Pilipi 1:12 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹² Mewaliꞌ halalu-halalu, kuꞌundeꞌ bona niꞌisá, kehapiꞌaꞌ ratarungku, góeꞌaꞌ, láwiꞌ ánti kamapáringkuꞌ deꞌe, katetátámbáiá tauna to mohádi hai mampoinálái Ngkóráꞌ Marasa.

Pilipi 1:12 Iomraidhean Croise

Eteꞌ 9:1

Haweꞌ mpuꞌu miꞌi alo to tepakanótó, imbaꞌna hampuloꞌ hai tálu wulá kahampuloꞌ hai duá to rauliꞌ wulá Adara, alo to rapakanótó miꞌi ina mampopolumao hawaꞌna datu, ia miꞌi ina mopapateheꞌ upu-upu toIahudiꞌ. Alo iti rapepegiá miꞌi ewáliraꞌ toIahudiꞌ to ina mokuasaꞌiheꞌ. Mole riꞌi katongawaꞌána, toIahudiꞌraheꞌ to menangi.

Lukasi 21:13

I tempó iti, ina raweꞌikou lógá mopahaweꞌáheꞌ kana i pepoináláimi i Kódóꞌ.

Surona Pueꞌ Iesu 8:4

Mewaliꞌ, tauna to mepoinálái to tehawukaheꞌ iti, hira miꞌi to mopahaweꞌ Ngkóráꞌna Pueꞌ iumbá-umbá peá kalaoáraꞌ.

Roma 8:28

Ane mampokaꞌahiꞌkeꞌ Pueꞌ Ala hai Ia mokióꞌkeꞌ hiolaꞌ hai tunggáiáNa, upu-upu to mewaliꞌ i lalu katueꞌtaꞌ bateꞌna napakeꞌ Pueꞌ Ala bona mobunduꞌ i kitaꞌ,

Roma 8:37

Kehapiꞌ riꞌi ba apa peá to morampekeꞌ, bateꞌna menangikeꞌ oaꞌ, hai rumihi ntepuꞌu penangintaꞌ ánti kamaꞌahiꞌna Iesu i kitaꞌ!

Pilipi 1:5

láwiꞌ hangko i rungu-runguna i kamohádimi Ngkóráꞌ Marasa duuꞌna deꞌe-deꞌe, nitulungiaꞌ i lalu pobágóꞌkuꞌ mopahaweꞌ Ngkóráꞌ Marasa to hangko i Pueꞌ Ala.

Pilipi 1:7

Kubuhinaokou oaꞌ, hai hintotoꞌ ntepuꞌu noꞌonoꞌ, láwiꞌ nitulungiaꞌ oaꞌ i lalu pobágóꞌkuꞌ to naweꞌiaꞌ Pueꞌ Ala ánti kabulána laluNa, maroꞌa deꞌe-deꞌe tangaꞌkuꞌ ratarungku, maroꞌa i kamohánikingkuꞌ tauna to mosápuáka Ngkóráꞌ Marasa, hai tempóngkuꞌ mopakanótó katoꞌuna Ngkóráꞌ Marasa iti.

Pilipi 2:22

Agáiáná tongawaꞌ katetidaꞌna Timotiu, láwiꞌ ia mobágóꞌ hingkakani hai kódóꞌ mopahaweꞌ Ngkóráꞌ Marasa. Hai Timotiu deꞌe kurekeꞌ nodo ánáꞌkuꞌ i lalu pobágóꞌkiꞌ.

Pilipi 4:15

Niꞌisá miꞌi halalungkuꞌ toPilipi, rungu-runguna tempóngkuꞌ mopahaweꞌ Ngkóráꞌ Marasa i kótámi, hai i kapohuꞌkuꞌ hangko i tampoꞌ Makedonia, tiꞌara ara jemaꞌa ntániꞌna to motulungiaꞌ, bateꞌna peá kómu.

Pilipi 4:3

Hai Susugo hampopobágóꞌkuꞌ to tetidaꞌ lalumu, kupembiáꞌ bona nutulungi wohiraꞌá towawine to rodua iti, bona ineeꞌmoheꞌ paka mosisalaꞌ. Tangaꞌkuꞌ mani hingkakani hai kómu, madotaheꞌ mamporángáꞌaꞌ mopahaweꞌ Ngkóráꞌ Marasa hingkakani hai Keleme hai hampopobágóꞌkuꞌ to ntániꞌna. Hangaꞌraꞌ upu-upu teukiꞌ miꞌi i lalu Sura Ngkatueꞌ, {láwiꞌ molámbiꞌmoheꞌ katueꞌ to tiꞌara mokahópóꞌá}.

1 Timotiu 2:8

Peundeꞌángkuꞌ bona iumbá-umbá peá, tobaleilo mekakae. Hangaa-ngaa magasaꞌ laluraꞌ, hai tiꞌaraheꞌ peisá mabukoꞌ ba mosisalaꞌ.

2 Timotiu 2:9

Ánti kamopahaweꞌkuꞌ Ngkóráꞌ Marasa, onoꞌ miꞌi haneꞌi kulámbiꞌ kapári, duuꞌna ratimpukuaꞌ ieneꞌ i lalu tarungku, nodoaꞌ hadua tauna to kadake. Agáiáná ngkóráꞌna Pueꞌ Ala tiꞌara peisá ratimpuku,

2 Timotiu 4:17

Agáiáná kehapiꞌ tiꞌara ara tauna to mamporángáꞌaꞌ, Pueꞌ haduduáNa to mamporángáꞌaꞌ oaꞌ. Ia to mampoweꞌiaꞌ róhó mopahaweꞌ Ngkóráꞌ Marasa i katoꞌu-toꞌuána, bona i támbi pobutusiá upu-upu tauna to tiꞌara toIahudiꞌ mohádi bámbári iti. Kahópóꞌána, Pueꞌ mokábáháꞌaꞌ hangko i kapate.