáiáná ánti popakóiꞌMu riꞌi Pueꞌ Ala! Tauna biásá peKoꞌ, agáiáná Nuꞌuliꞌ riꞌi Pueꞌ AlaKoꞌ!”

Iohane 10:38

Agáiáná láwiꞌ mampobágóꞌAꞌ bágóꞌ to nahuoꞌáꞌAꞌ UmáNgkuꞌ, hangaa-ngaa nipoináláiAꞌ. KehapiꞌAꞌ tiꞌara nipoinálái, hangaa-ngaa nipoinálái tandaꞌ kuasaꞌ to Kubábehi. Ane nipoinálái tandaꞌ kuasaꞌ iti, ina niꞌisá ntepuꞌu i lalumi kamohintuwuꞌKuꞌ hai UmáNgkuꞌ, hai UmáNgkuꞌ mohintuwuꞌ hai Kódóꞌ.”

Iohane 14:28

Nihádi miꞌi laluitaNgkuꞌ ininá to manguliꞌ: ‘Ina pohuꞌAꞌ, agáiáná ina mesuleꞌ wopaꞌAꞌ mai i kómu.’ Ane kenipokaꞌahiꞌ ntepuꞌuAꞌ, kehangaa-ngaa góeꞌkou láwiꞌ ina mesuleꞌAꞌ lao i UmáNgkuꞌ, láwiꞌ melumbuꞌ peawaꞌna UmáNgkuꞌ i surugáꞌ hangko i Kódóꞌ deꞌe-deꞌe i duniáꞌ.

Iohane 14:9

Nauliꞌ Iesu, “Pilipu, tiꞌara maniAꞌ paꞌi nuisá? Maruemokeꞌ hingkakani! Heáná to moitaꞌAꞌ, hibali miꞌi woꞌo moita UmáNgkuꞌ. Mewaliꞌ, moapa riꞌi haneꞌi nupembiáꞌ mani bona Kutudeꞌákou UmáNgkuꞌ?

Iohane 17:5

Onoꞌ miꞌi haneꞌi Kupembiáꞌ bona NupopeawaꞌAꞌ huleꞌ, nodo peawaꞌKuꞌ tempóNgkuꞌ hingkakani hai Io hangko tiꞌara mani rapopewaliꞌ duniáꞌ deꞌe.

Iohane 20:28

Nauliꞌ Tómá, “Io miꞌi Pueꞌkuꞌ hai Pueꞌ Alangkuꞌ!”

Iohane 5:18

Hangko ionoꞌ, tadulakoraꞌ toIahudiꞌ mopári-páriheꞌ oaꞌ mampeliꞌ rárá bona Iesu rahuku mate. Rabábehi noꞌonoꞌ, tiꞌara peá ánti kamoliungiNa ádá i alo penómbáꞌá, agáiáná láwiꞌ Nauliꞌ woꞌo kaPueꞌ Alana UmáNa; lempóna, Ia mopahibali wátáNa hai Pueꞌ Ala.

Iohane 5:23

Nabábehi noꞌonoꞌ, bona upu-upu tauna mobiláꞌAꞌ nodo woꞌo pebiláꞌraꞌ i UmáNgkuꞌ. Heáná to tiꞌaraꞌAꞌ mobiláꞌ, hibali hai tiꞌaraheꞌ woꞌo mobiláꞌ UmáNgkuꞌ to mohuoꞌAꞌ mai.

Roma 9:5

Kaiꞌ pemuleꞌánaꞌangkaiꞌ Burahima, Isakiꞌ hai Iako, toiorungkiꞌ to Napileꞌi Pueꞌ Ala. Hai Datu Topehómpóꞌ, mouláꞌ karapoánákaNa, Ia woꞌo tepasuaꞌ pemuleꞌáraꞌ, hai melumbuꞌ kuasaꞌna Kerisitu iti hangko i upu-upuna. Ia miꞌi Pueꞌ Ala to hintotoꞌ tatóiá duuꞌna i rue-ruena. Ami!

2 Korintu 4:4

Tiꞌaraheꞌ mepoinálái, láwiꞌ napawuliheꞌ Datu Tokadake to mokuasaꞌi duniáꞌ deꞌe, álána tiꞌaraheꞌ moisá lempóna Ngkóráꞌ Marasa mokana i peawaꞌna tueꞌna Kerisitu, hai Kerisitu iti hibali hai Pueꞌ Ala.

2 Korintu 8:9

Tiꞌarakou kupárentá morámpu dóiꞌ petulungi, láwiꞌ niꞌisá woꞌo pándiriꞌ hangko i kamahilena ahiꞌna Pueꞌtaꞌ Iesu Kerisitu i kitaꞌ. Upu-upu to ara i surugáꞌ, Ia pueꞌna, agáiáná ánti kamahilena ahiꞌNa i kitaꞌ, Ia mewaliꞌ nodo hadua tauna to meahiahiꞌ tueꞌna, bona kitaꞌ peisá molámbiꞌ katueꞌ to maroꞌa to tiꞌara mokahópóꞌá.

1 Timotiu 1:17

Hintotoꞌ ntepuꞌu tabiláꞌ hai tatóiá Pueꞌ Ala, Datuntaꞌ to mepárentá duuꞌna i rue-ruena, hai to tiꞌara mokahópóꞌá, to tiꞌara peisá teita, hai to tiꞌara ara kahibaliáNa. Tapomahile hai tatóiá hangaꞌNa duuꞌna i rue-ruena. Ami.

1 Timotiu 3:16

Maroꞌa ntepuꞌu paturoꞌ to tapeuláꞌi ánti pengkoruꞌtaꞌ i Pueꞌ Ala. Hangkoia paturoꞌ iti tiꞌara raisá tauna, agáiáná deꞌe-deꞌe napatongawaꞌámokeꞌ Pueꞌ Ala. Deꞌe miꞌi to tapoinálái mokana i Iesu Kerisitu: Ia miꞌi to mewaliꞌ tauna, to napakanótó Inao to Magasaꞌ, hai to raita malaꞌeka. BámbáriNa rapahaweꞌ i tauna to tiꞌara maniheꞌ moisá Pueꞌ Ala, hai Ia rapoinálái tauna i humalele duniáꞌ, hai naoreꞌ Pueꞌ Ala lao i surugáꞌ. Ionoꞌ Ia meawaꞌ tueꞌNa.

Titu 2:13

Deꞌe-deꞌe, mampegiá manikeꞌ pewaliꞌna to tahárungá, ia miꞌi popatongawaꞌna kuasaꞌna hai peawaꞌna Pueꞌ Ala hai Iesu Kerisitu Topohómpóꞌ Salaꞌtaꞌ.

Iberani 1:3

Ia to mampetudeꞌá peawaꞌna Pueꞌ Ala i kitaꞌ. PambiáráNa hai kuasaꞌNa hibali hai pambiárána hai kuasaꞌna Pueꞌ Ala. Ia to mokádipurá upu-upuna to ara moliu ngkóráꞌNa to makuasaꞌ. Ia to mampehuhuꞌá wátáNa rapapate bona mopamagasaꞌ tauna hangko i dósá, hai roo onoꞌ, Ia mengkaoreꞌ miꞌi lao i surugáꞌ mehoda tándáꞌ i kuánána Pueꞌ Ala to Makuasaꞌ i lalu popárentáNa.

Iberani 1:6

Hai i kanahuoꞌna Pueꞌ Ala ÁnáꞌNa to towutuꞌ mai i duniáꞌ, node laluitaNa: “Upu-upu malaꞌekaNgkuꞌ hangaa-ngaa menómbá i Hia.” (Sura Petóiá 97:7)

Iberani 1:8

Agáiáná kana i ÁnáꞌNa nauliꞌ Pueꞌ Ala: “Ó Pueꞌ Ala! Io miꞌi datu duuꞌna i rue-ruena. Io to mepárentá i kanótó-nótóána.

Iberani 13:8

{Kehapiꞌ matemoheꞌ,} agáiáná Iesu Kerisitu tiꞌara mambáliꞌ; Ia hibali peá oaꞌ hangko i rungu-runguna, deꞌe-deꞌe, hai duuꞌna i rue-ruena.

Pampetudeꞌá 21:6

Hangko ionoꞌ, Nahángáꞌá wopaꞌaꞌ, “Hópóꞌ miꞌi! Kódóꞌ miꞌi deꞌe Alpa hai Omega. Kódóꞌ to Pantepuꞌuána hai to Kahópóꞌána. I tauna to mangkadoꞌu, ina Kuweꞌiheꞌ uwai hangko i ulu uwai ngkatueꞌ to maroꞌa to tiꞌara mokahópóꞌá. Uwai iti ina Kuweꞌiheꞌ mbero, tiꞌara mángkiꞌ rahóló.