Pilipi 2:3 - Sura Magasaꞌ: Bahangapa sura Pototowiá to Sae hai Pototowiá to Woꞌu

³ Ineeꞌ pekou mampekiri katueꞌmi haduduámi, ineeꞌkou mampepemahile. Rángina miꞌi mengkaiwóiꞌkou, hai hangaa-ngaa nirekeꞌ tauna ntániꞌna melumbuꞌ hangko i kómu.

Pilipi 2:3 Iomraidhean Croise

Lukasi 18:14

Hangko ionoꞌ, napahópóꞌ Iesu laluitaNa, Nauliꞌ, “Toꞌu ntepuꞌu to Kuhángáꞌákou: i pesuleꞌraꞌ i támbiraꞌ, toperóróꞌ ásele iti to natarima Pueꞌ Ala hai Narekeꞌ tauna to manótó i peitáNa, agáiáná toParisi iti, tiꞌara natarima Pueꞌ Ala. Láwiꞌ heáná to mampepemahile, ina napaiwóiꞌ Pueꞌ Ala. Hai heáná to mengkaiwóiꞌ, ina napomahile Pueꞌ Ala.”

Roma 12:10

Mombepokaꞌahiꞌkou hai mombeádáikou hadua hai hadua nodokou topohalalu.

Roma 13:13

Hangaa-ngaa nibábehi apa to hintotoꞌ, nodo to rabábehi i tempó mabaa. Ineeꞌkou mosusa haneꞌi malangu hai mobábehi salaꞌ. Noꞌonoꞌ woꞌo tobaleilo hai towawine, ineeꞌkou mobábehi bábehiá to metitidiꞌi hai mouláꞌ peundeꞌámi to kadake. Ineeꞌkou mosisalaꞌ ba mahiniꞌ.

Roma 2:8

Agáiáná araheꞌ woꞌo tauna to mampekiri peá wátáraꞌ haduduáraꞌ. Tiꞌaraheꞌ mau mampeuláꞌi paturoꞌ to toꞌu, mouláꞌ peheꞌ peundeꞌáraꞌ haduduáraꞌ to kadake. Hira iti to ina mohádiá kamabukoꞌNa hai pehukuna Pueꞌ Ala.

1 Korintu 15:9

láwiꞌ kódóꞌ deꞌe surona Pueꞌ Iesu to tepaiwóiꞌá hangko i upu-upu suroNa. Katoꞌuána, tiꞌaraꞌaꞌ hintotoꞌ rauliꞌ suro, láwiꞌ hangkoia kupopeahiahiꞌheꞌ tauna to mepoinálái i Pueꞌ Iesu.

1 Korintu 3:3

láwiꞌ mouláꞌ manikou peundeꞌána lalumi haduduámi. Mahiniꞌ manikou hai pakakou mosisalaꞌ. Iti mopatongawaꞌ kamampeuláꞌimi mani peundeꞌána lalumi haduduámi, hibali hai tauna to tiꞌara mani moisá Pueꞌ.

2 Korintu 12:20

To kupokalááꞌ, ane haweꞌaꞌ i kómu, ina kulámbiꞌ bábehiámi tiꞌara hintotoꞌ hai apa to kuhárungá, hai {bateꞌmi kukámbáróá}. Iti tiꞌara ina hintotoꞌ hai pehárungámi i kódóꞌ. To kupokalááꞌ: ineeꞌ paꞌi kulámbiꞌkou i tempómi mosisalaꞌ hai mombepokahiniꞌ, mombekabukoꞌi hadua hai hadua, mopaioru pekou peundeꞌámi haduduámi, mopakadakekou hángká rángámi, mombeuliꞌ-uliꞌ, hai mampepemahile. Tiꞌara kuꞌundeꞌ ane tiꞌarakou mohintuwuꞌ.

Galatia 5:15

Agáiáná ane mosisalaꞌkou hai mombepokóiꞌ inao, maingáꞌ-ingáꞌkou láwiꞌ ina marugiꞌkou.

Galatia 5:26

Mewaliꞌ, ineeꞌkeꞌ mampepemahile, ineeꞌkeꞌ mombepakahái mpolalu, ba mahiniꞌkeꞌ i hángká rángántaꞌ.

Epesu 4:2

Hangaa-ngaa mengkaiwóiꞌkou hai hangaa-ngaa maꞌálusuꞌ pambiárámi i pákáꞌ-pákáꞌna. Kehapiꞌ niꞌisá salaꞌna halalumi, hangaa-ngaa mombetarimakou hai sabaraꞌkou ánti kamaꞌahiꞌmi hadua hai hadua.

Epesu 5:21

Hangaa-ngaa mombepengkoruꞌikou hadua hai hadua ánti pebiláꞌmi i Kerisitu.

Pilipi 2:14

I pákáꞌ-pákáꞌna to nibábehi, ineeꞌkou mohume-hume ba mombehániꞌ-hániꞌ,

Kolose 3:12

Pueꞌ Ala mampokaꞌahiꞌkou hai mopileꞌimokou mewaliꞌ taunáNa to magasaꞌ. Onoꞌ miꞌi haneꞌi: hangaa-ngaa niꞌisá mombetulungi, hangaa-ngaa maroꞌa lalumi hadua hai hadua, mengkaiwóiꞌkou, nipamaꞌálusuꞌ pambiárámi, hai sabaraꞌkou.

Kolose 3:8

Agáiáná deꞌe-deꞌe, hangaa-ngaa nikábáhá upu-upu bábehiá to kadake, to nodo: Ineeꞌkou mabukoꞌ. Ineeꞌkou mepailalu. Ineeꞌkou mekáhihiꞌ. Ineeꞌkou moánti-ánti laluita to tiꞌara toꞌu mokana i tauna ntániꞌna. Ineeꞌkou mohuwárá laluita to kadake.

1 Timotiu 6:4

Tauna iti mampe to mapánde peheꞌ, mole tiꞌaraheꞌ moisá apa-apa. Mampoinao peheꞌ mopaꞌara posisalaꞌ hai pombeheheꞌ mokana peá i laluita. Moliu paturoꞌraꞌ to salaꞌ iti, handaꞌ tauna mewaliꞌ mahiniꞌ, mosisalaꞌ, mesasalaꞌi, meraiꞌ,

1 Peturuꞌ 3:8

Mewaliꞌ kómu upu-upu {to mepoinálái i Kerisitu}, hangaa-ngaa hampepekirikou, maꞌahiꞌ lalumi hai mombepokaꞌahiꞌkou nodo topohalalu. Hangaa-ngaa maꞌálusuꞌ lalumi, hai mengkaiwóiꞌkou.

1 Peturuꞌ 5:5

Noꞌonoꞌ woꞌo kómu to maleheꞌ mani, hangaa-ngaa mengkoruꞌkou i totosae. Hai kómu upu-upu to mepoinálái, hangaa-ngaa niꞌisá mengkaiwóiꞌ hai mombetulungi, láwiꞌ: “Pueꞌ Ala moewaꞌ tauna to mampepemahile, agáiáná Ia motulungi tauna to mengkaiwóiꞌ.” (Sura Paturoꞌ 3:34)