Danieli 9:26 - Sura Magasaꞌ: Bahangapa sura Pototowiá to Sae hai Pototowiá to Woꞌu

²⁶ I kahópóꞌána tempó to tepakanótó iti, tadulako to napileꞌi Pueꞌ Ala ina rapapate, kehapiꞌ tiꞌaranto masalaꞌ. Hai ina haweꞌ surudadoꞌna datu to maróhó, haneꞌiheꞌ ina mogero kótá Ierusale hai Támbina Pueꞌ Ala. Kahópóꞌána iti ina mewaliꞌ hangkaꞌ-hangkaꞌ nodo pelábóꞌna uwai. Hai haweꞌ i kahópóꞌána duniáꞌ, ina ara oaꞌ pombeala hai kamaropuꞌ. Upu-upuna iti ina mewaliꞌ hiolaꞌ hai apa to tepakanótó miꞌi.

Danieli 9:26 Iomraidhean Croise

Danieli 11:10

Hangko ionoꞌ, ánáꞌna datu toSiria paka tobaleilo ina mopatimamaheꞌ lao mombeala, hai ina morámpuheꞌ surudadoꞌ to handaꞌ. Hadua hangko i oloꞌraꞌ ina motadulakoiheꞌ lao mampombealaꞌá datu toMásiriꞌ to tándáꞌ i wóiꞌ. Ina nodoheꞌ pelábóꞌna uwai láwiꞌ handaꞌ ntepuꞌuheꞌ, hai i karongkánina deꞌe, ina haweꞌheꞌ i benteraꞌ ewáliraꞌ.

Danieli 11:17

Hangko ionoꞌ, ia ina mopári-pári bona peisá mokuasaꞌi humalele kadatuá to i wóiꞌ. Ia ina mopaꞌara podándi, hai ina mampopohamboko ánáꞌna towawine hai datu toMásiriꞌ, {tandaꞌ popakaróhóna podándiraꞌ}. Tunggáiána bona mopamarugiꞌ kadatuá Másiriꞌ, agáiáná tunggáiána iti tiꞌara ina nalámbiꞌ.

Danieli 11:22

Upu-upu surudadoꞌ to meꞌewaꞌ, ina napatunaheꞌ, mogalo riꞌi hadua Tadulako Menómbá Mahile to mopaꞌara podándi ina napapate.

Danieli 11:36

Malaꞌeka mopaliliu polaluitana, nauliꞌ, “Datu hangko tándáꞌ i wongko iti ina mampeuláꞌi peá peundeꞌána haduduána. Ánti kamaꞌángkáꞌna, ina nauliꞌ ia melumbuꞌ hangko i hinángkáꞌna ánitu to ara, hai ina mohuwárá woꞌo laluita to tiꞌara hintotoꞌ mokana i Pueꞌ Ala to melumbuꞌ kuasaꞌNa hangko i upu-upu to rapenómbái. Upu-upuna iti ina nabábehi duuꞌna hópóꞌ tempó kamabukoꞌna Pueꞌ Ala, láwiꞌ upu-upu to napakanótó miꞌi Pueꞌ Ala bateꞌna ina mewaliꞌ.

Danieli 9:27

Datu iti ina mopaꞌara podándi hai tauna to handaꞌ. Dándi iti ina mewaliꞌ i lalu pitu parena kamaruena. I laentangaꞌna pare podándi iti, ia ina mampopengkaroo popaꞌara popenómbá to rasambale hai popenómbá to ntániꞌna. Hangko ionoꞌ, hampákáꞌ to meriringkuꞌi to rauliꞌ To Kadake to Megero, ina rapatoroꞌ i Támbina Pueꞌ Ala duuꞌna haweꞌ tempó to napakanótó Pueꞌ Ala, datu iti ina rapapate.”

Matiu 22:2

“Pueꞌ Ala peisá rapándiriꞌ nodo hadua datu to mobábehi susa petauna i ánáꞌna.

Matiu 22:7

Kanahádina datu apa to pewaliꞌ, mabukoꞌ ntepuꞌu miꞌi, onoꞌ haneꞌi mohuoꞌmoheꞌ surudadoꞌna lao mopapate topepapate iti hai mohunu wánuáraꞌ.

Matiu 23:38

Nipehádingi! Támbi penómbáꞌámi deꞌe ina napálehi Pueꞌ Ala.

Matiu 24:2

Nahángáꞌáheꞌ Iesu, “Niꞌita miꞌi upu-upuna iti? Bona niꞌisá: ina haweꞌ tempóna, tiꞌara haweꞌ hambuaꞌ watu to ina mentárá i katoroꞌána, bateꞌna ina ragero upu-upu.”

Marakusi 13:2

Nauliꞌ Iesu, “Ba nipeita kamahilena hai kamababena Támbina Pueꞌ Ala deꞌe? Agáiáná Kuhángáꞌákou: ina haweꞌ tempóna, tiꞌara piꞌi ina ara hambuaꞌ watu to mentárá i katoroꞌána, bateꞌna ina ragero upu-upu.”

Marakusi 13:7

Ane mohádikou to tangaꞌraꞌ mombeala hai bámbári pombeala, ineeꞌkou malááꞌ, hai ineeꞌ nipotingkáráꞌ, láwiꞌ upu-upu iti hangaa-ngaa mewaliꞌ sieruꞌ, agáiáná tiꞌara mani haweꞌ kahópóꞌá duniáꞌ.

Marakusi 9:12

Nahánikiheꞌ Iesu, “Toꞌu to rapaturoꞌákou iti. Eliá hangaa-ngaa haweꞌ ioru, láwiꞌ ia to mopatimama upu-upuna. Hai Kuhángáꞌákou, haweꞌ miꞌi nabiꞌ Eliá, hai rapopeahiahiꞌ tauna mouláꞌ peundeꞌáraꞌ, nodo to teukiꞌ i lalu Sura Magasaꞌ. Agáiáná noumbá Ánáꞌ Mánusiá? Moapa riꞌi haneꞌi teukiꞌ i lalu Sura Magasaꞌ, Ia woꞌo ina molámbiꞌ handaꞌ kapári hai ina rapakóiꞌ tauna.”

Lukasi 21:24

Araheꞌ toIerusale to ina rapapate hai pihoꞌ. Araheꞌ woꞌo to ina ratawani hai rahawuꞌ-hawuꞌheꞌ iumbá-umbá peá i humalele duniáꞌ. Hai kótá Ierusale deꞌe ina ranangi hai rakuasaꞌi tauna to tiꞌara toIahudiꞌ duuꞌna hópóꞌ tempó to napakanótó Pueꞌ Ala.”

Lukasi 21:6

“Kuhángáꞌákou: ina haweꞌ tempóna, upu-upu to niꞌita i Támbina Pueꞌ Ala deꞌe ina magero, hai tiꞌara piꞌi ina ara haweꞌ hambuaꞌ watu to mentárá i katoroꞌána, bateꞌna ina ragero upu-upu.”

Lukasi 24:26

Deꞌe miꞌi to rapahaweꞌákou: Datu Topehómpóꞌ hangaa-ngaa molámbiꞌ sieruꞌ kapári hangko molámbiꞌ peawaꞌ hangko i Pueꞌ Ala i surugáꞌ.”

Lukasi 24:46

Nauliꞌ, “I lalu Sura Magasaꞌ teukiꞌ node: Datu Topehómpóꞌ hangaa-ngaa molámbiꞌ kapári hai kapate, hai i katáluna alona ina tueꞌ huleꞌ.

Iohane 14:30

Tiꞌara piꞌi handaꞌ tempóNgkuꞌ molaluita hai kómu, láwiꞌ ina haweꞌ miꞌi Datu Tokadake. Ia miꞌi to mokuasaꞌi duniáꞌ deꞌe, kehapiꞌ tiꞌara ara kuasaꞌna i Kódóꞌ.

2 Korintu 5:21

Kerisitu iti tiꞌara madósá, agáiáná Pueꞌ Ala mohuoꞌ mai mosulewátáikeꞌ bona Ia to mokili upu-upu dósá tauna. Tunggáiána Pueꞌ Ala, bona kitaꞌ to mohintuwuꞌ hai Kerisitu, peisákeꞌ mewaliꞌ manótó i peitána Pueꞌ Ala.

Galatia 3:13

Kitaꞌ upu-upu hintotoꞌkeꞌ napahárárá Pueꞌ Ala, láwiꞌ moliungikeꞌ PárentáNa. Agáiáná kehapiꞌ noꞌonoꞌ, Kerisitu mokábáhámokeꞌ hangko i pekambo iti. Teukiꞌ hangkoia i lalu Sura Magasaꞌ node: “Ane ara tauna to ratóe i kau bona rapapate, manótó tauna iti nakambo Pueꞌ Ala.” Mewaliꞌ, i kamatena Kerisitu i kau mombehape, Ia to molámbiꞌ pekambo hangko i Pueꞌ Ala. Katoꞌuána, hangaa-ngaa kitaꞌ riꞌi to molámbiꞌ pekambo iti.

1 Peturuꞌ 2:21

láwiꞌ Ia to mopileꞌimokou bona mobábehikou oaꞌ apa to maroꞌa, kehapiꞌkou rapopeahiahiꞌ. Hai Kerisitu mewaliꞌ pándiriꞌ i kómu bona nipeuláꞌi pambiáráNa, láwiꞌ Ia haduduáNa mantódihá kapári ánti dósámi.

1 Peturuꞌ 2:24

Iesu haduduáNa mokili huku dósántaꞌ moliu karapapateNa i kau mombehape, bona tekábáhákeꞌ hangko i kuasaꞌ dósá, hai tueꞌkeꞌ hintotoꞌ hai peundeꞌána Pueꞌ Ala. WaheꞌNa to mabubu to moánti katehómpóꞌ i kitaꞌ.

1 Peturuꞌ 3:18

Hintotoꞌkeꞌ molámbiꞌ kapári, láwiꞌ ara woꞌo Hadua to molámbiꞌ kapári, ia miꞌi Kerisitu. Ia hangkani peá mampehuhuꞌá wátáNa rapapate bona mohómpóki dósá. Ia to tiꞌara ara salaꞌNa, rapapate mosulewátáikeꞌ to masalaꞌ, bona Ia mopahintuwuꞌkeꞌ hai Pueꞌ Ala. Ia rapapate, agáiáná rapatueꞌ huleꞌ ánti kuasaꞌna Inao to Magasaꞌ.