Danieli 7:14 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁴ Ia raweꞌi kuasaꞌ mepárentá bona rabiláꞌ, onoꞌ miꞌi haneꞌi upu-upu tauna hangko iumbá-umbá peá kaꞌaraꞌáraꞌ, hai upu-upu básá, mouláꞌheꞌ hawaꞌna. Kamakuasaꞌna iti ina ara duuꞌna i rue-ruena, hai kadatuána tiꞌara ina tuna.

Danieli 7:14 Iomraidhean Croise

Danieli 2:35

Mewaliꞌ besiꞌ, tampoꞌ pólóꞌ, tembaga hai buláwá hangkani lao marupuꞌ nodo awu to nahimbáróka wui i tempó alo, to membara duuꞌna tiꞌara ara to mentárá. Agáiáná watu to morokaꞌ watutauna iti, kalao-lao mewaliꞌ buluꞌ to mahile hai mobukeki duniáꞌ.

Danieli 2:37

Datu to kubiláꞌ, to makuasaꞌ hangko i upu-upu datu. Pueꞌ Ala to ara i surugáꞌ mampopewaliꞌmokoꞌ datu, hai mampoweꞌimokoꞌ kuasaꞌ, kamaróhó hai kameawaꞌ.

Danieli 2:44

I tempóna kadatuá to kaꞌiba mokuasaꞌi duniáꞌ, Pueꞌ Ala to ara i surugáꞌ ina moaró hambuaꞌ kadatuá to tiꞌara ina magero haweꞌ i rue-ruena. Kamaróhóna hai peawaꞌna tiꞌara ina melimbá i kadatuá to ntániꞌna. Kadatuá iti ina mogero hai mopatuna hinángkáꞌ kadatuá to ntániꞌna.

Danieli 3:4

Molaluita miꞌi opasina datu napasimbuku, nauliꞌ, “Halalu-halalu hangko i upu-upu kaꞌaraꞌá hai upu-upu roboꞌ, hai hangko i upu-upu básá! Nipehádingi miꞌi hawaꞌna datu to manguliꞌ node:

Danieli 4:3

Metingkáráki ntepuꞌu tandaꞌ-tandaꞌ to Nabábehi, hai mehelei ntepuꞌu tandaꞌ kuasaꞌ to Nabábehi! KadatuáNa ia miꞌi kadatuá to tiꞌara mokahópóꞌá, hai popárentáNa ina ara oaꞌ haweꞌ i rue-ruena!

Danieli 6:26

Roo onoꞌ, Datu Dáriu mopakatu sura i upu-upu roboꞌ hai i upu-upu pueꞌ básá i humalele tampoꞌ to nakuasaꞌi. Óntóꞌna sura node: “Tabeá. Hampóáꞌworia ina mantámbái kamaroꞌana katueꞌmi.

Danieli 7:18

Agáiáná taunána Pueꞌ Ala to i Surugáꞌ, ina raweꞌiheꞌ woꞌo kuasaꞌ mepárentá, hai popárentáraꞌ iti ina ara duuꞌna i rue-ruena.”

Danieli 7:27

Upu-upu kadatuá hai kamakuasaꞌ i duniáꞌ ina napeweꞌi Pueꞌ Ala to i Surugáꞌ i taunáNa, hai kamakuasaꞌraꞌ mepárentá tiꞌara ina mokahópóꞌá. Upu-upu to makuasaꞌ to ara i duniáꞌ ina mampeuláꞌi hawaꞌraꞌ.”

Matiu 11:27

Roo onoꞌ, nauliꞌ wopiꞌi Iesu, “Upu-upu naweꞌiMoꞌ UmáNgkuꞌ. Tiꞌara ara haweꞌ hadua to moisá kaKódóꞌna Ánáꞌna Pueꞌ Ala, bateꞌna peá UmáNgkuꞌ to moisá ntepuꞌuAꞌ. Noꞌonoꞌ woꞌo, tiꞌara ara haweꞌ hadua to moisá UmáNgkuꞌ, bateꞌna peá Kódóꞌ ÁnáꞌNa, hai heáná peá to Kupopaisáꞌáheꞌ kaheánána UmáNgkuꞌ.

Matiu 28:18

Nahungkukiheꞌ Iesu, haneꞌi Nahángáꞌáheꞌ, “Upu-upu kuasaꞌ i surugáꞌ hai i duniáꞌ naweꞌiMoꞌ Pueꞌ Ala.

Lukasi 1:33

Ánáꞌmu iti ina mopárentá toSáráeliꞌ duuꞌna i rue-ruena, hai popárentáNa iti tiꞌara ina mokahópóꞌá.”

Lukasi 10:22

Roo onoꞌ, nauliꞌ wopiꞌi Iesu i tauna to handaꞌ, “Upu-upu naweꞌiMoꞌ UmáNgkuꞌ. Tiꞌara ara hadua to moisá kaKódóꞌna Ánáꞌna Pueꞌ Ala, bateꞌna peá UmáNgkuꞌ to moisá ntepuꞌuAꞌ. Noꞌonoꞌ woꞌo, tiꞌara ara to moisá UmáNgkuꞌ, bateꞌna peá Kódóꞌ ÁnáꞌNa hai heáná peá to Kupopaisáꞌáheꞌ kaheánána UmáNgkuꞌ.”

Iohane 12:34

Rauliꞌ tauna to handaꞌ, “I lalu Sura Magasaꞌ kibásá: Datu Topehómpóꞌ tueꞌ duuꞌna i rue-ruena. Moapa riꞌi haneꞌi Nuꞌuliꞌ Ánáꞌ Mánusiá hangaa-ngaa rapamapángkáꞌ i kau mombehape? Ánáꞌ Mánusiá to noumbá to Nutunggái?”

Iohane 3:35

Pueꞌ Ala Umántaꞌ mampokaꞌahiꞌ ÁnáꞌNa hai mampoweꞌi miꞌi upu-upu kuasaꞌNa.

Iberani 12:28

Mewaliꞌ halalu-halalu, ánti kaꞌina molámbiꞌtaꞌ gáláꞌtaꞌ i lalu popárentána Pueꞌ Ala to tiꞌara peisá raenggo, onoꞌ miꞌi haneꞌi hangaa-ngaa tauliꞌ handaꞌ kamaroꞌana i Pueꞌ Ala, hai hangaa-ngaa menómbá mpuꞌukeꞌ i Hia mouláꞌ peundeꞌáNa. Hangaa-ngaa tabiláꞌ hai tapengkoruꞌi ntepuꞌu,

1 Peturuꞌ 3:22

Karoona Iesu rapatueꞌ huleꞌ, Ia mengkaoreꞌ lao i surugáꞌ, haneꞌi mehoda tándáꞌ i kuánána Pueꞌ Ala. Upu-upu malaꞌeka hai to makuasaꞌ hai to mepárentá, rapopengkoruꞌheꞌ i Iesu.

Pampetudeꞌá 1:6

hai Napopewaliꞌkeꞌ taunáNa i lalu popárentáꞌáNa. Napopewaliꞌmokeꞌ nodo tadulako menómbá i Pueꞌ Ala, UmáNa. Iesu Kerisitu miꞌi to meawaꞌ tueꞌNa hai to makuasaꞌ duuꞌna i rue-ruena. Ami!

Pampetudeꞌá 11:15

Malaꞌeka to kapitu motawueꞌ tamburuꞌna, hai araheꞌ to molaluita rapasimbuku i lalu surugáꞌ, rauliꞌ: “Deꞌe-deꞌe, upu-upu kadatuá i duniáꞌ napárentá miꞌi Pueꞌ Ala Pueꞌtaꞌ, hingkakani hai Ia to Napileꞌi miꞌi mewaliꞌ Datu Topehómpóꞌ, bona mepárentá duuꞌna i rue-ruena.”

Pampetudeꞌá 17:14

Ina mampombealaꞌáheꞌ Iesu to rapándiriꞌ nodo Ánáꞌ Dimbá. Agáiáná Ánáꞌ Dimbá ina monangiheꞌ, láwiꞌ ia miꞌi Pueꞌ to melumbuꞌ kamakuasaꞌNa hangko i upu-upu pueꞌ, hai Datu to melumbuꞌ kamakuasaꞌNa hangko i upu-upu datu. Ánáꞌ Dimbá iti ina raporángá taunáNa to Nakióꞌ hai Napileꞌi, to meuláꞌheꞌ oaꞌ i Hia.”

Pampetudeꞌá 3:21

Heáná to menangi, ina Kupopehoda hingkakani hai Kódóꞌ i pehodaꞌá kadatuáNgkuꞌ, nodo woꞌo Kódóꞌ menangiAꞌ, hai mehodaꞌAꞌ mepárentá hingkakani hai UmáNgkuꞌ i pehodaꞌá kadatuáNa.