Pilipi 1:8 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁸ Pueꞌ Ala moisá katoꞌuna laluitangkuꞌ deꞌe: rumihi ntepuꞌu kakukabilaimi, hai pekabilaingkuꞌ deꞌe nodo kamaꞌahiꞌna Kerisitu Iesu i kómu.

Pilipi 1:8 Iomraidhean Croise

Lukasi 1:78

Ánti kamaꞌahiꞌna Pueꞌ Ala, Ia mai hangko i surugáꞌ maimokeꞌ Napelae. Nodo pembetona alo,

Roma 1:9

Hangko i lalungkuꞌ ntepuꞌu mampopolumaoaꞌ bágóꞌ to naweꞌiaꞌ Pueꞌ Ala. Bágóꞌkuꞌ iti, mopahaweꞌ Ngkóráꞌ Marasa mokana i ÁnáꞌNa. Hai Pueꞌ Ala moisá ntepuꞌu lalungkuꞌ. Naisá kakukábeláimi oaꞌ i lalu pekakaengkuꞌ.

Roma 9:1

Toꞌu ntepuꞌu laluitangkuꞌ deꞌe, tiꞌaraꞌaꞌ modongkoꞌ. Kerisitu to moisá lalungkuꞌ, hai kamanótóna lalungkuꞌ deꞌe nasabiki Inao to Magasaꞌ.

2 Korintu 13:9

Góeꞌ lalungkiꞌ ane kaiꞌ to maledeꞌ, hai kómu to maróhó. Hai iti miꞌi to kipekakaeá, bona tiꞌara mpuꞌu ara kamakuraꞌmi i pepoináláimi.

2 Korintu 6:12

Tiꞌara kaiꞌ to tiꞌara maꞌahiꞌ i kómu, agáiáná kómu riꞌi to tiꞌara piꞌi maꞌahiꞌ i kaiꞌ.

2 Korintu 7:15

Hai ia woꞌo, tetámbái ahiꞌna i kómu, láwiꞌ nabuhinao noumbá pampeuláꞌimi hawaꞌna. Nitarima maroꞌa hai nipengkoruꞌi ntepuꞌu. Tiꞌara niundeꞌ mobábehi to salaꞌ.

Galatia 1:20

Apa to kuꞌukiꞌ deꞌe bateꞌna toꞌu. Pueꞌ Ala to mangisá lalungkuꞌ!

Galatia 3:26

Mewaliꞌ kómu upu-upu, napoánáꞌmokou Pueꞌ Ala ánti pepoináláimi i Iesu Kerisitu.

Galatia 4:19

Halalu-halalu, kurekeꞌ ntepuꞌumokou ánáꞌkuꞌ. Agáiáná hangkani mani mapári lalungkuꞌ mampepekirikou. Kamapárina lalungkuꞌ deꞌe nodo kamapárina hadua towawine to humádi, hai ina mapári oaꞌ lalungkuꞌ duuꞌna pambiárámi hibali hai pambiárána Kerisitu.

Pilipi 2:1

Mewaliꞌ halalu-halalu, maróhó lalumi ánti pohintuwuꞌmi hai Kerisitu. Lindó lalumi láwiꞌ napokaꞌahiꞌkou Kerisitu. Inao to Magasaꞌ mamporángákou. Mombepokaꞌahiꞌkou hadua hai hadua.

Pilipi 2:26

Rángina kuhuoꞌ mesuleꞌ deꞌe-deꞌe, láwiꞌ ia mabila ntepuꞌu miꞌi i kómu upu-upu, hai masusa laluna láwiꞌ nihádi miꞌi kamaduꞌana.

Pilipi 4:1

Mewaliꞌ, halalu-halalu to kupokaꞌahiꞌ hai kukabilai: kupembiáꞌ bona nipakaróhó pepoináláimi i Pueꞌ. Kómu miꞌi to kupomahile hai kupokagóeꞌ ntepuꞌu.

Kolose 2:1

Kupoinao bona niꞌisá noumbá kamatimina pobágóꞌkuꞌ i upu-upu tauna to mepoinálái to tiꞌara maniaꞌ moisá, tepasuaꞌ kómu to i kótá Kolose hai to i kótá Laodikia.

Kolose 3:12

Pueꞌ Ala mampokaꞌahiꞌkou hai mopileꞌimokou mewaliꞌ taunáNa to magasaꞌ. Onoꞌ miꞌi haneꞌi: hangaa-ngaa niꞌisá mombetulungi, hangaa-ngaa maroꞌa lalumi hadua hai hadua, mengkaiwóiꞌkou, nipamaꞌálusuꞌ pambiárámi, hai sabaraꞌkou.

1 Tesalonika 2:5

Niꞌisá miꞌi, halalu-halalu, tiꞌaraꞌangkaiꞌ mopahaweꞌ apa to mopagóeꞌ peá lalumi. Tiꞌaraꞌangkaiꞌ mampe to maroꞌa bona molámbiꞌangkaiꞌ ba apa-apa hangko i kómu. Pueꞌ Ala to mosabiki!

1 Tesalonika 2:8

Ánti kamaꞌahiꞌkiꞌ i kómu, góeꞌangkaiꞌ mopahaweꞌákou Ngkóráꞌ Marasa to hangko i Pueꞌ Ala, hai tiꞌara iti peá. Mogalo riꞌi katueꞌkiꞌ, kihuhuꞌ bona peisákou kitulungi.

2 Timotiu 1:4

Alo-alona, kukábeláikoꞌ i lalu pekakaengkuꞌ. Kubuhinao kateriaꞌmu i tempóntaꞌ mogááꞌ. Mabilaꞌaꞌ i hio, hai ina góeꞌ ntepuꞌuaꞌ ane kuita wopakoꞌ.

Pilemo 1:12

Mewaliꞌ deꞌe-deꞌe, ánáꞌkuꞌ to kupokaꞌahiꞌ iti, kuhuoꞌ mesuleꞌ huleꞌ lao i hio.

Pilemo 1:20

Ánti pohintuwuꞌtaꞌ hai Pueꞌ, kupembiáꞌ bona nupeuláꞌi wongkódóꞌá pembiáꞌkuꞌ deꞌe: ánti pohalaluntaꞌ i lalu Kerisitu, nutarima miꞌi huleꞌ Onesimu, bona góeꞌ lalungkuꞌ.

1 Iohane 3:17

Rápáꞌna, ane ara hadua tauna to maroꞌa tueꞌna, hai ia moita halaluna to meahiahiꞌ tueꞌna, noumbá ane tauna iti mampokabohiꞌ riꞌi apa to naparaluu halaluna iti? Ane nabábehiꞌi noꞌonoꞌ, lempóna ahiꞌna Pueꞌ Ala tiꞌara ara i tauna iti.