Danieli 7:5 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁵ Binataꞌ to karombáꞌána, lenggeꞌna nodo beruá. Binataꞌ iti motubeiꞌ peángkáꞌna, hai mampokalahika mani tálu tepóꞌna buꞌu óhóꞌ. Ara to mohángáꞌá node: “Anaꞌ, mandeꞌkoꞌ bauꞌ nupahandaꞌ.”

Danieli 7:5 Iomraidhean Croise

Danieli 11:2

Malaꞌeka iti manguliꞌ, “Deꞌe-deꞌe ina kuhángáꞌáꞌákoꞌ apa to ina mewaliꞌ i katoꞌu-toꞌuána. Bona nuisá: i kadatuá Peresia, ina ara wopiꞌi tálu datu, hai datu to kaꞌibána ina molámbiꞌ kapebuku to melumbuꞌ hangko i datu to tálu iti. Ánti kapebukuna, ia ina makuasaꞌ ntepuꞌu, hai ina napári-pári moewaꞌ kadatuá Iunani.

Danieli 2:39

Agáiáná ane hópóꞌ miꞌi kamakuasaꞌna datu, ina ara hambuaꞌ kadatuá to ntániꞌna to tiꞌara hibali kamakuasaꞌna hai kamakuasaꞌna datu. Hangko ionoꞌ, ina meusungi wopiꞌi kadatuá to katálu to rapándiriꞌ hai tembaga. Kadatuá iti ina makuasaꞌ ntepuꞌu i duniáꞌ.

Danieli 5:28

FARSIN lempóna ragáláꞌ, láwiꞌ kadatuána datu ragáláꞌ miꞌi mewaliꞌ ronggáláꞌ hai raweꞌimoheꞌ toMedia hai toPeresia.”

Danieli 7:4

Binataꞌ to rungu-runguna kuita, lenggeꞌna nodo singá hai mokapi nodo kápina koꞌaaꞌ. Tangaꞌna mani kupepeita, iaperái mawehángi upu-upu kápina. Hangko ionoꞌ binataꞌ iti rapopeángkáꞌ nodo peángkáꞌna tauna, hai tempó iti woꞌo ia rapoweꞌi pekiri nodo pekiri tauna.

Danieli 7:6

Hangko ionoꞌ, kuita wopiꞌi binataꞌ to ntániꞌna, lenggeꞌna nodo sóeꞌ lómpu to mahile, agáiáná i káduꞌna binataꞌ iti ara iba wuaꞌna kapi tádáhi. Binataꞌ iti mowuáꞌ iba hai raweꞌi kuasaꞌ mepárentá.

Pampetudeꞌá 13:2

Binataꞌ to kuita iti, lenggeꞌna nodo lenggeꞌ sóeꞌ lómpu, agáiáná bitina nodo biti beruá, hai humena nodo hume singá. Hai naga mampoweꞌi binataꞌ to kadake iti kamaróhóna kadatuána hai kuasaꞌna mepárentá.