Danieli 8:19 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁹ “Ina kuhángáꞌáꞌákoꞌ apa to ina mewaliꞌ i kahópóꞌána duniáꞌ i tempó kamabukoꞌna Pueꞌ Ala.

Danieli 8:19 Iomraidhean Croise

Danieli 11:27

Hangko ionoꞌ, datu Másiriꞌ hai daturaꞌ toSiria ina moliwoheꞌ mobábehi bábehiá to kadake ntepuꞌu. Tangaꞌraꞌ mandeꞌ hingkakani, ina mombepodongkoꞌáheꞌ, agáiáná tunggáiáraꞌ iti tiꞌara ina mewaliꞌ láwiꞌ tiꞌara mani haweꞌ tempóna to tepakanótó.

Danieli 12:4

Nauliꞌ wopiꞌi malaꞌeka iti i kódóꞌ, “Danieli, nutuko miꞌi hampaiꞌ sura iti, hai nutandaꞌi hai petándái bona óntóꞌna tewuniángi haweꞌ i kahópóꞌána duniáꞌ. Handaꞌ tauna ina mampoinao mampegurui sura iti bona raisá apa to ina mewaliꞌ, hai kapánderaꞌ tauna ina mantámbái.”

Danieli 8:23

I tempó kahópóꞌána kadatuá iti, bábehiá tauna ina mantámbái ntepuꞌu kakadakena. I tempó onoꞌ woꞌo, hadua datu to masodo ntepuꞌu hai mapánde meákálángi ina mantepuꞌu mepárentá.

Lukasi 21:23

Ina mapári ntepuꞌu pehádiraꞌ towawine to tangaꞌraꞌ morodua ba mopahuhu ánáꞌraꞌ, láwiꞌ i tempó iti tauna ina narampe kapári hai pehukuna Pueꞌ Ala to rumihi ntepuꞌu.

Pampetudeꞌá 1:1

I lalu sura deꞌe, moliu pampetudeꞌána Iesu Kerisitu, Pueꞌ Ala mopahaweꞌ i kitaꞌ huoꞌáNa apa to hangaa-ngaa hawiáꞌ mewaliꞌ. Iesu mohuoꞌ malaꞌekaNa lao mampetudeꞌá upu-upuna iti i kódóꞌ Iohane, huoꞌáNa.

Pampetudeꞌá 11:18

Upu-upu tauna to tiꞌara meuláꞌ i Hio, mabukoꞌmoheꞌ moewaꞌKoꞌ. Agáiáná haweꞌ miꞌi tempóna Nupatongawaꞌáheꞌ kamabukoꞌMu. Haweꞌ miꞌi tempóna Nubutusi kárá-káráraꞌ tauna to mate. Haweꞌ miꞌi tempóna Nuháwángi bábehiáraꞌ taunáMu to maroꞌa: i nabiꞌ to mopahaweꞌ laluitaMu, i tauna to meuláꞌ i Hio, iamoheꞌ tauna to mampomahile hangaꞌMu, mantepuꞌu to i wóiꞌ tueꞌraꞌ, haweꞌ-haweꞌ i to mokahangaꞌiá tueꞌraꞌ. Haweꞌ miꞌi tempóna Nuhuku tauna to mopakadake duniáꞌ deꞌe.”

Pampetudeꞌá 15:1

Roo onoꞌ, kuita wopiꞌi i langiꞌ hambuaꞌ tandaꞌ to mahile hai to mehelei. Kuita pitu to motibaaꞌ pitu pákáꞌna pepopeahiahiꞌ to kahópóꞌána. Ane hópóꞌ miꞌi pepopeahiahiꞌ to pitu iti, ina hópóꞌ miꞌi kamabukoꞌna Pueꞌ Ala i tauna to kadake.

Pampetudeꞌá 17:17

Apa to rabábehi iti, ina hintotoꞌ hai tunggáiána Pueꞌ Ala, láwiꞌ Pueꞌ Ala to mampopokale laluraꞌ datu iti bona mampopolumaoheꞌ tunggáiáNa. Onoꞌ miꞌi haneꞌi upu-upu datu iti ina hampepekiriheꞌ mampeweꞌi kuasaꞌ popárentáraꞌ i binataꞌ to kadake, bona tebukeki mpuꞌu apa to napahaweꞌ Pueꞌ Ala.