Pilipi 1:5 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁵ láwiꞌ hangko i rungu-runguna i kamohádimi Ngkóráꞌ Marasa duuꞌna deꞌe-deꞌe, nitulungiaꞌ i lalu pobágóꞌkuꞌ mopahaweꞌ Ngkóráꞌ Marasa to hangko i Pueꞌ Ala.

Pilipi 1:5 Iomraidhean Croise

Surona Pueꞌ Iesu 2:42

Roo onoꞌ, handaꞌ tauna to hangko mepoinálái i Iesu mampehádingiheꞌ oaꞌ paturoꞌraꞌ surona Pueꞌ Iesu, hai moromu-romuheꞌ oaꞌ. Mandeꞌheꞌ hingkakani, mandeꞌheꞌ rótiꞌ ánti pambuhinaoraꞌ Pueꞌ Iesu, hai mekakaeheꞌ.

Roma 11:17

ToIahudiꞌ peisáheꞌ rapándiriꞌ nodo hampóꞌá kau saitu to rakádipurá. Dáꞌána hanggááꞌ nahapeki Pueꞌ Ala, hai i pohapekiána iti, Napatakaꞌ dáꞌá kau saitu to tiꞌara rakádipurá, bona dáꞌángkau iti tueꞌ hangko i kálándá kau to rakádipurá. Dáꞌángkau to Napopentakaꞌ iti, ia miꞌi kómu to tiꞌarakou toIahudiꞌ.

Roma 12:13

Nitulungiheꞌ halalu hampepepoináláimi to ara kamakuraꞌraꞌ. Hangaa-ngaa góeꞌkou motarima torare.

Roma 15:26

láwiꞌ toSarani to tiꞌaraheꞌ toIahudiꞌ i tampoꞌ Makedonia hai Akaia deꞌe, morámpumoheꞌ dóiꞌ bona raweꞌi to meahiahiꞌ tueꞌraꞌ i oloꞌraꞌ halalu hampepepoináláintaꞌ to ara i Ierusale.

1 Korintu 1:9

Hai Pueꞌ Ala peisá tapoinálái mobukeki dándiNa i kitaꞌ, láwiꞌ Ia to mopileꞌimokou bona mohintuwuꞌkou hingkakani hai ÁnáꞌNa Iesu Kerisitu Pueꞌtaꞌ.

2 Korintu 8:1

Kaliliuána halalu-halalu, kipoinao kihángáꞌákou apa to pewaliꞌ ieneꞌ i tampoꞌ Makedonia. Mahile ahiꞌna Pueꞌ i jemaꞌa-jemaꞌa i Makedonia.

Epesu 3:6

Deꞌe miꞌi tunggáiáNa to tewuniángi iti, bona tauna to tiꞌara toIahudiꞌ molámbiꞌheꞌ woꞌo pewátiꞌ hangko i Pueꞌ Ala hingkakani hai toIahudiꞌ. Mewaliꞌ mohintuwuꞌmoheꞌ hai hingkani-ngkanimoheꞌ molámbiꞌ apa to nadándi Pueꞌ Ala i upu-upu ánáꞌNa. Iti ralámbiꞌ ánti pohintuwuꞌraꞌ hai Kerisitu Iesu, láwiꞌ mepoináláiheꞌ i Ngkóráꞌ Marasa.

Pilipi 1:12

Mewaliꞌ halalu-halalu, kuꞌundeꞌ bona niꞌisá, kehapiꞌaꞌ ratarungku, góeꞌaꞌ, láwiꞌ ánti kamapáringkuꞌ deꞌe, katetátámbáiá tauna to mohádi hai mampoinálái Ngkóráꞌ Marasa.

Pilipi 1:27

Mewaliꞌ halalu-halalu, to hangaa-ngaa nipaioru ia miꞌi, bábehiámi hangaa-ngaa hintotoꞌ hai bábehiána tauna to mepoinálái i Ngkóráꞌ Marasa kana i Kerisitu. Hangaa-ngaa nibábehi noꞌonoꞌ, bona ane mohidupaꞌ manikeꞌ ba tiꞌara, bateꞌna ina kuisá pohintuwuꞌmi i lalu pobágóꞌmi mopahaweꞌ Ngkóráꞌ Marasa to mopaꞌara pepoinálái to maróhó.

Pilipi 1:7

Kubuhinaokou oaꞌ, hai hintotoꞌ ntepuꞌu noꞌonoꞌ, láwiꞌ nitulungiaꞌ oaꞌ i lalu pobágóꞌkuꞌ to naweꞌiaꞌ Pueꞌ Ala ánti kabulána laluNa, maroꞌa deꞌe-deꞌe tangaꞌkuꞌ ratarungku, maroꞌa i kamohánikingkuꞌ tauna to mosápuáka Ngkóráꞌ Marasa, hai tempóngkuꞌ mopakanótó katoꞌuna Ngkóráꞌ Marasa iti.

Pilipi 2:12

Mewaliꞌ halalu-halalu to kupokaꞌahiꞌ, kuisá kamampeuláꞌimi hawaꞌna Pueꞌ Ala tempóngkuꞌ mani ara hingkakani hai kómu. Pelumbuꞌna mani deꞌe-deꞌe i tempóngkuꞌ karaoꞌ hangko i kómu, kupembiáꞌ bona nipakaroꞌa bábehiámi hai nibábehi apa to hintotoꞌ i tauna to nahómpóki miꞌi Pueꞌ Ala hangko i huku dósáraꞌ, duuꞌna tiꞌara ara kamakuraꞌmi. Mengkoruꞌkou i Pueꞌ Ala, hai nipokalááꞌ mobábehi apa to kadake,

Pilipi 2:22

Agáiáná tongawaꞌ katetidaꞌna Timotiu, láwiꞌ ia mobágóꞌ hingkakani hai kódóꞌ mopahaweꞌ Ngkóráꞌ Marasa. Hai Timotiu deꞌe kurekeꞌ nodo ánáꞌkuꞌ i lalu pobágóꞌkiꞌ.

Pilipi 4:3

Hai Susugo hampopobágóꞌkuꞌ to tetidaꞌ lalumu, kupembiáꞌ bona nutulungi wohiraꞌá towawine to rodua iti, bona ineeꞌmoheꞌ paka mosisalaꞌ. Tangaꞌkuꞌ mani hingkakani hai kómu, madotaheꞌ mamporángáꞌaꞌ mopahaweꞌ Ngkóráꞌ Marasa hingkakani hai Keleme hai hampopobágóꞌkuꞌ to ntániꞌna. Hangaꞌraꞌ upu-upu teukiꞌ miꞌi i lalu Sura Ngkatueꞌ, {láwiꞌ molámbiꞌmoheꞌ katueꞌ to tiꞌara mokahópóꞌá}.

Pilemo 1:17

Mewaliꞌ, ane nurekeꞌaꞌ rángámu to hampepepoináláimu, kupembiáꞌ bona nutarima huleꞌ Onesimu nodo kanutarimangkuꞌ.

Iberani 3:14

Mobágóꞌkeꞌ hingkakani hai Kerisitu, asalaꞌ apa to tapoinálái hangko i rungu-runguna, tatibaaꞌ ntepuꞌu duuꞌna i kahópóꞌána.

2 Peturuꞌ 1:1

Sura deꞌe hangko i kódóꞌ Simoꞌ Peturuꞌ huoꞌána hai surona Iesu Kerisitu. Kupakatu sura deꞌe i kómu halalu-halalu to mepoinálái i Iesu Kerisitu. Iesu Kerisitu Ia miꞌi Pueꞌ Ala to mohómpókikeꞌ hangko i huku dósántaꞌ. Ánti bábehiáNa to manótó iti, Napopewaliꞌmokou taunáNa to mepoinálái i Hia, hibali hai kaiꞌ suroNa.

1 Iohane 1:3

Apa to kiꞌita hai kihádi miꞌi, iti to kipahaweꞌákou, bona kómu woꞌo mepoinálái hai peisákou mohintuwuꞌ hai kaiꞌ i lalu pohintuwuꞌkiꞌ hai Pueꞌ Ala Umántaꞌ hai Iesu Kerisitu ÁnáꞌNa.

1 Iohane 1:7

Agáiáná ane mobábehikeꞌ oaꞌ to maroꞌa láwiꞌ tueꞌkeꞌ i lalu kamabaa, nodo Pueꞌ Ala ara i lalu kamabaa, mohintuwuꞌkeꞌ hadua hai hadua, hai waheꞌna Iesu ÁnáꞌNa mobahoꞌikeꞌ hangko i upu-upu dósántaꞌ.