Danieli 8:8 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁸ Ánti kamenangina bekeꞌ iti, mantámbái kamaꞌángkáꞌna hai kamakuasaꞌna. Agáiáná i tempóna maróhó ntepuꞌu kuasaꞌna, matepóꞌ tánduꞌna to mahile, haneꞌi i katepóꞌána tánduꞌ iti, nakatueꞌi iba wuaꞌna tánduꞌ to mahile, hambuaꞌ-hambuaꞌ montaniꞌ pelindoꞌána mouláꞌ mata angi.

Danieli 8:8 Iomraidhean Croise

Eteꞌ 9:4

Ánti kamakuasaꞌna ntepuꞌu Modekai i lalu kadatuá, tebámbári ntepuꞌu hangaꞌna. Hai kuasaꞌna iti katetetámbáiá oaꞌ.

Danieli 11:4

Agáiáná kamakuasaꞌna iti tiꞌara ina marue. I tempóna maróhó ntepuꞌu kuasaꞌna, kadatuána iti ina tegáláꞌ iba boloꞌna mouláꞌ mata angi, hai to ina mepárentá, tiꞌara hangko i pemuleꞌána, ngkáliꞌna riꞌi tauna ntaniꞌ. Agáiáná kamaróhóna kuasaꞌraꞌ to iba iti tiꞌara ina hibali hai kuasaꞌna.

Danieli 4:31

Tiꞌara mani hópóꞌ polaluitana, tehádi miꞌi wambaꞌ hangko i langiꞌ to manguliꞌ node: “Datu Nebukanesa, nupehádingi deꞌe: kamakuasaꞌmu mewaliꞌ datu raꞌala miꞌi hangko i hio.

Danieli 5:20

Agáiáná i tempóna mewaliꞌ maꞌángkáꞌ, hai matuꞌa laluna álána masodo ntepuꞌu, ia rapopendáulu hangko i lántiꞌna, hai kapeawaꞌna raꞌala.

Danieli 7:2

Tangaꞌ káindi tangaꞌkuꞌ letaꞌ, iaperámoꞌ mopaturuá. I lalu paturungkuꞌ, moitaꞌaꞌ wui to rumihi hangko i iba mai boloꞌna. Wui to rumihi iti mopaꞌara bálumbá to mahile ntepuꞌu i tahiꞌ.

Danieli 7:6

Hangko ionoꞌ, kuita wopiꞌi binataꞌ to ntániꞌna, lenggeꞌna nodo sóeꞌ lómpu to mahile, agáiáná i káduꞌna binataꞌ iti ara iba wuaꞌna kapi tádáhi. Binataꞌ iti mowuáꞌ iba hai raweꞌi kuasaꞌ mepárentá.

Danieli 8:22

Iba wuaꞌna tánduꞌ to mesupaꞌ i katepóꞌána tánduꞌ to mahile, lempóna, iba kadatuá ina mesupaꞌ hangko i kadatuána Iunani, agáiáná kamaróhóna tiꞌara ina hibali hai kadatuá to rungu-runguna.

Danieli 8:5

Tangaꞌkuꞌ mani mampeita binataꞌ iti, iaperái hangkaꞌ mesuwuꞌ hambaꞌa bekeꞌ laki hangko tándáꞌ i katámpuá alo. Ia melangka duuꞌna haweꞌ i pembetoá alo. Ánti kamagásiꞌna, bitina tiꞌara piꞌi tóá i tampoꞌ. Tánduꞌna bekeꞌ iti hangkau peá hai mahile ntepuꞌu, tueꞌ i hiliꞌ mátána.

Danieli 8:7

Kuita bekeꞌ iti mohungkuki dimbá iti, hai ánti kamasodona, ia motánduꞌ dimbá iti duuꞌna matepóꞌ tánduꞌna to rombuaꞌ. Láwiꞌ tiꞌara piꞌi ara róhóna meꞌewaꞌ, dimbá iti nahepenga bekeꞌ i tampoꞌ haneꞌi nakada-kada. Tiꞌara ara haweꞌ hadua to nabuku mamperuruꞌi dimbá iti.

Matiu 24:31

Tamburuꞌ to maoniꞌ ntepuꞌu pokániꞌna ina ratawueꞌ rapasimbuku, hai Ánáꞌ Mánusiá ina mohuoꞌ malaꞌekaNa lao morámpu tauna to Napileꞌi hangko i humalele duniáꞌ, mantepuꞌu hangko i pembetoá alo duuꞌna haweꞌ i katámpuána alo.”

Marakusi 13:27

Ia ina mohuoꞌ malaꞌekaNa lao morámpu tauna to Napileꞌi hangko i humalele duniáꞌ, mantepuꞌu hangko i pembetoá alo duuꞌna haweꞌ i katámpuána alo.”

Pampetudeꞌá 7:1

Hangko ionoꞌ, kuitaheꞌ iba malaꞌeka to meángkáꞌ i iba boloꞌna duniáꞌ, hadua tándáꞌ i wongko, hadua tándáꞌ i wóiꞌ, hadua tándáꞌ i pembetoá alo, hadua tándáꞌ i katámpuá alo. Motahaheꞌ wui bona tiꞌara ara wui to mewui i tahiꞌ ba i lorena ba i kakau. Hai kuita hadua malaꞌeka to ntániꞌna haweꞌ hangko i pembetoá alo moánti petándái to hangko i Pueꞌ Ala to tueꞌ, {bona mampetándái taunána Pueꞌ Ala}. Malaꞌeka iti molaluita napasimbuku mohángáꞌáꞌáheꞌ malaꞌeka to iba to makuasaꞌ mopakarugiꞌ duniáꞌ moliu pepopeahiahiꞌ, nauliꞌ,