Danieli 6:3 - Sura Magasaꞌ: Bahangapa sura Pototowiá to Sae hai Pototowiá to Woꞌu

³ Hai naꞌángkáꞌheꞌ woꞌo tálu tauna to mewaliꞌ to i reáraꞌ biti mágáuꞌ, tepasuaꞌ woꞌo Danieli. Hira miꞌi iti to mokámpái pobágóꞌraꞌ biti mágáuꞌ bona tiꞌaraheꞌ ara to mopakanawoꞌ datu.

Danieli 6:3 Iomraidhean Croise

Eteꞌ 10:3

Modekai toIahudiꞌ iti, ia miꞌi to mapángkáꞌ ntepuꞌu lántiꞌna i kadatuána Ahasiwero, hai ia to mewaliꞌ biti mágáuꞌ. Ia rabiláꞌ ntepuꞌu tauna hai raundeꞌ ntepuꞌu hangka toIahudiꞌna to handaꞌ, láwiꞌ ia mobágóꞌ oaꞌ bona maroꞌa katueꞌraꞌ hangka toIahudiꞌna duuꞌna haweꞌ i pemuleꞌáraꞌ.

Danieli 5:12

Tauna iti mapánde ntepuꞌu hai bukeꞌ pekiri. Ia mapánde woꞌo molempónga paturu, mowungkeꞌ upu-upu to tewuniángi, hai naisá mopakanótó lempóna apa to maꞌángkárá rapekiri. Hangaꞌna tauna iti Danieli, agáiáná pueꞌmu hangkoia mobáliki hangaꞌna mewaliꞌ Beletasaꞌ. Maroꞌa ane nukióꞌ mai Danieli. Ia ina mopakanótó i datu apa lempóna ukiꞌ iti.”

Danieli 5:14

Kuhádi miꞌi daritakáná mokana i hio. Io naporángákoꞌ oaꞌ inaoraꞌ ánitu, hai io hadua tauna to mapánde ntepuꞌu, bukeꞌ timbá, hai kaladu pekirimu.

Danieli 5:7

Onoꞌ miꞌi haneꞌi ia molaluita napasimbuku bona upu-upu tauna to handaꞌ pangisáraꞌ, topebao hai upu-upu tauna to moisá mampeita betue, raꞌánti lao i hia. I kahaweꞌraꞌ peá, molaluita miꞌi datu, nauliꞌ, “Heáná peá to moisá mobásá ukiꞌ iti hai mopahaweꞌ lempóna, ina kuweꞌi kumbá kadatuá to makámumu, hai awóló rante to hangko i buláwá, tandaꞌ pebiláꞌkuꞌ i hia. Hai ina kuángkáꞌ mewaliꞌ tauna to katálu mepárentá hangko i datu.”

Danieli 9:23

Tempómu membiáꞌ tulungi i Pueꞌ Ala, pembiáꞌmu iti Nahániki. Onoꞌ miꞌi haneꞌi maiaꞌ i hio bona peisá kupahaweꞌ hánikina pembiáꞌmu láwiꞌ napokaꞌahiꞌ ntepuꞌukoꞌ Pueꞌ Ala. Mewaliꞌ nupehádingi mpakaroꞌa apa to kupakanótóákoꞌ, pehániꞌna Pueꞌ Ala mokana i apa to Natudeꞌámokoꞌ.