Danieli 7:7 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁷ Roo onoꞌ, kuita i pampetudeꞌá, iaperái hangkaꞌ mesupaꞌ binataꞌ to kaꞌiba to melááꞌ-lááꞌi, hai binataꞌ iti maróhó ntepuꞌu. Ia mampongihi besiꞌ to mahile. Upu-upu to nahakaꞌ narupuꞌ sieruꞌ hangko naꞌandeꞌ riꞌi. Pelábiána naꞌandeꞌ, nakada-kada. Binataꞌ iti montaniꞌ hangko i binataꞌ to mesupaꞌ ioru, hai binataꞌ iti motánduꞌ hampuloꞌ.

Danieli 7:7 Iomraidhean Croise

Danieli 2:19

Káindi iti woꞌo moliu pampetudeꞌá, Pueꞌ Ala mopahaweꞌ apa to tewuniángi iti i Danieli. Mewaliꞌ Danieli motóiá Pueꞌ Ala to ara i surugáꞌ,

Danieli 7:13

Moliu pampetudeꞌá iti woꞌo, kuita wopiꞌi to nodo ánáꞌ mánusiá hai kahaweꞌna tauna iti, kuita napótóꞌ gawu. Ia liu-liu lao monóntóhi Ia to Tueꞌ Duuꞌna i Rue-ruena, haneꞌi ia raꞌánti lao i lindoꞌNa.

Danieli 7:2

Tangaꞌ káindi tangaꞌkuꞌ letaꞌ, iaperámoꞌ mopaturuá. I lalu paturungkuꞌ, moitaꞌaꞌ wui to rumihi hangko i iba mai boloꞌna. Wui to rumihi iti mopaꞌara bálumbá to mahile ntepuꞌu i tahiꞌ.

Danieli 8:10

Tánduꞌ iti kamahile-hileá hai maróhó, onoꞌ miꞌi haneꞌi nabuku moewaꞌ surudadoꞌ surugáꞌ. Hantángáꞌ surudadoꞌ surugáꞌ iti nanawoꞌheꞌ i tampoꞌ haneꞌi nakada-kada.

Danieli 8:22

Iba wuaꞌna tánduꞌ to mesupaꞌ i katepóꞌána tánduꞌ to mahile, lempóna, iba kadatuá ina mesupaꞌ hangko i kadatuána Iunani, agáiáná kamaróhóna tiꞌara ina hibali hai kadatuá to rungu-runguna.

Pampetudeꞌá 12:3

Ara mani hampákáꞌ tandaꞌ to metingkáráki to mesupaꞌ i langiꞌ. Ara hambaꞌa naga to malei hai mahile ntepuꞌu, mowuáꞌ pitu wuaꞌna hai motánduꞌ hampuloꞌ. I upu-upu wuáꞌna ara tatali datu.

Pampetudeꞌá 13:1

Roo onoꞌ, kuita hambaꞌa binataꞌ mesuwuꞌ mai hangko i tahiꞌ. Tánduꞌna hampuloꞌ wuaꞌna, hai wuáꞌna pitu wuaꞌna. I upu-upu tánduꞌna ara tatali datu, hai i upu-upu wuáꞌna teukiꞌ hangaꞌ to motitibei Pueꞌ Ala.

Pampetudeꞌá 17:12

Tánduꞌ to hampuloꞌ to nuita ininá, lempóna hampuloꞌ datu to tiꞌara mani mantepuꞌu mepárentá. Ina raweꞌiheꞌ tempó mepárentá hingkakani hai binataꞌ iti, agáiáná popárentáraꞌ tiꞌara marue.

Pampetudeꞌá 17:7

Hangko ionoꞌ, nauliꞌ malaꞌeka to moántiaꞌ, “Moapa riꞌi haneꞌi nupotingkáráꞌ? Tiꞌara paꞌi nuisá lempóna towawine iti hai binataꞌ to napesaweꞌi? Ina kupakanótóákoꞌ. Binataꞌ to mowuáꞌ pitu hai motánduꞌ hampuloꞌ wuaꞌna iti,

Pampetudeꞌá 17:8

hangkoia tueꞌ, deꞌe-deꞌe tiꞌara piꞌi ara, agáiáná hangkani tempó ina tueꞌ huleꞌ hai mesuwuꞌ mai hangko i pingke pehukuá to tiꞌara tehukáꞌ kakaladuna. Hai roo onoꞌ, ina nahuku Pueꞌ Ala haweꞌ i rue-ruena. Tauna to toroꞌ i duniáꞌ to tiꞌara teukiꞌ hangaꞌraꞌ i lalu Sura Ngkatueꞌ hangko tiꞌara mani duniáꞌ rapopewaliꞌ, ina tingkáráꞌheꞌ moita binataꞌ iti, láwiꞌ hangkoia tueꞌ, deꞌe-deꞌe tiꞌara piꞌi ara, agáiáná hangkani tempó ina haweꞌ huleꞌ.