Danieli 7:25 - Sura Magasaꞌ: Bahangapa sura Pototowiá to Sae hai Pototowiá to Woꞌu

²⁵ Ia ina mohuwárá laluita to mopakóiꞌ Pueꞌ Ala to i Surugáꞌ, hai ina mampopeahiahiꞌ taunána Pueꞌ Ala. Ia ina mopári-pári mobáliki áturá-áturá poagama hai alo posusaꞌáraꞌ taunána Pueꞌ Ala, hai ia ina makuasaꞌ tálu parena hantangaꞌ.

Danieli 7:25 Iomraidhean Croise

Danieli 11:28

Hangko ionoꞌ, daturaꞌ toSiria ina mesuleꞌ lao i tampoꞌna, hai handaꞌ ntepuꞌu párewá to naꞌánti. To natunggái, ina mopatuna ágámáraꞌ tauna to mepoinálái i Pueꞌ Ala. Ia ina mobábehi apa peá peundeꞌána i hira, hangko mesuleꞌ riꞌi lao i kadatuána.

Danieli 12:7

Tauna iti moángkáꞌ taena rombali i langiꞌ, modándi i lalu hangaꞌna Pueꞌ Ala to tueꞌ duuꞌna i rue-ruena, nauliꞌ, “Upu-upu to mewaliꞌ deꞌe, ina mewaliꞌ tálu parena hantangaꞌ kamaruena. Ane upu-upu taunána Pueꞌ Ala mehárungá i Hia, tiꞌara piꞌi mehárungá i kuasaꞌraꞌ haduduáraꞌ, hangko hópóꞌ riꞌi pepopeahiahiꞌ to metingkáráki iti.”

Danieli 2:21

Io makuasaꞌ mopakanótó upu-upu tempó. Io makuasaꞌ mampopengkaroo datu, hai molántiꞌ datu. Io to moweꞌi kapánde i tauna to bukeꞌ pekiri.

Danieli 3:26

Hangko ionoꞌ, Datu Nebukanesa mohungkuki babaꞌ walombo iti haneꞌi mekióꞌ, nauliꞌ, “Sadara, Mesaꞌ hai Abeꞌnego, huoꞌána Pueꞌ Ala to i Surugáꞌ! Mesuwuꞌmokou hangko i lalu api, hai maimokou.” Mewaliꞌ mesuwuꞌ mpuꞌumoheꞌ hangko i lalu api.

Danieli 4:17

Hawaꞌ deꞌe kabotuꞌángkiꞌ sangkani, kaiꞌ malaꞌeka to mekámpái. Tunggáiángkiꞌ bona upu-upu tauna mopangákuꞌ kaPueꞌ Alana to i Surugáꞌ to mokuasaꞌi kadatuá tauna, hai kadatuá iti peisá Napeweꞌi i heáná peá tauna to Napokana, tepasuaꞌ i tauna to i wóiꞌ tueꞌna.’

Danieli 4:2

Deꞌe-deꞌe kuꞌundeꞌ ina mampodarita tandaꞌ kuasaꞌ hai tandaꞌ-tandaꞌ to metingkáráki to nabábehi Pueꞌ Ala to i Surugáꞌ i kódóꞌ.

Danieli 4:25

Datu ina rawura hangko i oloꞌraꞌ tauna, hai datu ina roo i oloꞌraꞌ binataꞌ i pádá. Datu ina mandeꞌ rumpuꞌ nodo gapiꞌ, hai ina maturu i pádá, álána ina naloeꞌi namu to hangko i langiꞌ. Iti ina mewaliꞌ pitu parena kamaruena, duuꞌna datu mopangákuꞌ Pueꞌ Ala to i Surugáꞌ peá to makuasaꞌ i kadatuá tauna, hai to mampeweꞌi kadatuá iti i tauna to Napileꞌi.

Danieli 4:32

Io ina rawurakoꞌ hangko i oloꞌraꞌ tauna, hai ina tueꞌkoꞌ hingkakani hai binataꞌ i pádá. I lalu pitu parena kamaruena, ina mandeꞌkoꞌ rumpuꞌ nodo gapiꞌ. Iti miꞌi to ina mewaliꞌ i hio duuꞌmu mopangákuꞌ Pueꞌ Ala to i Surugáꞌ to makuasaꞌ i kadatuá tauna, hai kadatuá iti peisá Napeweꞌi i heáná peá to Napileꞌi!”

Danieli 7:18

Agáiáná taunána Pueꞌ Ala to i Surugáꞌ, ina raweꞌiheꞌ woꞌo kuasaꞌ mepárentá, hai popárentáraꞌ iti ina ara duuꞌna i rue-ruena.”

Danieli 7:20

Kupoinao woꞌo kuisá apa lempóna tánduꞌ to hampuloꞌ to ara i wuáꞌna, hai mokana tánduꞌ to kókóiꞌ to mesupaꞌ i bókóꞌ hai mowehángi tálu wuaꞌna tánduꞌ to mesupaꞌ rungu-runguna. Tánduꞌ to kókóiꞌ iti pomata hai pohume. Upu-upu laluita to nahuwárá, laluita to maꞌángkáꞌ, hai tánduꞌ to kókóiꞌ iti melumbuꞌ periringkuꞌina hangko i tánduꞌ to ntániꞌna.

Danieli 7:8

Tangaꞌna kupepeita tánduꞌna binataꞌ iti, iaperái mesupaꞌ tánduꞌ to ntániꞌna hangko i hiliꞌna tánduꞌ to hampuloꞌ. Tánduꞌ to mesupaꞌ iti kókóiꞌ. I kamesupaꞌna peá tánduꞌ iti, tálu wuaꞌna tánduꞌ to ioru mapupuhi, hai tánduꞌ to kókóiꞌ iti pomata hai pohume nodo tauna. Upu-upu laluita to nahuwárá, laluita to maꞌángkáꞌ.

Danieli 8:11

Mogalo riꞌi Tadulako Surudadoꞌ i Surugáꞌ, naewaꞌ, hai popenómbá to rahuhuꞌ alo-alona i Pueꞌ, napekóntói. Noꞌonoꞌ woꞌo Támbina Pueꞌ Ala to magasaꞌ ina nagero.

Danieli 8:14

Nahániki malaꞌeka to ntániꞌna, “Rosábu tálu átuna mani kánina, tiꞌaraheꞌ peisá mohuhuꞌ popenómbá alo-alona i Pueꞌ, ia miꞌi mepulo hai kalumbaꞌ. {Kamaruena iti hasábu hangatu lima puloꞌna alona.} Liu riꞌi tempó iti, {hangko peisá wopaheꞌ mohuhuꞌ popenómbáraꞌ, láwiꞌ} Támbina Pueꞌ Ala ina rapamagasaꞌ huleꞌ.”

Danieli 8:9

Hangko i hambuaꞌ tánduꞌ to iba iti, mesupaꞌ hambuaꞌ tánduꞌ to kókóiꞌ, hai tueꞌ duuꞌna mahile ntepuꞌu. Kamakuasaꞌna haweꞌ-haweꞌ tándáꞌ i wóiꞌ, tándáꞌ i pembetoá alo, hai haweꞌ woꞌo tándáꞌ i tampoꞌ Sáráeliꞌ, tampoꞌ to meawaꞌ.

Danieli 9:27

Datu iti ina mopaꞌara podándi hai tauna to handaꞌ. Dándi iti ina mewaliꞌ i lalu pitu parena kamaruena. I laentangaꞌna pare podándi iti, ia ina mampopengkaroo popaꞌara popenómbá to rasambale hai popenómbá to ntániꞌna. Hangko ionoꞌ, hampákáꞌ to meriringkuꞌi to rauliꞌ To Kadake to Megero, ina rapatoroꞌ i Támbina Pueꞌ Ala duuꞌna haweꞌ tempó to napakanótó Pueꞌ Ala, datu iti ina rapapate.”

2 Tesalonika 2:3

Kehapiꞌ ba noumbá miꞌi laluitaraꞌ tauna ntániꞌna, ineeꞌkou maꞌala rapakanawoꞌ, láwiꞌ hangko tiꞌara mani haweꞌ alo iti, to rompákáꞌ deꞌe hangaa-ngaa mewaliꞌ sieruꞌ: handaꞌ tauna hangaa-ngaa moewaꞌ Pueꞌ Ala, hai hangaa-ngaa haweꞌ woꞌo hadua tauna to rauliꞌ Topoewaꞌ Kerisitu. Topeꞌewaꞌ iti ia miꞌi ewálina Pueꞌ Ala. Ia ina mampepemahile hai mengkaiwongko hangko i upu-upu to rapenómbái i duniáꞌ. Hai ia ina pebáiꞌ ntepuꞌu mehoda i lalu Támbina Pueꞌ Ala, hai ina nauliꞌ kaꞌiana miꞌi Pueꞌ Ala. Mewaliꞌ manótó miꞌi kaꞌina ratibena i lalu naraka.

2 Tesalonika 2:8

hangko haweꞌ riꞌi Topeꞌewaꞌ. Agáiáná ane haweꞌ miꞌi Pueꞌ Iesu hai kuasaꞌNa to meawaꞌ, kamakuasaꞌna Topeꞌewaꞌ iti ini hópóꞌ miꞌi, láwiꞌ moliu peá peinaoNa to mesuwuꞌ i humeNa, Pueꞌ Iesu ina mopapate Topeꞌewaꞌ iti.

Pampetudeꞌá 12:14

Agáiáná towawine iti raweꞌi rombuaꞌ kapi to mahile, nodo kapi koꞌaaꞌ to mahile ntepuꞌu. Onoꞌ miꞌi haneꞌi membara miꞌi lao i pádá loriꞌ i katoroꞌá to rapatimamaꞌá miꞌi ami, bona tiꞌara nalámbiꞌ naga iti. Ionoꞌ, ia rakádipurá tálu parena hantangaꞌ kamaruena.

Pampetudeꞌá 12:6

Roo onoꞌ, towawine iti melangka miꞌi lao i pádá loriꞌ, haneꞌi rapatoroꞌ i katoroꞌá to napatimamaꞌá miꞌi Pueꞌ Ala. Towawine iti rakádipurá i lalu hasábu rongatu hai ini puloꞌna alona kamaruena.

Pampetudeꞌá 14:12

Onoꞌ miꞌi haneꞌi tauna to mehárungá i Pueꞌ Ala hai mampeuláꞌi oaꞌ hawaꞌNa, hangaa-ngaa sabaraꞌheꞌ mantódihá kapári.

Pampetudeꞌá 16:6

láwiꞌ tauna to kadake i duniáꞌ mopapatemoheꞌ taunáMu to handaꞌ, hai mobubumoheꞌ waheꞌraꞌ nábiꞌMu. Onoꞌ miꞌi haneꞌi Nubáliki miꞌi uwai i duniáꞌ mewaliꞌ nodo waheꞌ, haneꞌi Nuweꞌiheꞌ to mepapate bona rainu. Apa to Nubábehi iti, hintotoꞌ ntepuꞌu i hira!”

Pampetudeꞌá 17:6

Kuita towawine iti malangu miꞌi moinu waheꞌna taunána Pueꞌ Ala. Lempóna, handaꞌ tauna to mopangákuꞌ kaꞌIesuna Pueꞌraꞌ to napapate. Tingkáráꞌ ntepuꞌuaꞌ moita towawine iti.

Pampetudeꞌá 18:24

Hai hira mopapateheꞌ handaꞌ tauna i duniáꞌ tepasuaꞌ nabiꞌ-nabiꞌ hai taunána Pueꞌ Ala.”