Danieli 8:4 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁴ Kuita dimbá iti metánduꞌ melindoꞌ tándáꞌ i katámpuá alo, tándáꞌ i wongko, hai tándáꞌ i wóiꞌ. Binataꞌ iti maróhó ntepuꞌu, onoꞌ miꞌi haneꞌi tiꞌara ara binataꞌ to monangi, hai tiꞌara ara haweꞌ hambaꞌa binataꞌ to peisá tekábáhá hangko i kamakuasaꞌna. Binataꞌ iti maꞌángkáꞌ ntepuꞌu hai mouláꞌ peá peundeꞌána haduduána.

Danieli 8:4 Iomraidhean Croise

Danieli 11:16

Datu to hangko i Siria ina mobábehi apa peá mouláꞌ peundeꞌána, hai tiꞌara ina ara to mobuku moewaꞌ. Ia ina mokatoroꞌi tampoꞌ Sáráeliꞌ, tampoꞌ to meawaꞌ, hai upu-upuna ina ara i lalu kuasaꞌna.

Danieli 11:36

Malaꞌeka mopaliliu polaluitana, nauliꞌ, “Datu hangko tándáꞌ i wongko iti ina mampeuláꞌi peá peundeꞌána haduduána. Ánti kamaꞌángkáꞌna, ina nauliꞌ ia melumbuꞌ hangko i hinángkáꞌna ánitu to ara, hai ina mohuwárá woꞌo laluita to tiꞌara hintotoꞌ mokana i Pueꞌ Ala to melumbuꞌ kuasaꞌNa hangko i upu-upu to rapenómbái. Upu-upuna iti ina nabábehi duuꞌna hópóꞌ tempó kamabukoꞌna Pueꞌ Ala, láwiꞌ upu-upu to napakanótó miꞌi Pueꞌ Ala bateꞌna ina mewaliꞌ.

Danieli 5:19

Ánti kamahilena kuasaꞌna to naweꞌi Pueꞌ Ala i hia, onoꞌ miꞌi haneꞌi upu-upu tauna i duniáꞌ hai upu-upu pueꞌ básá moridiꞌ ánti kamalááꞌraꞌ i hia. Ane naundeꞌ mampehuóꞌa tauna bona rapapate, bateꞌna rapapate. Ane naundeꞌ bona tauna rapatodáhi tueꞌ, bateꞌna rapatodáhi. Ia moángkáꞌ hai mampopendáulu heáná peá tauna to mobágóꞌ i lalu kadatuána mouláꞌ peundeꞌána.

Danieli 5:30

Káindi iti woꞌo Datu Belesasa to mepárentá i Bábeli rapapate.

Danieli 7:5

Binataꞌ to karombáꞌána, lenggeꞌna nodo beruá. Binataꞌ iti motubeiꞌ peángkáꞌna, hai mampokalahika mani tálu tepóꞌna buꞌu óhóꞌ. Ara to mohángáꞌá node: “Anaꞌ, mandeꞌkoꞌ bauꞌ nupahandaꞌ.”

Danieli 8:7

Kuita bekeꞌ iti mohungkuki dimbá iti, hai ánti kamasodona, ia motánduꞌ dimbá iti duuꞌna matepóꞌ tánduꞌna to rombuaꞌ. Láwiꞌ tiꞌara piꞌi ara róhóna meꞌewaꞌ, dimbá iti nahepenga bekeꞌ i tampoꞌ haneꞌi nakada-kada. Tiꞌara ara haweꞌ hadua to nabuku mamperuruꞌi dimbá iti.