Pilipi 1:10 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁰ Halalu-halalu, upu-upu iti kupembiáꞌ, bona niꞌisá rárá mopileꞌi apa to maroꞌa ntepuꞌu, hai bona magasaꞌ katueꞌmi duuꞌna tiꞌara piꞌi ara kamasalaꞌmi i alo kahaweꞌána huleꞌ Kerisitu.

Pilipi 1:10 Iomraidhean Croise

Pewaliꞌána 20:5

Tiꞌara paꞌi Burahima haduduána to manguliꞌ Sáráꞌ iti ádina? Noꞌonoꞌ woꞌo panguliꞌna towawine iti. Kubábehi iti hangko i kabulána lalungkuꞌ, tiꞌaraꞌaꞌ masalaꞌ.”

Matiu 16:23

Agáiáná Iesu mampehaileꞌ Peturuꞌ, hai Nauliꞌ, “Pobaeꞌ! Io nodokoꞌ Datu Tokadake {láwiꞌ mampehukáꞌkoꞌ mokeloꞌAꞌ bona tiꞌaraꞌAꞌ mampeuláꞌi peundeꞌána UmáNgkuꞌ}. Pekirimu iti pekiri tauna peá, tiꞌara pekirina Pueꞌ Ala.”

Matiu 26:33

Nauliꞌ Peturuꞌ, “Pueꞌ! Kehapiꞌ upu-upu tauna mopálehiKoꞌ, agáiáná kódóꞌ tiꞌara!”

Iohane 1:47

Kanaitána Iesu Natanaeli mai mampohidupaꞌá, Napolaluita miꞌi kana i hia, Nauliꞌ, “Domi maiꞌo hadua toSáráeliꞌ to manoroꞌ ntepuꞌu laluna. Ia tiꞌara hangkani mobagiuꞌ tauna!”

Iohane 3:20

Upu-upu tauna to mobábehi to kadake, mokáhihiꞌheꞌ kamabaa. Tiꞌaraheꞌ mau mohungkuki kamabaa iti bona tiꞌara tongawaꞌ bábehiáraꞌ to kadake.

Surona Pueꞌ Iesu 24:16

Onoꞌ miꞌi haneꞌi kupári-pári mobábehi oaꞌ apa to maroꞌa, bona kuisá i lalungkuꞌ katiꞌárána ara to peisá rasalaꞌiáꞌaꞌ, maroꞌa i peitána Pueꞌ Ala, maroꞌa i peitána tauna.

Roma 12:2

Ineeꞌmokou mampeuláꞌi bábehiáraꞌ hai ádáraꞌ tauna i duniáꞌ to tiꞌaraheꞌ mengkoruꞌ i Pueꞌ Ala, agáiáná nipatodáhi miꞌi Pueꞌ Ala mopawoꞌu pekirimi bona tebáliki pambiárámi. Láwiꞌ ane nibábehiꞌi noꞌonoꞌ, ina niꞌisá ntepuꞌu peundeꞌána Pueꞌ Ala, ia miꞌi: apa to maroꞌa nibábehi, apa to mopagóeꞌ laluNa, hai apa to tiꞌara ara katesalaꞌiána.

Roma 12:9

Nipokaꞌahiꞌ rángámi hangko i lalumi ntepuꞌu. Nikábáhá bábehiámi to kadake, hai nibábehi oaꞌ bábehiá to maroꞌa.

Roma 16:17

Halalu-halalu, kupembiáꞌ ntepuꞌu i kómu: hangaa-ngaa maingáꞌ-ingáꞌkou i tauna to mopaꞌara posisalaꞌ i oloꞌraꞌ tauna to mepoinálái. Mampoinaoheꞌ mopakanawoꞌkou moliu paturoꞌraꞌ to mosisalaꞌ hai paturoꞌ to rapaturoꞌámokou. Nikaraohiheꞌ tauna to noꞌonoꞌ!

Roma 2:18

Kómu toIahudiꞌ, niꞌisá miꞌi peundeꞌána Pueꞌ hai niꞌisá mampopontaniꞌ apa to maroꞌa hai apa to tiꞌara maroꞌa, láwiꞌ rapaturoꞌámokou Paturoꞌna Musa.

Roma 7:16

Agáiáná ane kubábehi bábehiá to kuisá tiꞌara hintotoꞌ hai peundeꞌána Pueꞌ Ala, lempóna kupokana ntepuꞌu katoꞌuna PárentáNa.

Roma 7:22

I lalungkuꞌ, kupokana ntepuꞌu apa to teukiꞌ i lalu Párentána Pueꞌ Ala,

Roma 8:7

Tauna to mouláꞌ peundeꞌána laluna haduduána, moewaꞌ Pueꞌ Ala. Tiꞌara mengkoruꞌ i hawaꞌNa, láwiꞌ tiꞌara nabuku.

1 Korintu 1:8

Ia ina mopakaróhó pepoináláimi duuꞌna i kahópóꞌána duniáꞌ, bona i kahaweꞌna huleꞌ Pueꞌtaꞌ Iesu Kerisitu, tiꞌara piꞌi ina ara kamasalaꞌmi.

1 Korintu 10:32

Ineeꞌkou mobábehi apa to ina mopakanawoꞌ hángká rángámi, maroꞌa toIahudiꞌ, maroꞌa tauna to tiꞌara toIahudiꞌ, ba halalu hampepepoináláimi to mengkoruꞌ i Pueꞌ Ala.

1 Korintu 8:13

Onoꞌ miꞌi haneꞌi kuhángáꞌáꞌákou: ane rápáꞌna ina mopakanawoꞌaꞌ halalu hampepepoinálái i kakuandeꞌna bauꞌ ba pandeꞌ, pandeꞌ iti tiꞌara kuandeꞌ, bona tiꞌara ara halalungkuꞌ to manawoꞌ ánti bábehiángkuꞌ. Mewaliꞌ hangaa-ngaa noꞌonoꞌkou woꞌo.

2 Korintu 1:12

Halalu-halalu, góeꞌ lalungkiꞌ láwiꞌ kiꞌisá bulá lalungkiꞌ. Iti tongawaꞌ, i upu-upu bábehiángkiꞌ tiꞌara ara kamasalaꞌkiꞌ, pelumbuꞌna miꞌi i kómu. I hinángkáꞌna to kibábehi, tiꞌara ara to kiwuniángi; tunggáiángkiꞌ manótó i peitána Pueꞌ Ala. Apa to kibábehi, kibábehi hangko i kamaroꞌana to kilámbiꞌ hangko i Pueꞌ Ala, tiꞌara hangko i kapánde tauna.

2 Korintu 2:17

Láwiꞌ kaiꞌ, tiꞌaraꞌangkaiꞌ nodo tauna to mampeliꞌ peá porasiꞌáraꞌ hangko i popahaweꞌraꞌ ngkóráꞌna Pueꞌ. Ngkáliꞌna riꞌi, láwiꞌ kiꞌisá Pueꞌ Ala to mopileꞌiangkaiꞌ mampopolumao bágóꞌNa, hai Ia mampeita pobágóꞌkiꞌ iti, onoꞌ miꞌi haneꞌi kipahaweꞌ ngkóráꞌna Pueꞌ hangko i lalungkiꞌ ntepuꞌu ánti pohintuwuꞌkiꞌ hai Kerisitu.

2 Korintu 6:3

Kódóꞌ hai rángángkuꞌ mobágóꞌ, hangaa-ngaa maroꞌa-roꞌaꞌangkaiꞌ bona tiꞌara ara kamasalaꞌna bábehiángkiꞌ haneꞌi tiꞌara ara to rapakanawoꞌ, hai bona tiꞌara ara tauna to peisá mosalaꞌi bágóꞌkiꞌ mopahaweꞌ ngkóráꞌna Pueꞌ Ala.

2 Korintu 8:8

To kuhángáꞌákou iti tiꞌara párentá. Kupopaisáꞌákou mokana i toMakedonia, bona mewaliꞌheꞌ pándiriꞌ i kómu. Tunggáiángkuꞌ kupampeitaikou, bona kuisá noumbá kamaꞌahiꞌmi i hángká rángámi.

Galatia 5:11

Halalu-halalu, araheꞌ tauna to manguliꞌ kakódóꞌna to mopaguru tauna mampeuláꞌi ádá petileꞌ mouláꞌ áturána Musa. Tiꞌara toꞌu polaluitaraꞌ iti! Ane noꞌonoꞌi paturoꞌkuꞌ, ketiꞌara ara toIahudiꞌ to mampopeahiahiꞌaꞌ, láwiꞌ tiꞌara ina rapokóiꞌ inao paturoꞌkuꞌ mokana i kamatena Kerisitu i kau mombehape.

Epesu 4:15

agáiáná ina taisá mopahaweꞌ paturoꞌ to toꞌu hangko i laluntaꞌ to bukeꞌ ahiꞌ, álána mewaliꞌkeꞌ maróhó i upu-upuna, hai ina mewaliꞌkeꞌ nodo Kerisitu. Ia miꞌi Wuáꞌtaꞌ to motadulakoi upu-upu taunáNa.

Epesu 5:10

Hangaa-ngaa madotakou mampeliꞌ apa to napokagóeꞌ Pueꞌ.

Epesu 5:27

Nabábehi woꞌo noꞌonoꞌ bona kitaꞌ upu-upu to mepoinálái, mewaliꞌkeꞌ taunáNa to magasaꞌ hai meawaꞌ, duuꞌna tiꞌara piꞌi ara kamasalaꞌtaꞌ ba kamakuraꞌtaꞌ, bona hintotoꞌkeꞌ ina Nakahaweꞌi.

Epesu 6:24

Kupembiáꞌ bona Pueꞌ mowátiꞌ upu-upu tauna to mampokaꞌahiꞌ Pueꞌtaꞌ Iesu Kerisitu hai ahiꞌ to tiꞌara mokahópóꞌá. Hangko i kódóꞌ, PAULU

Pilipi 1:6

Pueꞌ Ala haduduáNa to mokale i lalumi, hai maroꞌa ntepuꞌu apa to Natepuꞌu miꞌi Nabábehi i lalu katueꞌmi. Kupoinálái Pueꞌ Ala ina mopaliliu bágóꞌNa iti, duuꞌna apa to Natunggái i lalu katueꞌmi ina tepabukeꞌi i alo kahaweꞌána huleꞌ Kerisitu Iesu.

Pilipi 2:16

tangaꞌmi mopahaweꞌ i hira Ngkóráꞌ Marasa to mopaꞌara katueꞌ to tiꞌara mokahópóꞌá. Mewaliꞌ halalu-halalu, ane noꞌonoꞌi oaꞌ bábehiámi, i alo kahaweꞌána huleꞌ Kerisitu, ina góeꞌ lalungkuꞌ láwiꞌ bábehiámi iti to mopatongawaꞌ katiꞌárána mbero-mbero bágóꞌkuꞌ i oloꞌmi, hai upu-upu to kupaturoꞌákou mobunduꞌ i katueꞌmi.

1 Tesalonika 3:13

Pueꞌ, kipembiáꞌ bona Nupakaróhó laluraꞌ, bona magasaꞌ tueꞌraꞌ hai tiꞌara ara kamasalaꞌraꞌ i lindoꞌMu i kahaweꞌna huleꞌ Pueꞌ Iesu hingkakani hai upu-upu taunáNa to magasaꞌ. Ami.”

1 Tesalonika 5:21

Hangaa-ngaa nipáresáꞌ maroꞌa upu-upu laluita iti. Ane to maroꞌai, hangaa-ngaa nitibaaꞌ.

1 Tesalonika 5:23

Mekakaeangkaiꞌ i Pueꞌ Ala to mampoweꞌikeꞌ roꞌa ngkatueꞌ. Kiuliꞌ node: “Pueꞌ Ala! Kipembiáꞌ bona Nupakanótó bábehiáraꞌ toTesalonika, duuꞌna magasaꞌ tueꞌraꞌ. Nukámpái katueꞌraꞌ, maroꞌa laluraꞌ ba inaoraꞌ ba wátáraꞌ, bona tiꞌara ara kamasalaꞌraꞌ i kahaweꞌna huleꞌ Pueꞌkiꞌ Iesu Kerisitu.” Noꞌonoꞌ miꞌi pekakaengkiꞌ.

1 Iohane 4:1

Halalu-halalu to kupokaꞌahiꞌ! Ineeꞌ mpuꞌuheꞌ nipoinálái upu-upu tauna to manguliꞌ kaꞌárána Inaona Pueꞌ Ala i hira. Nipáresáꞌheꞌ sieruꞌ, ba toꞌu-toꞌu mpuꞌuheꞌ hangko i Pueꞌ Ala ba tiꞌara, láwiꞌ iumbá-umbá peá, araheꞌ nabiꞌ to mepakanawoꞌ.

Pampetudeꞌá 2:2

Nauliꞌ: Kuisá apa to nibábehi. Madotakou mampopolumao bágóꞌKuꞌ, hai mantahakou ane rapopeahiahiꞌkou ánti pepoináláimi i Kódóꞌ. Kuisá katiꞌárána niundeꞌ bábehiáraꞌ tauna to kadake. Araheꞌ to manguliꞌ kahirana suroNgkuꞌ, agáiáná tiꞌara toꞌu. Niꞌisá podongkoꞌraꞌ, láwiꞌ nipetándái miꞌi bábehiáraꞌ.