Pilipi 2:16 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁶ tangaꞌmi mopahaweꞌ i hira Ngkóráꞌ Marasa to mopaꞌara katueꞌ to tiꞌara mokahópóꞌá. Mewaliꞌ halalu-halalu, ane noꞌonoꞌi oaꞌ bábehiámi, i alo kahaweꞌána huleꞌ Kerisitu, ina góeꞌ lalungkuꞌ láwiꞌ bábehiámi iti to mopatongawaꞌ katiꞌárána mbero-mbero bágóꞌkuꞌ i oloꞌmi, hai upu-upu to kupaturoꞌákou mobunduꞌ i katueꞌmi.

Pilipi 2:16 Iomraidhean Croise

Matiu 10:27

Hai apa to Kuhángáꞌákou to tiꞌara mani rahádi tauna ntániꞌna, hangaa-ngaa nipolaluita i upu-upu tauna. Apa to Kupaturoꞌákou ngkábuni, hangaa-ngaa nipatongawaꞌámoheꞌ.

Lukasi 12:8

“Nipehádingi maroꞌa laluitaNgkuꞌ: heáná to mopangákuꞌ i lindoꞌraꞌ tauna peuláꞌna i Kódóꞌ Ánáꞌ Mánusiá, ia woꞌo ina Kupangákuꞌ i UmáNgkuꞌ i lindoꞌraꞌ malaꞌekana Pueꞌ Ala.

Iohane 6:63

Inaona miꞌi Pueꞌ Ala to mampoweꞌi katueꞌ. Kamaróhó tauna tiꞌara mobunduꞌ. LaluitaNgkuꞌ to Kupahaweꞌákou mentóáꞌ hangko i Inaona Pueꞌ Ala hai mampoweꞌi katueꞌ to tiꞌara mokahópóꞌá.

Iohane 6:68

Nauliꞌ Simoꞌ Peturuꞌ, “Ane kipálehiKoꞌ Pueꞌ, i heánáꞌangkaiꞌ paꞌi ina lao, láwiꞌ Io peá to mohuwárá laluita to mampoweꞌi katueꞌ to maroꞌa duuꞌna i rue-ruena.

Surona Pueꞌ Iesu 13:26

Napaliliu wopiꞌi Paulu laluitana, nauliꞌ, “Halalungkuꞌ pemuleꞌána Burahima, hai kómu woꞌo to tiꞌarakou toIahudiꞌ agáiáná to mengkoruꞌ i Pueꞌ Ala. I kitaꞌ miꞌi deꞌe rapahaweꞌ bámbári kana i katehómpóꞌ.

1 Korintu 1:8

Ia ina mopakaróhó pepoináláimi duuꞌna i kahópóꞌána duniáꞌ, bona i kahaweꞌna huleꞌ Pueꞌtaꞌ Iesu Kerisitu, tiꞌara piꞌi ina ara kamasalaꞌmi.

1 Korintu 9:26

Tauna to momberipoꞌ tiꞌaraheꞌ melangka mbero, agáiáná ara tunggáiáraꞌ. Tauna to mombedángguruꞌ, tiꞌaraheꞌ mampombedángguruꞌá babaio. Noꞌonoꞌ woꞌo kódóꞌ, peisáꞌaꞌ rapándiriꞌ nodo tauna to melangka ba to mombedángguruꞌ, láwiꞌ tiꞌaraꞌaꞌ mobágóꞌ mbero. Apa to kubábehi, kubábehi bona háwángina pobágóꞌkuꞌ ina kulámbiꞌ.

Galatia 2:2

Laoaꞌ i Ierusale láwiꞌ ara laluita hangko i Pueꞌ Ala i kódóꞌ to manguliꞌ hangaa-ngaa laoaꞌ. Kahaweꞌkuꞌ i Ierusale, kupombelámbiꞌáheꞌ tadulakoraꞌ toSarani. I tempó iti, to kupokalááꞌ, paturoꞌkuꞌ ina rasalaꞌi duuꞌna tiꞌara piꞌi mobunduꞌ bágóꞌkuꞌ mopaturoꞌáheꞌ tauna kana i Ngkóráꞌ Marasa, maroꞌa to roo miꞌi kupobágóꞌ, maroꞌa to tangaꞌna mani kupobágóꞌ. Onoꞌ miꞌi haneꞌi kupahaweꞌáheꞌ kana i Ngkóráꞌ Marasa to kuánti i tauna to tiꞌaraheꞌ toIahudiꞌ, hai rapokana paturoꞌkuꞌ.

Galatia 4:11

To kupokalááꞌ, Ngkóráꞌ Marasa to kupahaweꞌ miꞌi i kómu, tiꞌara ina mobunduꞌ.

Pilipi 1:10

Halalu-halalu, upu-upu iti kupembiáꞌ, bona niꞌisá rárá mopileꞌi apa to maroꞌa ntepuꞌu, hai bona magasaꞌ katueꞌmi duuꞌna tiꞌara piꞌi ara kamasalaꞌmi i alo kahaweꞌána huleꞌ Kerisitu.

Pilipi 1:6

Pueꞌ Ala haduduáNa to mokale i lalumi, hai maroꞌa ntepuꞌu apa to Natepuꞌu miꞌi Nabábehi i lalu katueꞌmi. Kupoinálái Pueꞌ Ala ina mopaliliu bágóꞌNa iti, duuꞌna apa to Natunggái i lalu katueꞌmi ina tepabukeꞌi i alo kahaweꞌána huleꞌ Kerisitu Iesu.

1 Tesalonika 2:19

Kipoinao mpuꞌu moweoꞌkou, láwiꞌ ane haweꞌ miꞌi tempó kahaweꞌána Pueꞌtaꞌ Pueꞌ Iesu hai hirámpukeꞌ i lindoꞌNa, heáná mani paꞌi to ina mewaliꞌ wuaꞌna pobágóꞌkiꞌ to kihárungá hai kipokagóeꞌ?

1 Tesalonika 3:5

Onoꞌ miꞌi haneꞌi kuhuoꞌ miꞌi Timotiu lao i kómu, bona kuisá noumbá pepoináláimi, láwiꞌ kupokalááꞌ, ineeꞌ paꞌi nakeloꞌkou Datu Tokadake. Peisákou napakanawoꞌ álána tiꞌara piꞌi mobunduꞌ pobágóꞌkiꞌ mopahaweꞌ Ngkóráꞌ Marasa i kómu.

Iberani 4:12

Láwiꞌ ngkóráꞌna Pueꞌ Ala ia miꞌi laluita to tueꞌ hai makuasaꞌ. Melumbuꞌ kamataruna hangko i pihoꞌ to momata ntimbali. Hamata pihoꞌ peisá metohuꞌ duuꞌna haweꞌ i lehoꞌ buꞌu hai átiꞌ buꞌu. Agáiáná ngkóráꞌna Pueꞌ Ala metohuꞌ duuꞌna haweꞌ i laluntaꞌ. Hai ngkóráꞌNa iti napakeꞌ Pueꞌ Ala mopáresáꞌ pekirintaꞌ hai tunggáiána laluntaꞌ.

1 Peturuꞌ 1:23

Iti to hangaa-ngaa nibábehi, láwiꞌ molámbiꞌmokou katueꞌ to woꞌu, hai katueꞌ to woꞌu iti tiꞌara nilámbiꞌ hangko i tauna to ina mate peá, ngkáliꞌna riꞌi molámbiꞌmokou katueꞌ to woꞌu iti láwiꞌ mepoináláimokou i ngkóráꞌna Pueꞌ Ala. NgkóráꞌNa iti tueꞌ oaꞌ i lalumi hai tiꞌara ina mokahópóꞌá.

1 Iohane 1:1

Sura to kuꞌukiꞌákou deꞌe, mokana i Ngkóráꞌ to mopaꞌara katueꞌ. Ngkóráꞌ iti, ara miꞌi ami hangko i rungu-runguna, hangko tiꞌara mani duniáꞌ deꞌe rapopewaliꞌ. Hai kaiꞌ topeguruna Iesu, kihádi miꞌi, kiꞌita mata, kisabiki, hai kipekamaꞌ miꞌi wátáNa.

Pampetudeꞌá 22:17

Inao to Magasaꞌ hai upu-upu tauna to mepoinálái to rapándiriꞌ nodo towawine to ina ratauna hai Ánáꞌ Dimbá manguliꞌ, “MaimoKoꞌ!” Hai upu-upu tauna to mohádi laluita iti ina manguliꞌheꞌ woꞌo, “MaimoKoꞌ!” Heáná to mangkadoꞌu, maimokou! Hai heáná to mau, maimokou mainu uwai to mopaꞌara katueꞌ. Tiꞌara mángkiꞌ nihóló!