Pilipi 2:1 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹ Mewaliꞌ halalu-halalu, maróhó lalumi ánti pohintuwuꞌmi hai Kerisitu. Lindó lalumi láwiꞌ napokaꞌahiꞌkou Kerisitu. Inao to Magasaꞌ mamporángákou. Mombepokaꞌahiꞌkou hadua hai hadua.

Pilipi 2:1 Iomraidhean Croise

Lukasi 2:25

I Ierusale, ara hadua tauna to rahangaꞌ Simeoꞌ. Ia hadua to manótó hai mengkoruꞌ i Pueꞌ Ala, hai napoinálái kaꞌina haweꞌna tempóna Pueꞌ Ala {ina mohuoꞌ Datu Topehómpóꞌ bona} mampelae toSáráeliꞌ. Hai ia naporángá Inao to Magasaꞌ to mampopaisáꞌá katiꞌárána ina mate ane tiꞌara maniꞌi moita Datu Topehómpóꞌ to nadándi Pueꞌ Ala.

Iohane 14:18

I tempóNgkuꞌ pohuꞌ, tiꞌarakou ina Kupálehi nodo ánángkóiꞌ to ilu. Ina mesuleꞌ wopaꞌAꞌ mai i kómu moliu Inao to Magasaꞌ.

Iohane 14:27

Katinda lalu Kuwoliákou. Katinda lalu hangko i Kódóꞌ, iti miꞌi to Kuweꞌikou. To Kuweꞌikou deꞌe, tiꞌara nodo to nilámbiꞌ hangko i duniáꞌ. Ineeꞌ karaoꞌ inaomi, hai ineeꞌkou malááꞌ.

Iohane 17:13

Deꞌe-deꞌe, ina laoAꞌ i Hio. Upu-upuna iti Kuhángáꞌámoheꞌ i tempóNgkuꞌ mani hingkakani hai hira i duniáꞌ deꞌe, bona ina bukeꞌ kagóeꞌraꞌ to ralámbiꞌ hangko i Kódóꞌ.

Surona Pueꞌ Iesu 2:46

Alo-alona hirámpuheꞌ i tangabaa Támbina Pueꞌ Ala. Bulá ntepuꞌu laluraꞌ mombetatarima i támbiraꞌ, hai mandeꞌheꞌ hingkakani i lalu kagóeꞌ-góeꞌ.

Surona Pueꞌ Iesu 4:32

Upu-upu tauna to mepoinálái i Iesu, mohintuwuꞌ hai hampepekiriheꞌ. Tiꞌara ara hadua to manguliꞌ, “Deꞌe párewángkuꞌ,” agáiáná upu-upu to ara i hira peisá rapopobunduꞌ tauna to moparaluu.

Roma 5:5

Hai ane mehárungákeꞌ i Pueꞌ Ala, pehárungántaꞌ iti tiꞌara ina mepakanawoꞌ, láwiꞌ upu-upu to tahárungá hangko i Hia bateꞌna ina mewaliꞌ. Taisá kamaꞌahiꞌna Pueꞌ Ala i kitaꞌ, láwiꞌ Inao to Magasaꞌ to mopatongawaꞌ i laluntaꞌ kamaꞌahiꞌNa iti.

Roma 8:26

Kitaꞌ tauna to maledeꞌ, láwiꞌ tiꞌara mpuꞌu taisá apa to hangaa-ngaa tauliꞌ ane mekakaekeꞌ. Agáiáná Inao to Magasaꞌ motulungikeꞌ láwiꞌ Naisá miꞌi apa to taparaluu, hai Ia to meraruaꞌ mopahaweꞌ pekakaentaꞌ i lindoꞌna Pueꞌ Ala.

1 Korintu 12:13

Noꞌonoꞌ woꞌo kitaꞌ to mepoinálái. Kitaꞌ upu-upu mewaliꞌkeꞌ nodo hambuaꞌ wátá, láwiꞌ rariukeꞌ upu-upu hai Inao to Magasaꞌ to hadua peá, hai kitaꞌ upu-upu molámbiꞌ Inao to Magasaꞌ to hibali, maroꞌa toIahudiꞌ ba to tiꞌara toIahudiꞌ, maroꞌa hawiꞌ ba to tiꞌara woꞌo hawiꞌ.

1 Korintu 15:31

Ánti pobágóꞌkuꞌ mopahaweꞌ Ngkóráꞌ Marasa, alo-alona ina kupomate. Toꞌu ntepuꞌu laluitangkuꞌ iti, hai toꞌu woꞌo kagóeꞌkuꞌ ánti kakómuna halalungkuꞌ, láwiꞌ mepoináláikou i Kerisitu Iesu Pueꞌtaꞌ.

1 Korintu 3:16

Tiꞌara paꞌi niꞌisá halalu-halalu: kómu ia miꞌi támbinakou Pueꞌ Ala, hai Inaona Pueꞌ Ala ara i oloꞌmi.

2 Korintu 2:14

Agáiáná kuꞌuliꞌ handaꞌ kamaroꞌana i Pueꞌ Ala, láwiꞌ ánti pohintuwuꞌtaꞌ hai Kerisitu, menangikeꞌ, hai Ia mewaliꞌ tadulakontaꞌ to moteteꞌkeꞌ oaꞌ. Iumbá peá kalaoángkiꞌ, kipahaweꞌ Ngkóráꞌ Marasa i upu-upu tauna bona peisáheꞌ woꞌo moisá Pueꞌ Ala. Ngkóráꞌ Marasa iti peisá rapándiriꞌ nodo lana to mawongi.

Galatia 4:6

Mewaliꞌ, ánti kanapoánáꞌtaꞌ Pueꞌ Ala, Ia mohuoꞌ miꞌi Inaona ÁnáꞌNa toroꞌ i laluntaꞌ. Ánti pokalena InaoNa iti i laluntaꞌ, onoꞌ miꞌi haneꞌi peisá takióꞌ Pueꞌ Ala, “Umaꞌ! Umángkiꞌ!”

Galatia 5:22

Agáiáná ane nateteꞌkeꞌ Inao to Magasaꞌ, bábehiántaꞌ node: mombepokaꞌahiꞌkeꞌ, góeꞌkeꞌ, tinda laluntaꞌ, sabaraꞌkeꞌ, maroꞌa laluntaꞌ, maroꞌa bábehiántaꞌ; tetidaꞌkeꞌ,

Epesu 4:4

Kitaꞌ upu-upu to mepoinálái i Iesu Kerisitu, mewaliꞌkeꞌ nodo hawátá-wátá, hadua peá Inao to Magasaꞌ to ara i laluntaꞌ. Noꞌonoꞌ woꞌo upu-upukeꞌ to Nakióꞌ; hibali pehárungántaꞌ,

Pilipi 1:8

Pueꞌ Ala moisá katoꞌuna laluitangkuꞌ deꞌe: rumihi ntepuꞌu kakukabilaimi, hai pekabilaingkuꞌ deꞌe nodo kamaꞌahiꞌna Kerisitu Iesu i kómu.

Pilipi 3:3

Agáiáná katoꞌuána kitaꞌ riꞌi to manótó i peitána Pueꞌ Ala, nodokeꞌ to ratileꞌ, láwiꞌ Inaona Pueꞌ Ala to moteteꞌmokeꞌ bona peisákeꞌ menómbá i Pueꞌ Ala hai mampomahile Kerisitu Iesu. Tiꞌarakeꞌ mehárungá i ádá to rabábehi peá tauna, ba bábehiántaꞌ haduduántaꞌ, {láwiꞌ tiꞌara iti to moántikeꞌ i katehómpóꞌ}.

Kolose 2:2

Tunggáiángkuꞌ deꞌe, bona maróhó lalumi upu-upu hai mombepokaꞌahiꞌkou, álána mohintuwuꞌkou hadua hai hadua. Peundeꞌángkuꞌ, bona nipoinálái hai niꞌisá ntepuꞌu tunggáiána Pueꞌ Ala to tewuniángi hangkoia, ia miꞌi bona moisákou Kerisitu.

Kolose 3:12

Pueꞌ Ala mampokaꞌahiꞌkou hai mopileꞌimokou mewaliꞌ taunáNa to magasaꞌ. Onoꞌ miꞌi haneꞌi: hangaa-ngaa niꞌisá mombetulungi, hangaa-ngaa maroꞌa lalumi hadua hai hadua, mengkaiwóiꞌkou, nipamaꞌálusuꞌ pambiárámi, hai sabaraꞌkou.

Iberani 6:18

Pueꞌ Ala tiꞌara modongkoꞌ ane mopahaweꞌ dándiNa hai totowiNa, rompákáꞌ iti tiꞌara peisá tebáliki. Onoꞌ miꞌi haneꞌi kitaꞌ to mempaisare i Pueꞌ Ala, maróhó laluntaꞌ mampegiá apa to tahárungá hangko i Hia.

1 Peturuꞌ 1:2

Hangko tiꞌara mani Napopewaliꞌ duniáꞌ deꞌe, Naisá miꞌi ami Pueꞌ Ala Umántaꞌ heáná to ina Napileꞌi mewaliꞌ taunáNa. Hai Inao to Magasaꞌ mampopewaliꞌmokou taunána Pueꞌ Ala to magasaꞌ. Onoꞌ miꞌi haneꞌi mengkoruꞌkou i Iesu Kerisitu to mopamagasaꞌkou hai waheꞌNa. Tabeá! Kupembiáꞌ bona Pueꞌ Ala mampoweꞌikou handaꞌ pewátiꞌ hai roꞌa ngkatueꞌ.

1 Iohane 3:24

Tauna to mampeuláꞌi hawaꞌna Pueꞌ Ala, mohintuwuꞌheꞌ oaꞌ hai Ia, hai Pueꞌ Ala mohintuwuꞌ woꞌo hai hira. Taisá mohintuwuꞌkeꞌ hai Pueꞌ Ala, láwiꞌ Napoweꞌimokeꞌ Inao to Magasaꞌ.

1 Iohane 4:12

Tiꞌara mani ara haweꞌ hadua to moita Pueꞌ Ala. Agáiáná kehapiꞌ noꞌonoꞌ, ane mombepokaꞌahiꞌkeꞌ hadua hai hadua, Pueꞌ Ala mohintuwuꞌ oaꞌ hai kitaꞌ, hai ahiꞌNa i lalu katueꞌtaꞌ tetámbái oaꞌ duuꞌna tiꞌara piꞌi ara kamakuraꞌna.

1 Iohane 4:16

Onoꞌ haneꞌi tahádiá kamaꞌahiꞌna Pueꞌ Ala i katueꞌtaꞌ hai mehárungákeꞌ i kamaꞌahiꞌNa i kitaꞌ. Pueꞌ Ala ia miꞌi ahiꞌ. Mewaliꞌ heáná to mampokaꞌahiꞌ oaꞌ hángká rángána, ia miꞌi to mohintuwuꞌ hai Pueꞌ Ala, hai Pueꞌ Ala mohintuwuꞌ hai ia.