Danieli 8:22 - Sura Magasaꞌ: Bahangapa sura Pototowiá to Sae hai Pototowiá to Woꞌu

²² Iba wuaꞌna tánduꞌ to mesupaꞌ i katepóꞌána tánduꞌ to mahile, lempóna, iba kadatuá ina mesupaꞌ hangko i kadatuána Iunani, agáiáná kamaróhóna tiꞌara ina hibali hai kadatuá to rungu-runguna.

Danieli 8:22 Iomraidhean Croise

Danieli 11:4

Agáiáná kamakuasaꞌna iti tiꞌara ina marue. I tempóna maróhó ntepuꞌu kuasaꞌna, kadatuána iti ina tegáláꞌ iba boloꞌna mouláꞌ mata angi, hai to ina mepárentá, tiꞌara hangko i pemuleꞌána, ngkáliꞌna riꞌi tauna ntaniꞌ. Agáiáná kamaróhóna kuasaꞌraꞌ to iba iti tiꞌara ina hibali hai kuasaꞌna.

Danieli 7:6

Hangko ionoꞌ, kuita wopiꞌi binataꞌ to ntániꞌna, lenggeꞌna nodo sóeꞌ lómpu to mahile, agáiáná i káduꞌna binataꞌ iti ara iba wuaꞌna kapi tádáhi. Binataꞌ iti mowuáꞌ iba hai raweꞌi kuasaꞌ mepárentá.

Danieli 7:7

Roo onoꞌ, kuita i pampetudeꞌá, iaperái hangkaꞌ mesupaꞌ binataꞌ to kaꞌiba to melááꞌ-lááꞌi, hai binataꞌ iti maróhó ntepuꞌu. Ia mampongihi besiꞌ to mahile. Upu-upu to nahakaꞌ narupuꞌ sieruꞌ hangko naꞌandeꞌ riꞌi. Pelábiána naꞌandeꞌ, nakada-kada. Binataꞌ iti montaniꞌ hangko i binataꞌ to mesupaꞌ ioru, hai binataꞌ iti motánduꞌ hampuloꞌ.

Danieli 8:21

Bekeꞌ laki iti, molempónga kadatuá Iunani, hai tánduꞌ to mahile to tueꞌ i hiliꞌ mátána, molempónga datu to rungu-runguna i kadatuá iti.

Danieli 8:23

I tempó kahópóꞌána kadatuá iti, bábehiá tauna ina mantámbái ntepuꞌu kakadakena. I tempó onoꞌ woꞌo, hadua datu to masodo ntepuꞌu hai mapánde meákálángi ina mantepuꞌu mepárentá.

Danieli 8:3

I wiwi uwai iti, kuita hambaꞌa dimbá laki meángkáꞌ, hai tánduꞌna rombuaꞌ kálángá, agáiáná hangkau melosoꞌ kakálángána. To melosoꞌ kakálángána iti, i bókóꞌ tueꞌ.

Danieli 8:8

Ánti kamenangina bekeꞌ iti, mantámbái kamaꞌángkáꞌna hai kamakuasaꞌna. Agáiáná i tempóna maróhó ntepuꞌu kuasaꞌna, matepóꞌ tánduꞌna to mahile, haneꞌi i katepóꞌána tánduꞌ iti, nakatueꞌi iba wuaꞌna tánduꞌ to mahile, hambuaꞌ-hambuaꞌ montaniꞌ pelindoꞌána mouláꞌ mata angi.