Danieli 8:23 - Sura Magasaꞌ: Bahangapa sura Pototowiá to Sae hai Pototowiá to Woꞌu

²³ I tempó kahópóꞌána kadatuá iti, bábehiá tauna ina mantámbái ntepuꞌu kakadakena. I tempó onoꞌ woꞌo, hadua datu to masodo ntepuꞌu hai mapánde meákálángi ina mantepuꞌu mepárentá.

Danieli 8:23 Iomraidhean Croise

Pewaliꞌána 15:16

Ane roomoheꞌ rapohawiꞌ iba lápina pemuleꞌámu, ina mesuleꞌheꞌ huleꞌ i tampoꞌ deꞌe, láwiꞌ deꞌe-deꞌe tiꞌara mani tempóna Kuwuraheꞌ toAmori hangko i tampoꞌ deꞌe. Ane rumihi miꞌi kakadakeraꞌ, hangko Kuhukuraheꞌ.”

Danieli 10:14

Tunggáiána kahaweꞌkuꞌ deꞌe, bona kuhángáꞌáꞌákoꞌ apa to ina mewaliꞌ i toSáráeliꞌ i alo to ina haweꞌ, láwiꞌ pampetudeꞌá deꞌe mokana i alo iti.”

Danieli 11:21

Molaluita wopiꞌi malaꞌeka iti, nauliꞌ, “Datu to ina mepaháwángi i kadatuá Siria, ia miꞌi hadua tauna to tiꞌara raundeꞌ-undeꞌ tauna, hai ia woꞌo tiꞌara hintotoꞌ mewaliꞌ datu. Agáiáná hangkaꞌ-hangkaꞌ perái ia ina haweꞌ hai moala kadatuá iti moliu peákálángi, onoꞌ miꞌi haneꞌi ia peisá mewaliꞌ datu i kadatuá iti.

Danieli 11:24

Mewaliꞌ i tempó dame iti, hangkaꞌ-hangkaꞌ ia ina meákálángi hai mamperampaꞌi upu-upu ngamba to maruduꞌ tampoꞌna. Ia woꞌo ina mobábehi bábehiá to tiꞌara haweꞌ hangkani rabábehi toioruna, ia miꞌi, ina mogáláꞌ-gáláꞌ i tauna to moundeꞌ upu-upu párewá to naperampaꞌi, hai kapebuku to nalámbiꞌ i pombealaꞌána. Ia ina moliwo monangi kótá to mobente, agáiáná tempóna mepárentá tiꞌara ina marue.

Danieli 7:11

I kakupeitána oaꞌ apa to mewaliꞌ iti, kuhádi tánduꞌ to kókóiꞌ iti mohuwárá mani laluita to maꞌángkáꞌ. Kahópóꞌána, binataꞌ to kaꞌiba iti rapapate hai wátána ratibe i lalu api to roreꞌ duuꞌna tuna naꞌandeꞌ api.

Danieli 7:20

Kupoinao woꞌo kuisá apa lempóna tánduꞌ to hampuloꞌ to ara i wuáꞌna, hai mokana tánduꞌ to kókóiꞌ to mesupaꞌ i bókóꞌ hai mowehángi tálu wuaꞌna tánduꞌ to mesupaꞌ rungu-runguna. Tánduꞌ to kókóiꞌ iti pomata hai pohume. Upu-upu laluita to nahuwárá, laluita to maꞌángkáꞌ, hai tánduꞌ to kókóiꞌ iti melumbuꞌ periringkuꞌina hangko i tánduꞌ to ntániꞌna.

Danieli 7:25

Ia ina mohuwárá laluita to mopakóiꞌ Pueꞌ Ala to i Surugáꞌ, hai ina mampopeahiahiꞌ taunána Pueꞌ Ala. Ia ina mopári-pári mobáliki áturá-áturá poagama hai alo posusaꞌáraꞌ taunána Pueꞌ Ala, hai ia ina makuasaꞌ tálu parena hantangaꞌ.

Danieli 7:8

Tangaꞌna kupepeita tánduꞌna binataꞌ iti, iaperái mesupaꞌ tánduꞌ to ntániꞌna hangko i hiliꞌna tánduꞌ to hampuloꞌ. Tánduꞌ to mesupaꞌ iti kókóiꞌ. I kamesupaꞌna peá tánduꞌ iti, tálu wuaꞌna tánduꞌ to ioru mapupuhi, hai tánduꞌ to kókóiꞌ iti pomata hai pohume nodo tauna. Upu-upu laluita to nahuwárá, laluita to maꞌángkáꞌ.

Danieli 8:22

Iba wuaꞌna tánduꞌ to mesupaꞌ i katepóꞌána tánduꞌ to mahile, lempóna, iba kadatuá ina mesupaꞌ hangko i kadatuána Iunani, agáiáná kamaróhóna tiꞌara ina hibali hai kadatuá to rungu-runguna.

Danieli 8:24

Ia ina mewaliꞌ maróhó, agáiáná kamaróhóna iti tiꞌara róhóna haduduána. Ia ina mopatuna upu-upu {to tiꞌara mouláꞌ párentána}. Hai apa peá to nabábehi, ina mewaliꞌ. Upu-upu tauna to makuasaꞌ ina napapate, noꞌonoꞌ woꞌo tauna to mepoinálái i Pueꞌ.

Danieli 8:25

Ánti kamapándena meákálángi, handaꞌ tauna to tiꞌara mosangka-sangka kaꞌina napapateraꞌ. Apa peá to nabábehi hangaa-ngaa mewaliꞌ, onoꞌ miꞌi haneꞌi ia ina mewaliꞌ maꞌángkáꞌ ntepuꞌu, hai ina pebáiꞌ moewaꞌ Pueꞌ Ala, Datu to melumbuꞌ kamakuasaꞌNa hangko i upu-upu datu. Agáiáná ina haweꞌ tempóna datu iti ina manangi, agáiáná tiꞌara tauna to ina monangi.

Matiu 23:32

hai ina nipaliliu bábehiáraꞌ toiorumi iti!

1 Tesalonika 2:16

Iti tongawaꞌ hangko i bábehiáraꞌ, láwiꞌ rakóntóangkaiꞌ bona tiꞌaraꞌangkaiꞌ peisá mopahaweꞌ Ngkóráꞌ Marasa i tauna to tiꞌaraheꞌ toIahudiꞌ, mole Ngkóráꞌ Marasa iti peisá mohómpókiheꞌ hangko i huku dósáraꞌ. Mewaliꞌ mantámbái oaꞌ bábehiáraꞌ to kadake, duuꞌna gáná imbaꞌna kahandaꞌna dósáraꞌ, álána molámbiꞌheꞌ pehukuna Pueꞌ Ala.

1 Timotiu 4:1

Inao to Magasaꞌ mopakanótó i kitaꞌ: i alo to ina haweꞌ, araheꞌ tauna to ina mosuliꞌ hangko i pampeuláꞌiraꞌ paturoꞌ to toꞌu. Ina mengkoruꞌheꞌ i kuasaꞌ to mepakanawoꞌ hai mampeuláꞌiheꞌ paturoꞌ to hangko i setáꞌ.

Pampetudeꞌá 19:20

Agáiáná binataꞌ to kadake iti rahakaꞌ hingkakani hai nabiꞌ to mepakanawoꞌ. Nabiꞌ to mepakanawoꞌ iti, ia miꞌi to mopakeꞌ kuasaꞌna binataꞌ to kadake mobábehi tandaꞌ kuasaꞌ. Ánti tandaꞌ-tandaꞌ kuasaꞌ iti, ia mopakanawoꞌheꞌ tauna to motarimamoheꞌ tandaꞌ binataꞌ hai to menómbá i lenggeꞌna. To rodua iti, ratibeheꞌ tueꞌ-tueꞌ i lalu tahiꞌ api belerang to roreꞌ ntepuꞌu.