Danieli 8:25 - Sura Magasaꞌ: Bahangapa sura Pototowiá to Sae hai Pototowiá to Woꞌu

²⁵ Ánti kamapándena meákálángi, handaꞌ tauna to tiꞌara mosangka-sangka kaꞌina napapateraꞌ. Apa peá to nabábehi hangaa-ngaa mewaliꞌ, onoꞌ miꞌi haneꞌi ia ina mewaliꞌ maꞌángkáꞌ ntepuꞌu, hai ina pebáiꞌ moewaꞌ Pueꞌ Ala, Datu to melumbuꞌ kamakuasaꞌNa hangko i upu-upu datu. Agáiáná ina haweꞌ tempóna datu iti ina manangi, agáiáná tiꞌara tauna to ina monangi.

Danieli 8:25 Iomraidhean Croise

Danieli 11:12

I kamenangina daturaꞌ toMásiriꞌ, ia ina mampepemahile láwiꞌ handaꞌ ewálina to mate, agáiáná ia tiꞌara ina makuasaꞌ oaꞌ.

Danieli 11:45

Ia ina moaró bambaruꞌ i hiliꞌna tahiꞌ hai buluꞌ Sio to magasaꞌ hai meawaꞌ, peángkáꞌána Támbina Pueꞌ Ala. Agáiáná ia ina mampohidupaꞌá dándina, hai tiꞌara ara haweꞌ hadua to ina motulungi.”

Danieli 7:26

Kanahópóꞌna peá tálu parena hantangaꞌ, Pueꞌ Ala to i Surugáꞌ ina mopaꞌara pobutusi kara-kara. Mewaliꞌ pobutusiNa, kamakuasaꞌna datu iti ina raꞌala, hai ia ina raropuꞌ duuꞌna tuna.

Danieli 7:8

Tangaꞌna kupepeita tánduꞌna binataꞌ iti, iaperái mesupaꞌ tánduꞌ to ntániꞌna hangko i hiliꞌna tánduꞌ to hampuloꞌ. Tánduꞌ to mesupaꞌ iti kókóiꞌ. I kamesupaꞌna peá tánduꞌ iti, tálu wuaꞌna tánduꞌ to ioru mapupuhi, hai tánduꞌ to kókóiꞌ iti pomata hai pohume nodo tauna. Upu-upu laluita to nahuwárá, laluita to maꞌángkáꞌ.

Danieli 8:11

Mogalo riꞌi Tadulako Surudadoꞌ i Surugáꞌ, naewaꞌ, hai popenómbá to rahuhuꞌ alo-alona i Pueꞌ, napekóntói. Noꞌonoꞌ woꞌo Támbina Pueꞌ Ala to magasaꞌ ina nagero.

Danieli 9:25

Mewaliꞌ hangaa-ngaa nuisá hai nupailalu: mantepuꞌu hangko i karapopesuwuꞌna párentá kótá Ierusale hangaa-ngaa raꞌaró huleꞌ, duuꞌna kahaweꞌna hadua Tadulako to napileꞌi Pueꞌ Ala ina mewaliꞌ Datu, ina ara tempó iba puloꞌna hai hahioꞌ parena motámbái iba átuna tálu puloꞌna hai iba parena. Hai kótá iti ina raꞌaró huleꞌ. Upu-upu rárána hai bentena kótá Ierusale ina rapakaroꞌangi, agáiáná iti ina mewaliꞌ i tempó kapári.

Surona Pueꞌ Iesu 12:23

Ánti kamaꞌángkáꞌna láwiꞌ tiꞌara naundeꞌ mobiláꞌ ba motóiá Pueꞌ Ala, kásáliu nahuku malaꞌekana Pueꞌ haneꞌi óntóꞌ laluna naꞌandeꞌ kahindoro duuꞌna mate.

2 Tesalonika 2:3

Kehapiꞌ ba noumbá miꞌi laluitaraꞌ tauna ntániꞌna, ineeꞌkou maꞌala rapakanawoꞌ, láwiꞌ hangko tiꞌara mani haweꞌ alo iti, to rompákáꞌ deꞌe hangaa-ngaa mewaliꞌ sieruꞌ: handaꞌ tauna hangaa-ngaa moewaꞌ Pueꞌ Ala, hai hangaa-ngaa haweꞌ woꞌo hadua tauna to rauliꞌ Topoewaꞌ Kerisitu. Topeꞌewaꞌ iti ia miꞌi ewálina Pueꞌ Ala. Ia ina mampepemahile hai mengkaiwongko hangko i upu-upu to rapenómbái i duniáꞌ. Hai ia ina pebáiꞌ ntepuꞌu mehoda i lalu Támbina Pueꞌ Ala, hai ina nauliꞌ kaꞌiana miꞌi Pueꞌ Ala. Mewaliꞌ manótó miꞌi kaꞌina ratibena i lalu naraka.

2 Tesalonika 2:8

hangko haweꞌ riꞌi Topeꞌewaꞌ. Agáiáná ane haweꞌ miꞌi Pueꞌ Iesu hai kuasaꞌNa to meawaꞌ, kamakuasaꞌna Topeꞌewaꞌ iti ini hópóꞌ miꞌi, láwiꞌ moliu peá peinaoNa to mesuwuꞌ i humeNa, Pueꞌ Iesu ina mopapate Topeꞌewaꞌ iti.

Pampetudeꞌá 17:14

Ina mampombealaꞌáheꞌ Iesu to rapándiriꞌ nodo Ánáꞌ Dimbá. Agáiáná Ánáꞌ Dimbá ina monangiheꞌ, láwiꞌ ia miꞌi Pueꞌ to melumbuꞌ kamakuasaꞌNa hangko i upu-upu pueꞌ, hai Datu to melumbuꞌ kamakuasaꞌNa hangko i upu-upu datu. Ánáꞌ Dimbá iti ina raporángá taunáNa to Nakióꞌ hai Napileꞌi, to meuláꞌheꞌ oaꞌ i Hia.”

Pampetudeꞌá 19:16

I kumbáNa tándáꞌ i páꞌáNa teukiꞌ hambuaꞌ hangaꞌ: “Datu to Melumbuꞌ Kamakuasaꞌna Hangko i Upu-Upu Datu, Pueꞌ to Melumbuꞌ Kamakuasaꞌna Hangko i Upu-Upu Pueꞌ.”