Danieli 7:19 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁹ Hangko ionoꞌ, kupoinao mani kuisá lempóna binataꞌ to kaꞌiba to montaniꞌ hangko i binataꞌ to ntániꞌna, láwiꞌ binataꞌ iti melááꞌ-lááꞌi ntepuꞌu, hai ngihina hangko i besiꞌ, hai kánuna hangko i tembaga. Upu-upu to nahakaꞌ, narupuꞌ sieruꞌ hangko naꞌandeꞌ riꞌi hai pelábiána nakada-kada.

Danieli 7:19 Iomraidhean Croise

Danieli 7:20

Kupoinao woꞌo kuisá apa lempóna tánduꞌ to hampuloꞌ to ara i wuáꞌna, hai mokana tánduꞌ to kókóiꞌ to mesupaꞌ i bókóꞌ hai mowehángi tálu wuaꞌna tánduꞌ to mesupaꞌ rungu-runguna. Tánduꞌ to kókóiꞌ iti pomata hai pohume. Upu-upu laluita to nahuwárá, laluita to maꞌángkáꞌ, hai tánduꞌ to kókóiꞌ iti melumbuꞌ periringkuꞌina hangko i tánduꞌ to ntániꞌna.

Danieli 7:7

Roo onoꞌ, kuita i pampetudeꞌá, iaperái hangkaꞌ mesupaꞌ binataꞌ to kaꞌiba to melááꞌ-lááꞌi, hai binataꞌ iti maróhó ntepuꞌu. Ia mampongihi besiꞌ to mahile. Upu-upu to nahakaꞌ narupuꞌ sieruꞌ hangko naꞌandeꞌ riꞌi. Pelábiána naꞌandeꞌ, nakada-kada. Binataꞌ iti montaniꞌ hangko i binataꞌ to mesupaꞌ ioru, hai binataꞌ iti motánduꞌ hampuloꞌ.

Danieli 7:8

Tangaꞌna kupepeita tánduꞌna binataꞌ iti, iaperái mesupaꞌ tánduꞌ to ntániꞌna hangko i hiliꞌna tánduꞌ to hampuloꞌ. Tánduꞌ to mesupaꞌ iti kókóiꞌ. I kamesupaꞌna peá tánduꞌ iti, tálu wuaꞌna tánduꞌ to ioru mapupuhi, hai tánduꞌ to kókóiꞌ iti pomata hai pohume nodo tauna. Upu-upu laluita to nahuwárá, laluita to maꞌángkáꞌ.