Pilipi 2:12 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹² Mewaliꞌ halalu-halalu to kupokaꞌahiꞌ, kuisá kamampeuláꞌimi hawaꞌna Pueꞌ Ala tempóngkuꞌ mani ara hingkakani hai kómu. Pelumbuꞌna mani deꞌe-deꞌe i tempóngkuꞌ karaoꞌ hangko i kómu, kupembiáꞌ bona nipakaroꞌa bábehiámi hai nibábehi apa to hintotoꞌ i tauna to nahómpóki miꞌi Pueꞌ Ala hangko i huku dósáraꞌ, duuꞌna tiꞌara ara kamakuraꞌmi. Mengkoruꞌkou i Pueꞌ Ala, hai nipokalááꞌ mobábehi apa to kadake,

Pilipi 2:12 Iomraidhean Croise

Matiu 11:12

Hangko i tempóna Iohane Toperiu mantepuꞌu mopahaweꞌ Ngkóráꞌ Marasa haweꞌ deꞌe-deꞌe, tauna to kadake mopári-pári mokuasaꞌi taunána Pueꞌ Ala.

Matiu 11:29

Mohintuwuꞌmokou hai Kódóꞌ. Mempaisaremokou i Kódóꞌ, hai megurukou hangko i Kódóꞌ apa peundeꞌána Pueꞌ Ala. Ane nibábehi noꞌonoꞌ, ina tinda lalumi, láwiꞌ pambiáráNgkuꞌ maꞌálusuꞌ hai mengkaiwóiꞌAꞌ.

Surona Pueꞌ Iesu 16:29

Hangko ionoꞌ, kapalaꞌ tarungku iti membiáꞌ huluꞌ haneꞌi nagagu mesuaꞌ i lalu tarungku. Ia moridiꞌ ánti kamalááꞌna hai lao molingkudu motóngkóꞌ i bitiraꞌ Paulu hai Silasi,

Surona Pueꞌ Iesu 9:6

Mearómokoꞌ hai laomokoꞌ i kótá. Ionoꞌ ina rapahaweꞌákoꞌ apa to hangaa-ngaa nubábehi.”

Roma 2:7

Ara tauna to mobábehiheꞌ oaꞌ apa to maroꞌa, láwiꞌ hira mampeliꞌheꞌ petóiá hai pebiláꞌ hangko i Pueꞌ Ala, hai mampeliꞌheꞌ woꞌo katueꞌ to maroꞌa to tiꞌara ara kahópóꞌána. I tauna to noꞌonoꞌ, Pueꞌ Ala ina mampoweꞌiheꞌ katueꞌ to tiꞌara mokahópóꞌá.

1 Korintu 15:58

Mewaliꞌ halalu-halalu to kupokaꞌahiꞌ, ineeꞌ bata-bata lalumi. Hangaa-ngaa nipakaróhó pepoináláimi hai nipopolumao oaꞌ bágóꞌna Pueꞌ, láwiꞌ niꞌisá apa to nipobágóꞌ i Pueꞌ tiꞌara ina mbero-mbero.

1 Korintu 2:3

Tangaꞌkuꞌ mani ara hingkakani hai kómu maledeꞌaꞌ, hai moridiꞌaꞌ ánti kamalááꞌkuꞌ.

1 Korintu 4:14

Halalu-halalu! Tunggáiángkuꞌ deꞌe tiꞌarakou kupakahiliá, agáiáná moliu laluitangkuꞌ deꞌe, kupaturoꞌkou láwiꞌ kurekeꞌmokou nodo ánáꞌkuꞌ haduduángkuꞌ to kupokaꞌahiꞌ.

2 Korintu 7:15

Hai ia woꞌo, tetámbái ahiꞌna i kómu, láwiꞌ nabuhinao noumbá pampeuláꞌimi hawaꞌna. Nitarima maroꞌa hai nipengkoruꞌi ntepuꞌu. Tiꞌara niundeꞌ mobábehi to salaꞌ.

Epesu 6:5

Halalungkuꞌ to rapohawiꞌ, nipeuláꞌi hawaꞌna pueꞌmi i wongko duniáꞌ deꞌe. Nibiláꞌ hai nipengkoruꞌiheꞌ hangko i lalumi ntepuꞌu, nodo pengkoruꞌmi i Kerisitu.

Pilipi 1:27

Mewaliꞌ halalu-halalu, to hangaa-ngaa nipaioru ia miꞌi, bábehiámi hangaa-ngaa hintotoꞌ hai bábehiána tauna to mepoinálái i Ngkóráꞌ Marasa kana i Kerisitu. Hangaa-ngaa nibábehi noꞌonoꞌ, bona ane mohidupaꞌ manikeꞌ ba tiꞌara, bateꞌna ina kuisá pohintuwuꞌmi i lalu pobágóꞌmi mopahaweꞌ Ngkóráꞌ Marasa to mopaꞌara pepoinálái to maróhó.

Pilipi 1:29

Mewaliꞌ, ineeꞌkou malááꞌ i tauna to moewaꞌkou, láwiꞌ Pueꞌ Ala mopatongawaꞌ miꞌi kamaroꞌaNa i kómu, hai Napileꞌikou, tiꞌara peá bona mepoináláikou i Kerisitu, ngkáliꞌna riꞌi ara woꞌo tunggáiáNa bona molámbiꞌkou kapári, álána hangaꞌna Kerisitu rapomahile.

Pilipi 1:5

láwiꞌ hangko i rungu-runguna i kamohádimi Ngkóráꞌ Marasa duuꞌna deꞌe-deꞌe, nitulungiaꞌ i lalu pobágóꞌkuꞌ mopahaweꞌ Ngkóráꞌ Marasa to hangko i Pueꞌ Ala.

Pilipi 1:6

Pueꞌ Ala haduduáNa to mokale i lalumi, hai maroꞌa ntepuꞌu apa to Natepuꞌu miꞌi Nabábehi i lalu katueꞌmi. Kupoinálái Pueꞌ Ala ina mopaliliu bágóꞌNa iti, duuꞌna apa to Natunggái i lalu katueꞌmi ina tepabukeꞌi i alo kahaweꞌána huleꞌ Kerisitu Iesu.

Pilipi 2:19

Ane peundeꞌána Pueꞌ Iesu, kuhárungá Timotiu ina kuhuoꞌ lao moweoꞌkou, bona lindó lalumi. Hai ane mesuleꞌ mai, ina lindóaꞌ woꞌo mohádi apa to nauliꞌ mokana i kómu.

Pilipi 4:1

Mewaliꞌ, halalu-halalu to kupokaꞌahiꞌ hai kukabilai: kupembiáꞌ bona nipakaróhó pepoináláimi i Pueꞌ. Kómu miꞌi to kupomahile hai kupokagóeꞌ ntepuꞌu.

Pilipi 4:15

Niꞌisá miꞌi halalungkuꞌ toPilipi, rungu-runguna tempóngkuꞌ mopahaweꞌ Ngkóráꞌ Marasa i kótámi, hai i kapohuꞌkuꞌ hangko i tampoꞌ Makedonia, tiꞌara ara jemaꞌa ntániꞌna to motulungiaꞌ, bateꞌna peá kómu.

1 Tesalonika 1:3

Ane mekakaeangkaiꞌ i Pueꞌ Ala Umántaꞌ, kibuhinao oaꞌ pobágóꞌmi i Pueꞌ ánti pepoináláimi, kibuhinao petulungimi i hángká rángámi ánti kamaꞌahiꞌmi, hai kibuhinao kamantahami i lalu kapári ánti pehárungámi i Pueꞌtaꞌ Iesu Kerisitu.

2 Timotiu 2:10

onoꞌ miꞌi haneꞌi kubuku mantódihá upu-upu kapári deꞌe, bona tauna to Napileꞌi ina molámbiꞌ katehómpóꞌ ánti pohintuwuꞌraꞌ hai Kerisitu Iesu, hai ina molámbiꞌheꞌ woꞌo katueꞌ to meawaꞌ i surugáꞌ.

Iberani 12:1

Halalu-halalu! Kitaꞌ deꞌe nodokeꞌ to ratolelingi handaꞌ tauna to maróhó pepoináláiraꞌ hangkoia, hai mosabikiheꞌ katueꞌtaꞌ. Kitaꞌ deꞌe nodo tauna to momberipoꞌ melangka, onoꞌ miꞌi haneꞌi hangaa-ngaa tatibe upu-upu to paka mosalempori peuláꞌtaꞌ i Pueꞌ. Hangaa-ngaa tatibe dósántaꞌ to mopamatimikeꞌ, hai hangaa-ngaa mantahakeꞌ mouláꞌ rárá to napakanótóákeꞌ Pueꞌ Ala.

Iberani 4:1

Dándina Pueꞌ Ala i kitaꞌ ara mani bona peisákeꞌ molámbiꞌ pengkarooá hingkakani hai Ia. Onoꞌ miꞌi haneꞌi hangaa-ngaa maingáꞌ-ingáꞌ ntepuꞌukeꞌ, bona tiꞌara ara hadua hangko i oloꞌtaꞌ to tiꞌara molámbiꞌ apa to Nadándi miꞌi iti.

Iberani 4:11

Mewaliꞌ halalu-halalu, hangaa-ngaa tapári-pári bona molámbiꞌkeꞌ pengkarooá hingkakani hai Pueꞌ Ala, hai ineeꞌkeꞌ mosuliꞌ hangko i pepoináláintaꞌ, nodo toIahudiꞌ hangkoia to tiꞌara mampeuláꞌi hawaꞌNa.

Iberani 5:9

Ánti pengkoruꞌNa iti, Iesu mewaliꞌ Topehómpóꞌ to tiꞌara ara kamakuraꞌNa, hai ánti kaꞌIana, upu-upu tauna to mengkoruꞌ i Hia ina molámbiꞌ katueꞌ to maroꞌa to tiꞌara mokahópóꞌá.

1 Peturuꞌ 2:11

Halalu-halalu to kupokaꞌahiꞌ! Kitaꞌ i duniáꞌ deꞌe, nodo pekeꞌ tohaweꞌ ba topolilo. Onoꞌ miꞌi haneꞌi kuweꞌikou laluita: ineeꞌkou mouláꞌ peundeꞌána lalumi to kadake, láwiꞌ peundeꞌána lalumi to kadake iti moewaꞌ peundeꞌámi mengkoruꞌ i Pueꞌ Ala.

2 Peturuꞌ 3:18

Kupembiáꞌ bona nitámbái kamaróhóna peuláꞌmi i Pueꞌtaꞌ Iesu Kerisitu, bona nihádiá ntepuꞌu kamahilena ahiꞌNa i kómu, hai nitámbái woꞌo apa to niꞌisá mokana i Topohómpóꞌ Salaꞌtaꞌ iti. Tapomahile hangaꞌNa mantepuꞌu deꞌe-deꞌe duuꞌna i rue-ruena. Ami. Hangko i kódóꞌ, PETURUꞌ