Danieli 8:7 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁷ Kuita bekeꞌ iti mohungkuki dimbá iti, hai ánti kamasodona, ia motánduꞌ dimbá iti duuꞌna matepóꞌ tánduꞌna to rombuaꞌ. Láwiꞌ tiꞌara piꞌi ara róhóna meꞌewaꞌ, dimbá iti nahepenga bekeꞌ i tampoꞌ haneꞌi nakada-kada. Tiꞌara ara haweꞌ hadua to nabuku mamperuruꞌi dimbá iti.

Danieli 8:7 Iomraidhean Croise

Danieli 11:11

Onoꞌ miꞌi haneꞌi ina mabukoꞌ daturaꞌ toMásiriꞌ, hai ina lao mampombealaꞌá daturaꞌ toSiria to handaꞌ surudadoꞌna. Hai surudadoꞌ to handaꞌ iti ina ranangiheꞌ hai ratawaniheꞌ.

Danieli 7:12

Mewaliꞌ binataꞌ to ntániꞌna to kuita, tiꞌarapoheꞌ raweꞌi kuasaꞌ, hai tempó katueꞌraꞌ tepakanótó miꞌi.

Danieli 7:7

Roo onoꞌ, kuita i pampetudeꞌá, iaperái hangkaꞌ mesupaꞌ binataꞌ to kaꞌiba to melááꞌ-lááꞌi, hai binataꞌ iti maróhó ntepuꞌu. Ia mampongihi besiꞌ to mahile. Upu-upu to nahakaꞌ narupuꞌ sieruꞌ hangko naꞌandeꞌ riꞌi. Pelábiána naꞌandeꞌ, nakada-kada. Binataꞌ iti montaniꞌ hangko i binataꞌ to mesupaꞌ ioru, hai binataꞌ iti motánduꞌ hampuloꞌ.

Danieli 8:10

Tánduꞌ iti kamahile-hileá hai maróhó, onoꞌ miꞌi haneꞌi nabuku moewaꞌ surudadoꞌ surugáꞌ. Hantángáꞌ surudadoꞌ surugáꞌ iti nanawoꞌheꞌ i tampoꞌ haneꞌi nakada-kada.

Danieli 8:6

I kahaweꞌna bekeꞌ iti, liliu mohungkuki dimbá to kuita meángkáꞌ i wiwi uwai. Bekeꞌ iti masodo ntepuꞌu. Ia kásáliu moewaꞌ dimbá iti.

Danieli 8:8

Ánti kamenangina bekeꞌ iti, mantámbái kamaꞌángkáꞌna hai kamakuasaꞌna. Agáiáná i tempóna maróhó ntepuꞌu kuasaꞌna, matepóꞌ tánduꞌna to mahile, haneꞌi i katepóꞌána tánduꞌ iti, nakatueꞌi iba wuaꞌna tánduꞌ to mahile, hambuaꞌ-hambuaꞌ montaniꞌ pelindoꞌána mouláꞌ mata angi.