Danieli 7:10 - Sura Magasaꞌ: Bahangapa sura Pototowiá to Sae hai Pototowiá to Woꞌu

¹⁰ Hai api to roreꞌ oaꞌ mendele hangko i pehodaꞌána, hai i sábuna tauna meángkáꞌ i lindoꞌNa, timamaheꞌ ina mampeuláꞌi hawaꞌNa. Hangko ionoꞌ, pobutusi kara-kara ratepuꞌu miꞌi, hai sura poukiꞌá upu-upu bábehiá rabungkáhi miꞌi.

Danieli 7:10 Iomraidhean Croise

Danieli 12:1

Malaꞌeka to mewaruꞌ to bulá iti, mopaliliu laluitana, nauliꞌ, “I tempó onoꞌ, ina haweꞌ Mikaeli, malaꞌeka to mokámpái tampoꞌ Sáráeliꞌ. Hangko ionoꞌ, ina ara kapári to rumihi to tiꞌara mani hangkani mewaliꞌ, mantepuꞌu i tempóna tauna mopakeꞌ básá to montaniꞌ-ntaniꞌ. Agáiáná i tempó iti, upu-upu hangka toSáráeliꞌmu to teukiꞌ hangaꞌraꞌ i Surana Pueꞌ, ia miꞌi Sura Ngkatueꞌ, ina rapelaeheꞌ.

Danieli 7:22

Agáiáná tangaꞌraꞌ mombeala, Ia to Tueꞌ Duuꞌna i Rue-ruena haweꞌ mai mobutusi kárá-káráraꞌ taunáNa. Mewaliꞌ katongawaꞌána upu-upuna taunána Pueꞌ Ala tiꞌara ara katesalaꞌiáraꞌ, láwiꞌ manótó bábehiáraꞌ. Hangko ionoꞌ, taunána Pueꞌ Ala to i Surugáꞌ ina mantepuꞌu miꞌi mepárentá.

Danieli 7:26

Kanahópóꞌna peá tálu parena hantangaꞌ, Pueꞌ Ala to i Surugáꞌ ina mopaꞌara pobutusi kara-kara. Mewaliꞌ pobutusiNa, kamakuasaꞌna datu iti ina raꞌala, hai ia ina raropuꞌ duuꞌna tuna.

Matiu 25:31

Iesu mopaliliu laluitaNa i topeguruNaheꞌ, Nauliꞌ, “Ane haweꞌ huleꞌ Ánáꞌ Mánusiá, ina meawaꞌ tueꞌNa hai maróhó ntepuꞌu kuasaꞌNa. Ia ina raporángá upu-upu malaꞌeka, hai Ia ina mehoda i pehodaꞌá kadatuáNa to meawaꞌ.

Iberani 1:14

Mewaliꞌ apa to taisá mokana i upu-upu malaꞌeka? Hira iti huoꞌána Pueꞌ Ala to mobágóꞌ nodo topekádipurá. Nahuoꞌheꞌ motulungi tauna to ina molámbiꞌ katueꞌ to maroꞌa to tiꞌara mokahópóꞌá.

Iberani 12:22

Halalu-halalu, tiꞌarakou haweꞌ i buluꞌ to noꞌonoꞌ, agáiáná deꞌe-deꞌe haweꞌmokou i Buluꞌ Sio hai kótá Ierusale to i surugáꞌ to nakatoroꞌi Pueꞌ Ala to tueꞌ. Molindoꞌkou i sábuna malaꞌeka to moromu-romuheꞌ i lalu kagóeꞌ-góeꞌ.

Iudasiꞌ 1:14

Ara laluitana nabiꞌ Henoꞌ hangkoia mokana i pehukuna Pueꞌ Ala i tauna to mepakanawoꞌ to toroꞌ tempó deꞌe. Henoꞌ iti ia miꞌi pemuleꞌána Adama to kapituna lápina. Nauliꞌ node: “Toꞌu ntepuꞌu to kuhángáꞌáꞌákou deꞌe: Pueꞌ ina haweꞌ hingkakani hai malaꞌekaNa to magasaꞌ to i sábuna kahandaꞌraꞌ.

Pampetudeꞌá 11:18

Upu-upu tauna to tiꞌara meuláꞌ i Hio, mabukoꞌmoheꞌ moewaꞌKoꞌ. Agáiáná haweꞌ miꞌi tempóna Nupatongawaꞌáheꞌ kamabukoꞌMu. Haweꞌ miꞌi tempóna Nubutusi kárá-káráraꞌ tauna to mate. Haweꞌ miꞌi tempóna Nuháwángi bábehiáraꞌ taunáMu to maroꞌa: i nabiꞌ to mopahaweꞌ laluitaMu, i tauna to meuláꞌ i Hio, iamoheꞌ tauna to mampomahile hangaꞌMu, mantepuꞌu to i wóiꞌ tueꞌraꞌ, haweꞌ-haweꞌ i to mokahangaꞌiá tueꞌraꞌ. Haweꞌ miꞌi tempóna Nuhuku tauna to mopakadake duniáꞌ deꞌe.”

Pampetudeꞌá 5:11

Roo onoꞌ, kuitaheꞌ malaꞌeka to handaꞌ ntepuꞌu to tiꞌara peisá raimbaꞌ, hai kuhádi wambaꞌraꞌ. Meángkáꞌheꞌ motolelingi pehodaꞌá kadatuá hai pinatueꞌ to iba hai totosae iti.