Pilipi 1:6 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁶ Pueꞌ Ala haduduáNa to mokale i lalumi, hai maroꞌa ntepuꞌu apa to Natepuꞌu miꞌi Nabábehi i lalu katueꞌmi. Kupoinálái Pueꞌ Ala ina mopaliliu bágóꞌNa iti, duuꞌna apa to Natunggái i lalu katueꞌmi ina tepabukeꞌi i alo kahaweꞌána huleꞌ Kerisitu Iesu.

Pilipi 1:6 Iomraidhean Croise

Iohane 6:29

Nauliꞌ Iesu, “Deꞌe miꞌi to naundeꞌ Pueꞌ Ala bona nibábehi: mepoináláimokou i Kódóꞌ to Nahuoꞌ mai.”

Surona Pueꞌ Iesu 11:18

Karahádina tauna to natuntu iti, tiꞌarapoheꞌ mosalaꞌi Peturuꞌ, ngkáliꞌna riꞌi motóiáheꞌ Pueꞌ Ala, rauliꞌ, “Deꞌe-deꞌe tongawaꞌ miꞌi, Pueꞌ Ala motarimaheꞌ woꞌo tauna to tiꞌara toIahudiꞌ, hai Naweꞌiheꞌ tempó menosoꞌ hangko i dósáraꞌ bona peisáheꞌ woꞌo molámbiꞌ katueꞌ to maroꞌa to tiꞌara mokahópóꞌá.”

Surona Pueꞌ Iesu 16:14

I oloꞌraꞌ ara hadua towawine to rahangaꞌ Lidia hangko i kótá Tiatira. Lidia iti, topobaluꞌ-baluꞌ báná to makámumu to masuliꞌ hólóna, hai ia mengkoruꞌ i Pueꞌ Ala. Pueꞌ Ala mobungkáhi pekirina, álána natarima apa to napaturoꞌá Paulu.

1 Korintu 1:8

Ia ina mopakaróhó pepoináláimi duuꞌna i kahópóꞌána duniáꞌ, bona i kahaweꞌna huleꞌ Pueꞌtaꞌ Iesu Kerisitu, tiꞌara piꞌi ina ara kamasalaꞌmi.

2 Korintu 1:15

Mewaliꞌ, ánti kakuisána upu-upuna iti, onoꞌ miꞌi haneꞌi ara tunggáiángkuꞌ ina lao moweoꞌkou karongkánina, bona rongkanikou molámbiꞌ pewátiꞌ.

2 Korintu 2:3

Onoꞌ tunggáiángkuꞌ haneꞌi kupakatu miꞌi hambuaꞌ sura i kómu hangkoia, bona ane haweꞌaꞌ, tiꞌara piꞌi nipakasusa lalungkuꞌ. Láwiꞌ katoꞌuána, kómu riꞌi to hangaa-ngaa mopagóeꞌ lalungkuꞌ. Hai kuisá, ane góeꞌaꞌ, kómu woꞌo ina góeꞌ.

2 Korintu 7:16

Mewaliꞌ halalu-halalu, hangkani mani kuꞌuliꞌ: góeꞌ ntepuꞌuaꞌ deꞌe-deꞌe, láwiꞌ peisámokou kuhárungá i upu-upuna.

2 Korintu 9:4

Láwiꞌ ane haweꞌheꞌ toMakedonia to mamporángáꞌaꞌ lao i kómu, hai ane rápáꞌna tiꞌara mani terámpu dóiꞌ petulungimi, ina rumihi kamahilingkiꞌ, láwiꞌ roomokou kitóiá i lindoꞌraꞌ. Hai kómu woꞌo ina mahilikou.

Galatia 5:10

Agáiáná kehapiꞌ noꞌonoꞌ, bateꞌna kupoinálái katiꞌárána nipeuláꞌi paturoꞌ to mepawuli iti, láwiꞌ mohintuwuꞌmokou hai Pueꞌ Iesu. Hai tongawaꞌ woꞌo i kódóꞌ, heáná to mopawulikou moliu paturoꞌna, bateꞌna ina nahuku Pueꞌ Ala.

Epesu 4:12

Nagáláꞌ-gáláꞌ mampopengaa kapánde iti bona kitaꞌ to mepoinálái peisá mampopolumao bágóꞌ to naweꞌikeꞌ Pueꞌ. Láwiꞌ ane iti to tabábehi, kitaꞌ to rauliꞌ Wátána Kerisitu ina tetámbái kamaróhóna pepoináláintaꞌ,

Pilipi 1:10

Halalu-halalu, upu-upu iti kupembiáꞌ, bona niꞌisá rárá mopileꞌi apa to maroꞌa ntepuꞌu, hai bona magasaꞌ katueꞌmi duuꞌna tiꞌara piꞌi ara kamasalaꞌmi i alo kahaweꞌána huleꞌ Kerisitu.

Pilipi 1:29

Mewaliꞌ, ineeꞌkou malááꞌ i tauna to moewaꞌkou, láwiꞌ Pueꞌ Ala mopatongawaꞌ miꞌi kamaroꞌaNa i kómu, hai Napileꞌikou, tiꞌara peá bona mepoináláikou i Kerisitu, ngkáliꞌna riꞌi ara woꞌo tunggáiáNa bona molámbiꞌkou kapári, álána hangaꞌna Kerisitu rapomahile.

Pilipi 2:12

Mewaliꞌ halalu-halalu to kupokaꞌahiꞌ, kuisá kamampeuláꞌimi hawaꞌna Pueꞌ Ala tempóngkuꞌ mani ara hingkakani hai kómu. Pelumbuꞌna mani deꞌe-deꞌe i tempóngkuꞌ karaoꞌ hangko i kómu, kupembiáꞌ bona nipakaroꞌa bábehiámi hai nibábehi apa to hintotoꞌ i tauna to nahómpóki miꞌi Pueꞌ Ala hangko i huku dósáraꞌ, duuꞌna tiꞌara ara kamakuraꞌmi. Mengkoruꞌkou i Pueꞌ Ala, hai nipokalááꞌ mobábehi apa to kadake,

Pilipi 2:13

láwiꞌ Pueꞌ Ala to mampopokale lalumi haneꞌi nipoinao mampeuláꞌi peundeꞌáNa, hai Ia to mampoweꞌikou karóhó lalu bona nibuku mouláꞌ peundeꞌáNa.

Pilipi 2:16

tangaꞌmi mopahaweꞌ i hira Ngkóráꞌ Marasa to mopaꞌara katueꞌ to tiꞌara mokahópóꞌá. Mewaliꞌ halalu-halalu, ane noꞌonoꞌi oaꞌ bábehiámi, i alo kahaweꞌána huleꞌ Kerisitu, ina góeꞌ lalungkuꞌ láwiꞌ bábehiámi iti to mopatongawaꞌ katiꞌárána mbero-mbero bágóꞌkuꞌ i oloꞌmi, hai upu-upu to kupaturoꞌákou mobunduꞌ i katueꞌmi.

Kolose 2:12

I tempómi rariu, kómu nodo tauna to mate hai ratawu hingkakani hai Kerisitu, {láwiꞌ mokábáhámokou katueꞌmi hai bábehiámi hangkoia}. Hai i karariumi iti, kómu mewaliꞌkou nodo tauna to rapatueꞌ huleꞌ hingkakani hai Ia, {láwiꞌ molámbiꞌmokou katueꞌ to woꞌu} ánti pohintuwuꞌmi hai Iesu hai pepoináláimi i kuasaꞌna Pueꞌ Ala to mopatueꞌ huleꞌ Iesu hangko i kapate.

1 Tesalonika 1:3

Ane mekakaeangkaiꞌ i Pueꞌ Ala Umántaꞌ, kibuhinao oaꞌ pobágóꞌmi i Pueꞌ ánti pepoináláimi, kibuhinao petulungimi i hángká rángámi ánti kamaꞌahiꞌmi, hai kibuhinao kamantahami i lalu kapári ánti pehárungámi i Pueꞌtaꞌ Iesu Kerisitu.

2 Tesalonika 1:11

Halalu-halalu, onoꞌ miꞌi haneꞌi kipekakaeákou oaꞌ, bona mewaliꞌkou hintotoꞌ i kanapileꞌimi miꞌi Pueꞌ Ala. Kipembiáꞌ bona moliu kuasaꞌNa, Ia mampopewaliꞌ upu-upu tunggáiámi to maroꞌa hai mopamagánái upu-upu to nipobágóꞌ ánti pepoináláimi i Pueꞌ Iesu.

2 Tesalonika 3:4

Mewaliꞌ, ánti katetidaꞌna Pueꞌ i kómu, onoꞌ miꞌi haneꞌi kiꞌisá ntepuꞌu kanipeuláꞌina apa to kipaturoꞌákou, hai kiꞌisá woꞌo paturoꞌ iti ina nipeuláꞌi oaꞌ.

Pilemo 1:21

Sura deꞌe kuꞌukiꞌákoꞌ, láwiꞌ kupoinálái ntepuꞌu kaꞌina nupeuláꞌina. Hai kuisá bateꞌna ina melumbuꞌ to nubábehi hangko i apa to kupembiáꞌ.

Iberani 10:35

Onoꞌ miꞌi haneꞌi, ineeꞌ nikábáhá pepoináláimi i Pueꞌ, láwiꞌ ane mepoináláikou oaꞌ, ina mahile ntepuꞌu háwángina to ina nilámbiꞌ.

Iberani 12:2

Hangaa-ngaa tapeita oaꞌ Iesu, láwiꞌ Ia to tepaioruá mobungkáhi rárá pepoinálái hai mopagánái pepoinálái. Iesu mantódihá kapári i kau mombehape. Rárá kamateNa iti katoꞌuána mepakahiliá i Hia, agáiáná kehapiꞌ noꞌonoꞌ, tiꞌara Napailalu. Bateꞌna peá Napehuhuꞌá wátáNa rapakuꞌ i kau mombehape, láwiꞌ Nabuhinao oaꞌ kagóeꞌ to ina Nalámbiꞌ ane hópóꞌ miꞌi bágóꞌNa, onoꞌ haneꞌi deꞌe-deꞌe Ia mehoda miꞌi tándáꞌ i kuánána pehodaꞌá kadatuána Pueꞌ Ala i surugáꞌ.

1 Peturuꞌ 5:10

Hai ane maliu miꞌi kapári to hampaiꞌ peá iti, Pueꞌ Ala ina mopagánái apa to makuraꞌ mani i lalu katueꞌmi. Lempóna, Ia ina mopakaróhó woꞌo pepoináláimi, mopakanótó katueꞌmi hai mopatetidaꞌ lalumi. Láwiꞌ Pueꞌ Ala Ia miꞌi pentóáꞌána upu-upu ahiꞌ. Ia to mopileꞌikou mewaliꞌ ánáꞌNa, bona ánti pohintuwuꞌmi hai Kerisitu Iesu, ina molámbiꞌkou gáláꞌmi i lalu peawaꞌNa to tiꞌara mokahópóꞌá.

2 Peturuꞌ 3:10

Agáiáná bateꞌna ina haweꞌ mpuꞌu Pueꞌ, hai kahaweꞌNa iti ina nodo kahaweꞌna topanako. I alo iti ina rahádi pewoo to meriringkuꞌi, langiꞌ ina matántá, hai upu-upu to ara i langiꞌ ina naꞌandeꞌ api. Duniáꞌ deꞌe hai upu-upu óntóꞌna ina tuna.