Danieli 6:8 - Sura Magasaꞌ: Bahangapa sura Pototowiá to Sae hai Pototowiá to Woꞌu

⁸ Upu-upu tauna to mapángkáꞌ lántiꞌraꞌ i kadatuá deꞌe, upu-upu tadulako, biti mágáuꞌ, hai topobágóꞌ ntániꞌna, himpudumongkaiꞌ. Onoꞌ miꞌi haneꞌi maiangkaiꞌ mampombelámbiꞌá datu, bona datu mopaꞌara hambuaꞌ párentá to hangaa-ngaa rapeuláꞌi ntepuꞌu. Maroꞌa miꞌi datu mopaꞌara párentá to tiꞌara peisá radiiꞌ huleꞌ, bona i lalu tálu puloꞌna alona, tiꞌara ara haweꞌ hadua tauna rapaliu menómbá i ánitu ba i tauna, ngkáliꞌna riꞌi mekakae peheꞌ i datu. Hai heáná peá to moliungi hawaꞌ iti, ina ranawoꞌ i lalu balamba, katoroꞌá singá.

Danieli 6:8 Iomraidhean Croise

Eteꞌ 1:19

Onoꞌ miꞌi haneꞌi, ane nupokana datu, kipembiáꞌ bona datu mopaꞌara hambuaꞌ párentá to hangaa-ngaa teukiꞌ i lalu sura poukiꞌá áturá bona tiꞌara piꞌi peisá radiiꞌ huleꞌ, maroꞌa i Peresia maroꞌa i Media. I lalu sura áturá iti, hangaa-ngaa raukiꞌ, Wasti tiꞌara piꞌi peisá lao mampombelindoꞌá datu, hai hangaa-ngaa rapeliꞌ towawine to ntániꞌna to ina mopaháwángi Wasti, to maroꞌa mani pambiárána hangko i Wasti.

Eteꞌ 3:12

Mewaliꞌ Haman mampopealamoheꞌ upu-upu guruntulisiꞌ to mobágóꞌ i hambuaꞌ-hambuaꞌ poropensi i humalele kadatuá, haneꞌi nahuoꞌheꞌ moukiꞌ sura haweꞌ i upu-upu biti mágáuꞌ hai tauna to mapángkáꞌ lántiꞌraꞌ i lalu kadatuá, haweꞌ-haweꞌ i tadulako-tadulako i hambuaꞌ-hambuaꞌ roboꞌ. Hai sura iti raukiꞌ mouláꞌ básá hai poukiꞌraꞌ i hambuaꞌ-hambuaꞌ poropensi hai moliu hangaꞌna Datu Ahasiwero. Sura iti rapetándái hai hingkoliꞌ datu.

Eteꞌ 8:10

Upu-upu sura iti natandaꞌ tae Modekai moliu hangaꞌna Datu Ahasiwero hai ratandaꞌi hai petándái datu. Roo onoꞌ, Modekai mohuoꞌmoheꞌ tauna lao moánti sura-sura iti i hambuaꞌ-hambuaꞌ poropensi kadatuá mosaweꞌiheꞌ dárá kadatuá to magásiꞌ pelangkaraꞌ.

Eteꞌ 8:3

Hangko ionoꞌ, Eteꞌ lao wopiꞌi mampombelámbiꞌá datu. Ia molingkudu hai teriaꞌ ngkalao membiáꞌ bona upu-upu poliwona Haman to kadake iti, nadiiꞌ huleꞌ datu.

Eteꞌ 8:8

Mewaliꞌ deꞌe-deꞌe, kupaliukou moukiꞌ hampákáꞌ mani sura ntániꞌna mokana i toIahudiꞌ mouláꞌ apa peá to maroꞌa i pekirimi. Niukiꞌ miꞌi sura iti moliu hangaꞌkuꞌ hai hangaa-ngaa nitandaꞌi hai petándái kadatuá, láwiꞌ sura to teukiꞌ moliu hangaꞌkuꞌ, hai ratandaꞌi hai petándái datu, tiꞌara peisá radiiꞌ huleꞌ.”

Danieli 5:28

FARSIN lempóna ragáláꞌ, láwiꞌ kadatuána datu ragáláꞌ miꞌi mewaliꞌ ronggáláꞌ hai raweꞌimoheꞌ toMedia hai toPeresia.”

Danieli 6:12

Mewaliꞌ tauna to mampoewaliá Danieli iti manggaguheꞌ lao i támbina Danieli. Kapesuaꞌraꞌ peá, rahumba Danieli tangaꞌna mekakae i Pueꞌ Alana.

Danieli 6:15

Kanahádina datu mokana i Danieli, masusa ntepuꞌu laluna, hai napeliꞌ rárá ina mokábáhá Danieli. Duuꞌna haweꞌ támpu alo, napári-pári mani mampeliꞌ rárá ina motulungi Danieli.

Matiu 24:35

Langiꞌ hai duniáꞌ ina magero, agáiáná laluitaNgkuꞌ bateꞌna ina ara oaꞌ haweꞌ i rue-ruena.”