Pilipi 1:7 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁷ Kubuhinaokou oaꞌ, hai hintotoꞌ ntepuꞌu noꞌonoꞌ, láwiꞌ nitulungiaꞌ oaꞌ i lalu pobágóꞌkuꞌ to naweꞌiaꞌ Pueꞌ Ala ánti kabulána laluNa, maroꞌa deꞌe-deꞌe tangaꞌkuꞌ ratarungku, maroꞌa i kamohánikingkuꞌ tauna to mosápuáka Ngkóráꞌ Marasa, hai tempóngkuꞌ mopakanótó katoꞌuna Ngkóráꞌ Marasa iti.

Pilipi 1:7 Iomraidhean Croise

2 Korintu 7:3

Tunggáiángkuꞌ, tiꞌarakou kusalaꞌi, láwiꞌ nodo miꞌi to kuꞌuliꞌ, rumihi kamaꞌahiꞌkiꞌ i kómu. Tueꞌangkaiꞌ ba mateangkaiꞌ, bateꞌna kipokaꞌahiꞌkou.

Pilipi 1:5

láwiꞌ hangko i rungu-runguna i kamohádimi Ngkóráꞌ Marasa duuꞌna deꞌe-deꞌe, nitulungiaꞌ i lalu pobágóꞌkuꞌ mopahaweꞌ Ngkóráꞌ Marasa to hangko i Pueꞌ Ala.

2 Timotiu 2:9

Ánti kamopahaweꞌkuꞌ Ngkóráꞌ Marasa, onoꞌ miꞌi haneꞌi kulámbiꞌ kapári, duuꞌna ratimpukuaꞌ ieneꞌ i lalu tarungku, nodoaꞌ hadua tauna to kadake. Agáiáná ngkóráꞌna Pueꞌ Ala tiꞌara peisá ratimpuku,

Kolose 4:18

Tabeá to kahópóꞌána deꞌe, kuꞌukiꞌ hai taengkuꞌ haduduángkuꞌ. Kupembiáꞌ bona nibuhinaoaꞌ hai nipekakaeáꞌaꞌ wongkódóꞌá, láwiꞌ ratarungku maniaꞌ. Pueꞌ Ala mowátiꞌkou. Hangko i kódóꞌ, PAULU

Pilipi 4:14

Agáiáná kehapiꞌ noꞌonoꞌ, maroꞌa ntepuꞌu lalumi motulungiaꞌ tangaꞌkuꞌ i lalu kapári deꞌe.

Epesu 6:20

Pueꞌ Iesu mopileꞌiaꞌ mewaliꞌ suroNa moánti Ngkóráꞌ Marasa, álána deꞌe-deꞌe ratarungkuaꞌ. Mewaliꞌ, kupembiáꞌ bona nipekakaeáꞌaꞌ bona pebáiꞌaꞌ mopahaweꞌ Ngkóráꞌ Marasa, láwiꞌ iti to hangaa-ngaa kubábehi.

Epesu 3:1

Kitaꞌ toIahudiꞌ hai to tiꞌara toIahudiꞌ, mohintuwuꞌmokeꞌ ánti pobágóꞌna Kerisitu, hai kódóꞌ Paulu ratarungkuaꞌ ánti pobágóꞌkuꞌ moánti Ngkóráꞌ Marasa kana i Kerisitu i kómu to tiꞌarakou toIahudiꞌ.

Surona Pueꞌ Iesu 20:23

Agáiáná to kuisá ia miꞌi: i upu-upu kótá to kupoliui, napakanótó Inao to Magasaꞌ bateꞌkuꞌ ina ratarungku hai molámbiꞌaꞌ kapári.

1 Iohane 3:14

Ane tapokaꞌahiꞌ halalu hampepepoináláintaꞌ, taisá katekábáhántaꞌ miꞌi hangko i kapate hai kamolámbiꞌtaꞌ miꞌi katueꞌ to maroꞌa to tiꞌara mokahópóꞌá. Tauna to tiꞌara mampokaꞌahiꞌ halalu hampepepoináláina, tiꞌara mani tekábáhá hangko i kapate.

2 Peturuꞌ 1:13

Láwiꞌ kuisá miꞌi tiꞌara piꞌi marue ina mateaꞌ hintotoꞌ hai apa to napahaweꞌámoꞌ Iesu Kerisitu Pueꞌtaꞌ. Mewaliꞌ, tangaꞌkuꞌ mani tueꞌ, hangaa-ngaa kupahaweꞌákou bona nibuhinao upu-upu iti.

1 Peturuꞌ 4:13

Ngkáliꞌna riꞌi hangaa-ngaa nipokagóeꞌ, láwiꞌ molámbiꞌmokou kapári nodo to morampe Kerisitu. Onoꞌ miꞌi haneꞌi, ane haweꞌ miꞌi tempóna Kerisitu mopatongawaꞌ peawaꞌNa i upu-upu tauna, ina góeꞌ ntepuꞌukou.

Iberani 3:1

Halalu-halalu to mewaliꞌ taunána Pueꞌ Ala to Nakióꞌ mesuaꞌ i surugáꞌ! Nipailalu kaheánána Iesu. Ia miꞌi Huoꞌána Pueꞌ Ala hai Tadulako Menómbá Mahile to tapoinálái.

2 Timotiu 1:8

Mewaliꞌ ineeꞌkoꞌ mahili mewaliꞌ sabiꞌna Pueꞌ Iesu, hai ineeꞌkoꞌ woꞌo mahili ánti kakódóꞌna toratarungku. Ratarungkuaꞌ láwiꞌ mopahaweꞌaꞌ ngkóráꞌna Pueꞌ Ala. Mewaliꞌ io woꞌo hangaa-ngaa timamakoꞌ mantódihá kapári ánti pobágóꞌmu mopahaweꞌ Ngkóráꞌ Marasa. Pueꞌ Ala ina mampoweꞌikoꞌ róhó bona nubuku mantódihá kapári iti.

1 Tesalonika 5:5

Kómu upu-upu ara miꞌi i lalu kamabaa láwiꞌ mepoináláimokou. Tiꞌarapokeꞌ mobábehi to kadake nodo to rabábehi tauna to ara mani i lalu kamakáindi.

Kolose 4:3

Hai nipekakaeáꞌangkaiꞌ woꞌo, bona Pueꞌ Ala mampobungkáhiáꞌangkaiꞌ rárá mopahaweꞌ ngkóráꞌNa mokana i tunggáiáNa to tewuniángi hangkoia, to deꞌe-deꞌe nabukeki miꞌi Kerisitu. Hai kódóꞌ ratarungkuaꞌ ánti popahaweꞌkuꞌ bámbári iti.

Epesu 4:1

Kódóꞌ deꞌe to ratarungkuaꞌ ánti pobágóꞌkuꞌ i Pueꞌ, kupembiáꞌ bona katueꞌmi hintotoꞌ hai tauna to nakióꞌ mewaliꞌ ánáꞌna Pueꞌ Ala.

Galatia 5:6

Ane mohintuwuꞌkeꞌ hai Kerisitu Iesu, tiꞌara ádá petileꞌ to paraluu, agáiáná to paraluu ntepuꞌu ia miꞌi pepoinálái to tongawaꞌ i kamaꞌahiꞌtaꞌ i hángká rángántaꞌ.

2 Korintu 3:2

Kómu miꞌi to nodo sura petóiá to teukiꞌ i lalungkiꞌ. {Ánti katebálikina lalumi,} upu-upu tauna to moita katueꞌmi moisá kamaroꞌana pobágóꞌkiꞌ moánti Ngkóráꞌ Marasa i kómu.

1 Korintu 13:7

mokádipurákeꞌ hangaꞌ tauna, mepoináláikeꞌ oaꞌ, mehárungákeꞌ oaꞌ, hai sabaraꞌkeꞌ oaꞌ kehapiꞌ ba apa miꞌi to morampekeꞌ.

1 Korintu 9:23

Upu-upu iti kubábehi bona tetámbái tauna to mepoinálái i Ngkóráꞌ Marasa, hai bona molámbiꞌaꞌ woꞌo pewátiꞌ hingkakani hai hira.

Surona Pueꞌ Iesu 21:33

Roo onoꞌ, kapalaꞌ tadulako surudadoꞌ iti mohakaꞌ Paulu hai mohuoꞌ surudadoꞌna morante taena rombali, haneꞌi napekuneꞌ, “Heáná tauna deꞌe? Apa to nabábehi?”

1 Peturuꞌ 5:1

Ara woꞌo pembiáꞌkuꞌ i kómu to mewaliꞌ pinátuá i jemaꞌa-jemaꞌa. Kuꞌukiꞌákou deꞌe láwiꞌ kódóꞌ woꞌo hadua pinátuá, hai kuita mata kapári to morampe Kerisitu hangkoia. Ane haweꞌ Kerisitu i lalu peawaꞌNa, peawaꞌNa iti ina rapatongawaꞌ i upu-upu tauna, hai ina molámbiꞌaꞌ woꞌo gáláꞌkuꞌ i lalu peawaꞌNa iti.

Pilipi 1:12

Mewaliꞌ halalu-halalu, kuꞌundeꞌ bona niꞌisá, kehapiꞌaꞌ ratarungku, góeꞌaꞌ, láwiꞌ ánti kamapáringkuꞌ deꞌe, katetátámbáiá tauna to mohádi hai mampoinálái Ngkóráꞌ Marasa.

Pilipi 1:13

Surudadoꞌ to mokámpái támbina datu hai handaꞌ tauna ieneꞌ, moisáheꞌ karatarungkungkuꞌ ánti peuláꞌkuꞌ i Kerisitu.

Pilipi 1:14

Noꞌonoꞌ woꞌo, tepakaróhó pepoináláiraꞌ handaꞌ toSarani ieneꞌ, láwiꞌ moitaheꞌ noumbá Pueꞌ motulungiaꞌ i karatarungkungkuꞌ, álána tiꞌarapoheꞌ malááꞌ, agáiáná kapepebáiꞌáraheꞌ mopahaweꞌ ngkóráꞌna Pueꞌ Ala.

Pilipi 2:22

Agáiáná tongawaꞌ katetidaꞌna Timotiu, láwiꞌ ia mobágóꞌ hingkakani hai kódóꞌ mopahaweꞌ Ngkóráꞌ Marasa. Hai Timotiu deꞌe kurekeꞌ nodo ánáꞌkuꞌ i lalu pobágóꞌkiꞌ.

Pilipi 4:3

Hai Susugo hampopobágóꞌkuꞌ to tetidaꞌ lalumu, kupembiáꞌ bona nutulungi wohiraꞌá towawine to rodua iti, bona ineeꞌmoheꞌ paka mosisalaꞌ. Tangaꞌkuꞌ mani hingkakani hai kómu, madotaheꞌ mamporángáꞌaꞌ mopahaweꞌ Ngkóráꞌ Marasa hingkakani hai Keleme hai hampopobágóꞌkuꞌ to ntániꞌna. Hangaꞌraꞌ upu-upu teukiꞌ miꞌi i lalu Sura Ngkatueꞌ, {láwiꞌ molámbiꞌmoheꞌ katueꞌ to tiꞌara mokahópóꞌá}.

Pilipi 4:15

Niꞌisá miꞌi halalungkuꞌ toPilipi, rungu-runguna tempóngkuꞌ mopahaweꞌ Ngkóráꞌ Marasa i kótámi, hai i kapohuꞌkuꞌ hangko i tampoꞌ Makedonia, tiꞌara ara jemaꞌa ntániꞌna to motulungiaꞌ, bateꞌna peá kómu.

Pilemo 1:13

Katoꞌuána, kupoinao mani kukóntó ieneꞌ hingkakani hai kódóꞌ, láwiꞌ kurekeꞌ miꞌi sulewátámu to motulungiaꞌ tangaꞌkuꞌ ratarungku ánti pobágóꞌkuꞌ moánti Ngkóráꞌ Marasa.